![](https://blogger.googleusercontent.com/img/b/R29vZ2xl/AVvXsEinZdHvCQgNbaCRCH_lweRyH_jDdy45LWeKLZf-wuyYgzR2-K33NxRu3mWWUMtcozclDMrNM_j3-bpajcFJbYrcnAD9TNaGuxgl5RSj_lqGZA3xamEffq2dM9KBC3TnBuRBGWEtM37S2P0w/s200/thumb_shkolla-veterinare-shkoder.jpg)
Shkodër, shkolla e Veterinarisë në gjendje të mjeruarSHKODËR- Shkolla 9 –vjecare profesionale “Veterinare" e vetmja në veri të Shqipërisë, rrezikon të dalë jashtë funksionit, pasi gjendja e saj është tejet e amortizuar. E ndodhur në lagjen periferike të Shkodrës Kiras, në pamje të parë ajo ngjason me një godinë të braktisur prej vitesh dhe jo si ambient ku zhvillohen 6 orë mësimi cdo ditë.
Përvec suvasë së rënë dhe mureve të cara në të gjitha anët e saj, aty mungojnë dyert dhe dritaret rrjedhimisht edhe mësimi zhvillohet në kushte tepër të vështira.
Në kohë me shi e gjithë lagështira futet brenda duke e bërë të pamundur zhvillimin e orëve të mësimit në ditë të tilla, pasi mungojnë dhe kushtet më minimale. I pyetur nga NEWS24 drejtori i shkollës Salvator Kici shprehet se kushtet e kësaj shkolle janë tepër të vështira.
“Për sa i përket rikonstruksionit të shkollës jemi në pritje, pasi është një domosdoshmëri. Për sa i përket plehrave para shkollës, duhet larguar kazanet që të ikin dhe plehrat. Ka shumë vjet që shkolla është në këtë gjendje”,u shpreh drejtori
Drejtori i shkollës, i bën apel shtetit që të vërë dorë pasi në të kundërt shkolla rrezikon të mbyllet për shkak të numrit të nxënësve, i cili cdo vit është dhe më i ulët.
Shkolla “Veterinare” i ka hapur për herë të parë dyert e saj në vitin 1950. Para viteve 1990 këtu kanë studiuar rreth 1100 nxënës, si dhe janë zhvilluar 4 degë të ndryshme. Aktualisht, në këtë shkollë profesionale studiojnë vetëm 94 nxënës nga veriu i vendit.
No comments:
Post a Comment