Sherr në debat, Balla-Kadillit: Do të të vras, minutat e përleshjes

Shkruar nga Elis Kuci

Një tjetër shfaqje e histerisë së dhunës ka shpërthyer mbrëmë nga një tjetër deputet i Ramës. Taulant Balla ka tentuar të godasë disa herë gjatë  debatit në emisionin në News 24 të Artur Zhejit deputetin e PD, Fatbardh Kadilli.

Është dashur nbdërhyrja e vetë Zhejit si dhe e kameramanëve që kanë mundur të evitojnë sulmin histerik të Taulant Ballës ndaj deputetit Kadilli. Gjithçka ka ndodhur gjatë një debati televiziv ku të ftuar kanë qenë dy dpeutetët respektivë si dhe dy gazetarë. Është vënë re një tension tek deputeti Balla, i cili gjatë gjithë kohës ka qenë kontradiktor dhe nuk ka mundur të fshehë mashtrimin me deklaratën e pasurisë.

Balla ka deklaruar në emision se ai nuk ka shitur kurrë tokë. Ndërkohë, deputeti Kadilli ka insistuar duke e pyetur, “Vërtetë nuk ke shitur tokë”? Balla përsëri ka këmbëngulur se ai kurrë gjatë jetës së tij nuk ka shitur tokë. Në këtë moment deputeti Kadilli i ka serviruar publikut deklaratën e pasurisë së deputetit Balla ku ai deklaron se ka shitur në fshatin turistik të Spitallës dhe se prej po kësaj deklarate rezulton se në vitin 2004, Balla të ketë përfituar një shumë prej 20 mijë dollarësh.

Nxjerrja e dokumentit që faktonte pasurinë e fshehur dhe të cilën ai nuk e justifikon dot e ka bërë Ballën që të humbë qetësinë. Nervat e kanë lënë. Ka kërkuar që të shohë atë që vetë kishte deklaruaar. Pasi e ka marrë dokumentin, ai nuk ka dashur që t’ia kthejë sërish deputetit Kadilli. Është dashur ndërhyrja e drejtuesit të emisionit, Zheji që Balla të kthejë deklaratën e pasurisë së tij që disponohej nga deputeti Kadilli.

Por, nuk ka përfunduar me kaq. Balla është irritur edhe nga zbardhja e një sërë “dhuratash” të tejra të bëra transparente në emision. Balla ka deklaruar se ka marrë dhuratë nga vjehrri një apartament me vlerën e 75 mijë eurove që rezulton të jetë tek pallati i ndërtuar nga Sadri Abazi. Po ashtu është bërë prezente edhe një “dhuartë” tjetër që Balla thotë se ja ka dhënë bashkëshortja në shumën e 70 milionë lekëve, “dhuratë” e dhënë për blerjen e një makine.

Të gjtha këto e kanë bërë Ballën që të shfaqë instikte shtazarake të dhunës që karakterizojnë të gjithë drejtuesit e PS. Në pushim të emisionit, Balla ka sulmuar direkt deputetin Kadilli. Fillimisht ka tentuar ta qëllojë me gotë dhe është dashur ndërhyrja e drejteusit të emisionit, Zheji si dhe e kameramanëve që të ndalojnë agresionin e mëtejshëm të Ballës ndaj Kadillit. Por nuk ka përfunduar këtu, ai është afruar dhe i ka deklaruar Kadillit se do ta zhdukë fizikisht.