Vende si Shqipëria nuk mund të përfitojnë azil

Suedia ka qënë një nga shtetet që ka mbështetur liberalizimin dhe integrimin e Shqipërisë megjithatë rritja e numrit të azilkërkuesve është duke e shqetësuar shtetin suedez. Ka qënë kjo deklarata e ambasadorit suedez
 në vendin tonë Patrik Svensson gjatë një vizite në qytetin e Shkodrës. Svensson ka theksuar se për një grup të vogël shqiptarësh nuk duhet të rrezikohet kthimi i regjimit të vizave prandaj ka kërkuar marrjen e masave për parandalimin e fluksit të azilkërkuesve. Aktualisht sipas ambasadorit Svensson në Suedi nga janari i 2012 deri më tani janë identifikuar mbi 1300 azilkërkues shqiptarë, dhe
ky është një numër i lartë. Ambasadori suedez duke deklaruar se vende si Shqipëria nuk mund të përfitojnë azil, ka paralajmëruar rikthimin e të gjithë azilantëve shqiptarë. Deklaratat janë bërë gjatë takimit të organizuar në qytetin e Shkodrës me kryebashkiakun Lorenc Luka të cilit i ka garantuar bashkëpunimin me shtetin Suedez në fusha të ndryshme për zhvillimin e rajonit të Shkodrës.
Elvis Nabolli / E.M