Ja pse u vra simpatizanti i LSI dhe kush e plagosi kandidatin për deputet

 Shkruar nga Elis Kuci

Janë zbardhur rrethanat e vrasjes së simpatizantit të LSI si dhe të plagosjes së kandidatit të PD për deputet, Mhill Hufi.

Sherri ka nisur pas konstatimit për blerje votash nga njerëz të PS dhe LSI. Kandidati për deputet i PD, Hufi, pas këtij konstatimi ai i ka kërkuar njerëzve të PS dhe LSI që të largohen nga qendra e votimit dhe të mos blejnë votat.

Ky reagim ka sjellë tensionim të situatës, ku nga njerëz të PS dhe LSI janë shkrepur armët si pasojë e të cilave ka mbetur i plagosur, Kandidati për Deputet i PD, Hufi dhe kushëriri i tij, ndërsa është vrarë simpatizanti i LSI, Gjon Gjoni.

Ndaj kësaj ngjerje reagun Meta dhe Rama të cilët deklaruan se do të marrin me çdo çmim pushtetin, ndërsa nuk ka vonuar edhe reagimi i PD, i cili e ka konsideruar ngjarjen një akt të pastër terrorist

“Politikanet e nekro politikes vrapuan te nxjerrin kapital politik me ngjarjen tragjike te Lacit, nje akt i paster terrorist ndaj kandidatit te Partise Demokratike, Mhill Fufi.

Politikanet e nekro politikes harruan te shprehin ngushellime publike per familjen e viktimes dhe te permendin plagosjen e kandidatit te PD dhe te afermit te tij nga persona, mbeshtetes dhe perkrahes te PS dhe aleateve te saj, disa prej te cileve  shkuan nga Tirana per motive te paqarta.

Keta persona, thirrjes te kandidatit tone, largohuni dhe mos ndani leke ketu i jane pergjigjur me arme, duke plagosur kandidatin e PD dhe te afermin e tij, Kastriot fufi.

Partia Demokratike denon cdo akt  dhune, fton qytetaret te votojne te qete, te marrin pjese te gjithe ne keto votime qe jane te nje rendesie jetike per zhvillimin dhe integrimin e shqiperise ne BE”m thuhet në deklaratën e zëdhënëses së PD, Vorpsi.