Sunday, February 16, 2014

Miranda Haxhia, Sot u takova me një tjetër të pushuar nga puna, vëllain tim.

“Hë, si të duken ditët ashtu, si pa pikë vlere? Mirë mua, i thashë, se me “damkën” e së Djathtës - do të endem e dënuar si Shën Pali nëpër rërën e shkretëtirës me kufomën mbi shpatulla, po ty, nga ta gjetën anën, se ne jemi njëqind kilometra larg.
-Kollaj. Më thanë:- Lëre, lëre, ti e ke qelbur fare, çupa jote dhe mbesa e asaj Miranda Haxhisë që shkruante në gazetën RD, i ka dhuruar
edhe një tufë me lule Sali Berishës kur erdhi në Urën Vajgurore! Deri këtu keni mbërritur ju si familje! (?!) Si duket, ata që kanë mbajtur mend këtë gjest, - që është ndër më të thjeshtët dhe shenjë mikpritje për atë qytet absurd, ndërtuar mbi katër shalë partish të palara, me një të vetmen urë – kanë për zemër të vrasin njerëz dhe të ndjellin prita me kallashnikov…

se Ura Vajgurore kujtohet edhe për kësi aventurash antinjerëzore… Komenti im do ishte ndër më të thukëtit për këtë allasoj politizimi, por po e lë në dorën e kujt lexon këtë- deri te gjestet e fëmijëve, buzëqeshjet apo lulet që i dhurohen ish – Kryeministrit, Sali Berisha!!! m.h.

No comments: