PS-LSI? Berisha ka nje plan

Basir Collaku

Pak dite me pare, nje miku im me kujtoi nje ndodhi te bukur, teksa habitej me emerimet e deputeteve te bera nga Rama ne foltoren e partise se tij, si dhe me kthesen e udhetimit pajtimtar mes Partise Socialiste dhe Levizjes Socialiste per Integrim. Per ngjizjen e se shkuares plot mllef e urrejtje e interesit individual te Edi Rames, dale ne plan te pare per liderin e opozites, tashme si qender e lemshit politik, e konkretizuar publikisht diten tradicionale te 1 prillit. “Dikur, shume mote te shkuara, –me tha miku im, i urte dhe i mencur,- teksa zhvillohej nje gjyq, nen hijen e nje peme ne nje livadh (per mungese infrastrukture institucionale), sekretarit te gjykates i bie te fiket dhe gjyqtari vendos ta nderroje, per te mbaruar ate seance e per te marre nje vendim. Gjyqtari, pasi sheh nga turma dhe tutje nga fundi gjen dike me kollare, e therret dhe e urdheron te ulet ne vendin e sekretarit. Kundershton menjehere i befasuar dhe aspak dakord prokurori, duke i thene zotit gjykates, se njeriu me kollare nuk eshte i autorizuar, nuk ka kontribut e as pervoje. Rojtari i ligjit pa e trazuar cehren fare, e keshillon te rrije urte, se atje mes turmes, mundet te gjeje dhe nje njeri tjeter me kollare per ta zevendesuar..” Keshtu ben dhe Rama me emerimet ne lista, por pa lene menjane kusuret e aleances me te re te lajmeruar vetem dy muaj e gjysme larg dates se zgjedhjeve parlamentare te 23 qershorit 2013. Aksionet intensive mediatike ne nje balance te prishur, sic ndodh shpesh ne favor te te majteve, bene qe me date nje prill te buroje lajmi se Rama dhe Meta kane mberritur ne nje marreveshje parazgjedhore, duke plotesuar kushtet e njeri-tjetrit dhe duke prishur ato te partnereve te tjere. Pra, kryesocialisti pasi shperndau lajmin, mblodhi per disa ore ne darke te tijte, edhe ata jo fort qejfmbushur, pastaj serish kryesine per te formalizuar kerkesen, pendesen, ftesen, ku PS e LSI, do te ishin pjese e nje koalicioni parazgjedhor. Nuk eshte se kjo ngjarje perkon me alarme te Nostradamusit, apo paragrafe ardhmerie si ato te fisit Maya, por reflekton veshtiresite ne rritje ne kampin e opozites, edhe pas formatimit te ri. Meta dhe Rama, kane ndare mendjen te jene bashke si drejtues subjektesh, por shenjat tregojne se nuk kane marre miratimin, vendimin, dakordesine e ekipeve, votuesve, duke sjelle corientim jo te paket. Po plani “Berisha”, ne perballje me kete organizim te ri ne kampin e opozites, a ka nisur te konturohet dhe marre permasa? Sigurisht qe po dhe nuk ka ndonje zbulim te ri, te cilin mund ta shpall une, sepse eshte e dukshme tek ajo cka kreu i mazhorances, zoti Berisha, ka shpalosur ne perditshmerine e komunikimeve te tij me elektoratin, me qytetaret, me votuesit, me mbeshtetesit, me mbare shqiptaret, pavaresisht nese ata jetojne ne Shqiperi, apo vende te tjera fqinje me ne, si dhe shtete te tjera te planetit. Te majtet, nuk kane mundur te konsumojne pushtet me Edi Ramen, duke dale humbes ne thuajse te gjithe garat elektorale perballe mazhorances se drejtuar nga kryetari i Partise Demokratike, Sali Berisha. Punesimi, ulja e taksave, mbeshtetja e sektoreve te energjise, arsimit, turizmit, bujqesise, industrise se Teknologjise se Informacionit, jane disa nga prioritetet, boshte te programit te panderprere te mazhorances. Keto jane indikatore te permiresimit te ekonomise, te klimes se biznesit dhe sipermarrjes, thithjes se investimeve te huaja, projekteve te Bashkimit Evropian. Infrastruktura rrugore, ndertimi shkollave, spitaleve, qendrave shendetesore, ujesjellesve, njeh permbushje thuajse te plote. Jane para dhe investime, te cilat projekti “Berisha” do t’i shnderroje ne mireqenie per qytetaret, duke bashkebiseduar me shqiptaret dhe duke shpjeguar “perbene” e nje mandati te trete. Jo per ate cka eshte, bere, por per ate qe do te behet, per ate qe kapercen me tregues, te deritanishmen. Ne kete kuader te mbajtjes se premtimeve, projekti “Berisha” do te thoja se ndahet ne dy etapa, ne dy bashkesi te cilat jane shfaqur prej disa muajsh. E para, ekonomia, ku Shqiperia do te jete nje vend i zhvilluar dhe jo nje vend ne zhvillim. Kjo do te thoja se eshte kontrata e brendshme e Berishes me qytetaret, programi konkret i perkthyer ne me shume para per xhepat e qytetareve, cka do te thote me shume endrra te realizuara prej tyre. Se dyti, ajo cka Berisha ka projektin madhor, eshte integrimi, bashkimi i mbareshqiptareve ne Bashkimin Evropian, duke formesuar per te paren here, berjen bashke te interesave madhore te perfaqesimit, prejardhjes, identitetit dhe te ardhmes se shqiptareve ne nje projekt te vetem. Ne nje projekt, ku Brukseli si qeverisje evropiane nen udheheqjen e Berishes, po behet me shpejtesi kryeqyteti i dyte i shqiptareve, duke e anetaresuar Shqiperine ne Bashkimin Evropian. Duke qene njeheresh mbeshtetes, ze dhe bashkudhetar, ne Republiken e Kosoves ne vazhdimesine e integrimit te saj drejt BE. Duke qene faktor i kontributit te jashtezakonshem te shqiptareve te Maqedonise, ku serish kufiri i shqiptareve eshte mes shqiptareve dhe kjo sjell ndikim shume pozitiv, per integrimin e vendit fqinj, po ne Bashkimin Evropian. Duke prodhuar paqe, stabilitet, projekte per shqiptaret e Ballkanit Perendimor drejt barazise se tyre, duke ofruar garanci stabiliteti per gadishullin, gjejme projektin “Berisha” nisur prej kohesh, per te marre force e realizim ne mandatin e tij te trete qeverises. Askush nder politikane shqiptare ne pese shtete ku jetojne shqiptaret, nuk ka potencialin, besueshmerine dhe vendosmerine e Berishes, per t’ia dale. Keshtu, pavaresisht etjes per pushtet te Edi Rames, aleances se tij te ngutur per te fshire memorien, te shkuaren, e gjithe rropullite qe do ciflosen shume shpejt, ketij koalicioni PS-LSI, formesuar vetem teorikisht deri me sot, Sali Berisha prej kohesh i pergjigjet me nje plan, te cilin ka nisur ta zbatoje. Arti i Humbjes, ose ndryshe z.Rama, do te bindet pas 23 qershorit, se Berisha ka pasur, ka dhe do te kete gjithnje nje plan.