Liljana Kondakçi përfundon dënimin në Itali, kthehet në Shqipëri

TIRANE - Liljana Kondakçi, një prej yjeve të muzikës shqiptare, ka përfunduar dënimin e saj me 2 vite dhe tetë muaj burg në Itali për trafik droge dhe është riatdhesuar në Shqipëri. Lajmi është publikuar nga “Gazetadelasudd” në Itali.

E cilësuar si “Mina e Shqipërisë”, Kondakçi u arrestua në Selanik në vitin 2010, pas një urdhër-arresti ndërkombëtar dhe u ekstradua më pas në Itali. Mediat në shtetin fqinj shkruajnë se
Kondakçi bënte trafik droge, pasi u shpëtonte kontrolleve policore duke shfrytëzuar reputacionin e saj si këngëtare.

Problemet për këngëtaren e njohur lindën që në vitin 2006, kur ajo u ndalua pranë një stacioni hekurudhor në Itali me 3 kg kokainë.

(er.nu/news24/BalkanWeb)