Fushata e PD-së 80 mitingje, 27 rrugë, 16 town-hall-e dhe 17 vepra të përuruara në 40 ditë

Mitingje elektorale, përurime veprash të rëndësishme, bashkëbisedime me qytetarët, rrugë dhe shkolla të përuruara

40 ditë ka zgjatur fushata elektorale e Partisë Demokratike, që nga 13 maji, dita kur janë prezantuar në një miting madhështor kandidatët e kësaj force politike për qarkun e Tiranës. Gjatë këtij harku kohor, aktivitete të shumta, të llojeve të ndryshme, janë përdorur për të bindur qytetarët shqiptarë që të zgjedhin alternativën e djathtë. Sipas vëzhgimit të “Standard”, rezulton se gjatë këtyre ditëve, janë mbajtur 80 mitingje dhe takime elektorale, jo vetëm në sheshet e qyteteve kryesore, por edhe në krahina dhe zona që mund të konsiderohen më të vogla, por që demokratët nuk i kanë lënë jashtë fokusit, duke përcjellë kështu mesazhin se qytetarët janë të barabartë kudo, si në fshat ashtu edhe në qytet. Tek të gjitha këto mitingje, nga më i madhi tek më i vogli, nuk ka munguar kreu i selisë blu, zoti Berisha, i cili ka realizuar edhe premtimet për këtë fushatë elektorale. Ai ka prezantuar në çdo miting kandidatët për deputetë në këto qarqe, ndërsa ka shpalosur edhe projektin e tij për një “Shqipëri të zhvilluar”. Mesatarisht, Kryeministri ka zhvilluar nga 2 mitingje në ditë, ndërsa dita me më shumë aktivitete të këtij lloji është ajo e javës së fundit të fushatës, ku lideri demokrat zhvilloi 5 mitingje në ditë. Infrastruktura
Vetëm gjatë këtyre ditëve janë përuruar 17 rrugë që janë përfunduar, tek disa të tjera janë në proces ndërtimi, të cilat shefi i mazhorancës i ka inspektuar, ndërsa ka prerë shiritin për 10 të tjera tek të cilat sapo kanë nisur punimet. Vetëm për këtë kategori që sapo kanë nisur punimet janë mbi 100 kilometra, të cilat në muajt e ardhshëm pritet që të rregullojnë ndjeshëm infrastrukturën e këtyre rrugëve. Tek ato ku punimet sapo kanë filluar, bie në sy by-pass-i i Fierit, si një vepër e një rëndësie të veçantë. Ndërsa rrugët që kanë përfunduar, pa dyshim që në këtë fushatë do mbahet mend ajo e tunelit që lidh Tiranën me Elbasanin, një investim prej 204 milionë dollarësh, që u përurua dhe u hap për qytetarët fiks një javë më parë. Që prej të dielës së kaluar, Tirana dhe Elbasani ndodhen vetëm 15 minuta larg njëra-tjetrës, ndërsa edhe për pjesën tjetër të Shqipërisë distancat janë shkurtuar ndjeshëm.
Town-hall
16 bashkëbisedime me shtresa të ndryshme të popullsisë ka realizuar kreu i qeverisë gjatë ditëve të fushatës, pa përmendur të tjerat që ai ka bërë gjatë muajve të kaluar kryesisht me fermerët dhe sipërmarrësit. Në këto takime nuk kanë munguar edhe takimet me arsimtarët, akademikët, nxënësit, studentët me të cilët ka diskutuar programin elektoral të 4 viteve të ardhshme. Për herë të parë, siç ka deklaruar kreu i mazhorancës, kërkesat e të gjithëve janë materializuar në program dhe disa prej tyre kanë filluar të implementohen që tani.
Vepra të mëdha
Rikonstruksionin e ndërtesës së Autoritetit të Aviacionit Civil, investim me vlerë 55 milionë lekë, fillimi i ndërtimeve për 5 HEC-e me vlerë 146 milionë euro apo terminali për kroçerat që ka kushtuar 480 milionë lekë, janë vetëm disa prej veprave më të rëndësishme që ka vendi ynë tashmë. Qeverisja demokratike u ka kushtuar vëmendje edhe ujësjellësve, shkollave apo edhe impianteve të përpunimit të ujërave të zeza, ku vetëm gjatë fushatës janë vënë në funksion 3 prej tyre në Korçë, Lezhë dhe në Vlorë. Por Shqipëria dixhitale, një tjetër platformë e nisur nga PD-ja, duket se ka rezultuar e suksesshme, pasi janë përuruar shërbime të tjera si e-dogana, por edhe e-patenta. Qendra e kontrollit të trafikut dhe gjithashtu disa nënstacione elektrike kanë marrë jetë, për t’u ardhur në ndihmë të gjithë qytetarëve shqiptarë.

Mitingje

1. Tiranë
2. Ballsh
3. Durrës
4. Kavajë
5. Kamëz
6. Burrel
7. Klos
8. Korçë
9. Devoll

10. Lezhë
11. Shkodër
12. Pukë
13. Peshkopi
14. Bulqizë
15. Lushnjë
16. Berat
17. Fier
18. Vlorë
19. Gjirokastër
20. Bulqizë
21. Dibër
22. Kukës
23. Has
24. Bajram Curr
25. Kënetë
26. Rrashbull
27. Njësia 7
28. Lapardha
29. Poliçan
30. Laprakë
31. Tregan
32. Njësia 4
33. Shëngjin
34. Kurbin
35. Sarandë
36. Delvinë
37. Tepelene
38. Përmet
39. Cakran
40. Patos
41. Fushë-Krujë
42. Manëz
43. Çorovodë
44. Kombinat
45. Gramsh
46. Shijak
47. Vau i Dejës
48. Divjakë
49. Rrogozhinë
50. Roskovec
51. Paskuqan
52. Vorë
53. Sukth
54. Bushat
55. Ibë
56. Cërrik
57. Pogradec
58. Kavajë
59. Belsh
60. Mirditë
61. Bulqizë
62. Burrel
63. Kamëz
64. Fushë-Krujë
65. Kuçovë
66. Peqin
67. Shkodër
68. Lushnjë
69. Dibër
70. Kukës
71. Librazhd
72. Lezhë
73. Gjirokastër
74. Vlorë
75. Berat
76. Korçë
77. Elbasan
78. Fier
79. Durrës
80. Tiranë

Rrugët e përfunduara

1. Bilisht-Miras, 576 milionë lekë, 15.5 km
2. Rruga e Dibrës, 98 milionë lekë
3. Tuneli Tiranë-Elbasan, 204 milionë dollarë,
4. Lushnjë-Berat, 432 milionë lekë
5. Baks-Rrioll – 242 milion lekë, 8.2 km
6. Shëtitorja e Velipojës, 88.5 milion lekë
7. Rruga Petro Nini Luarasi, 63,7 milion lekë,
8. Livinë – Delvinë, 560 milionë lekë, 4 km
9. Kanionet e Osumit, 401 milionë lekë, 12.7 km

10. Shkodër – Han i Hotit, 34.2 milionë euro, 39 km
11. Kukës- Peshkopi, 1.95 miliardë lekë, 64 km
12. Rrugë nacionale – fshati Vukatanë,107 milionë lekë
13. Drizë – Poroçan, 331 milionë lekë, 8.74 km
14. Rrëshen – Urakë,1.31 miliardë lejkë
15. Fier – Levan, 119 milionë lekë
16. Dropull i Sipërm
17. Shën Koll-Tale, 136 milionë lekë


Kryeministri: Vendimi për TAP, i pjekur dhe i leverdishëm
Kryeministri i vendit, Sali Berisha, ka përshëndetur takimin mes Presidentit të Komisionit Evropian dhe atij të Azerbajxhanit. Sipas njoftimit të bërë publik nga zyra e shtypit e Kryeministrisë, nënvizohet fakti se qeveria është e gatshme që siç ka bërë deri më tani, të marrë përsipër të gjitha detyrimet që rrjedhin nga marrëveshja që do të miratohet në rastin më të mirë. “Kryeministri Berisha përshëndet takimin e sotëm në Bruksel midis Presidentit të Komisionit Evropian, Barroso dhe Presidentit të Republikës mike të Azerbajxhanit, Alyev. Siç njoftuan në konferencën e tyre të shtypit Presidenti Barroso dhe Presidenti Alyev çështje kryesore e këtij takimi ishte vendimi i konsorciumit Shah Denis 2 për gazsjellësin TAP apo Nabucco Light. Ndonëse nga takimi u theksua se Evropa ka nevoje për të dy gazsjellësit duket qartë se vendimi është tashmë i pjekur për projektin më të leverdishëm nga ana tregtare dhe që ndërtohet më shpejt dhe që është pikërisht TAP. Shqipëria si vend i angazhuar prej vitesh në mbështetjen e TAP me një rol nevralgjik në këtë projekt shpreh dhe një herë vendosmërinë e saj për të përmbushur çdo detyrim që rrjedh nga ndërtimi i këtij projekti në përputhje me marrëveshjet bilaterale dhe trilaterale që vendi ka firmosur me partnerët dhe aksionerët e tij. Projekti i TAP ka rëndësi të madhe strategjike për Shqipërinë mbasi bën të mundur gazifikimin e Shqipërisë me ndikim direkt në krijimin e mbi 20 mijë vendeve të punës dhe uljen e ndjeshme të kostos së jetesës për shqiptaret”, – përfundon njoftimi.