Berisha mbledh Kuvendin per 3 ligjet dhe faljen fiskale, PS ve kushte te reja

Rozeta Rapushi

Kryeministri Sali Berisha, kerkon zyrtarisht mbledhjen e Kuvendit per zhvillimin e nje seance te jashtezakonshme plenare per votimin e kater projektligjeve, tre te integrimit dhe amnistine fiskale. Por nuk vonoi reagimi i Partise Socialiste, qe beri te qarte se eshte dakord me votimin e tre projektligjeve per integrimin, por jo amnistine fiskale, duke bere thirrje Kryeministrit te mos ngaterroje ligjet me fushaten elektorale. Si dhe nenvizoi kushtin se ligjet duhet te hyjne ne fuqi ne shtator. Perplasja ne distance mes paleve, lindi pas berjes publike te kerkeses se Kryeministrit per mbledhjen e Kuvendit te enjten me 30 maj. “Kerkoj mbledhjen e Kuvendit ne nje sesion te jashtezakonshem per te shqyrtuar ceshtjet e meposhtme: projektligji “Per Nepunesin Civil”, “Per Gjykaten e Larte”, “Reformen Parlamentare” dhe “Amnistine Fiskale”. Kerkesen e mesiperme e paraqes jo vetem si shenje e vullnetit tim per t’i sherbyer vendit ne plotesimin e kushteve per marrjen e statusit te vendit kandidat ne Bashkimin Evropian, por edhe duke besuar se me ne fund, pas bllokimit te statusit, opozita do te marre pergjegjesine qe i takon duke hequr bllokimin”, - shkruan Kryeministri ne letren zyrtare drejtuar Kuvendit. Sipas tij miratimi sa me i shpejte i ketyre projektligjeve do t’i kursente vendit perafersisht 6 milione euro. Duke ju pergjigjur kerkeses se kreut te qeverise, deputetja Vasilika Hysi, tha dje se nese Berisha e ka seriozisht votimin, atehere te mblidhet menjehere Komisioni i Ligjeve per te rene dakord per projektligjet. Ndersa beri te qarte, se PS nuk do te jape votat per amnistine fiskale. “Deshiroj te theksoj se Partia Socialiste eshte e gatshme t’i votoje te tre ligjet vetem nese pala tjeter e pranon kompromisin e ofruar nga opozita. I votojme te tre ligjet, nese pala tjeter, eshte dakord qe keto tre ligje te hyjne ne fuqi vetem pas konstituimit te Parlamentit te ri qe do te dale nga zgjedhjet e 23 qershorit. Ne te njejten kohe, ne i bejme thirrje Sali Berishes per ta mbajtur ceshtjen e integrimit europian larg fushates elektorale. Te mos e ngaterroje votimin e tre ligjeve me premtimet e tjera elektorale”, - theksoi Hysi.