Mediet malazeze për festimet e 100 vjetorit të Kryengritjes së Malësisë

Ky është një artikull nga gazeta e përditshmja "Vijesti" e botuar me 9 prill 2011, e përkthyer në shqip:

Shënimi i Kryengritjes kundër turqve, në Malësi morën pjesë mysafirë nga Kosova

Festimet me Jasharin

Partia Boshnjake i kundërshtoj festimet që mos të prishen marrëdhëniet me Turqinë

Podgoricë – Transparentët me karakteret (imazhet) e Ademit dhe Hamzë Jasharit u mbajtën në festimin e 100 vjetorit të Kryengritjes së Malësisë, në vendin Bardhaj, afër kufirit me Shqipërinë.
Siç njofton portali i mirënjohur malësia.org, festimi që të martën e kaluar u mbajt para shtëpisë së udhëheqësit të kryengritjes kundër turqve Dedë Gjon Lulit, morën pjesë delegacione nga Kosova dhe Shqipëria, në mes të tjerëve edhe nipi i themeluesit të Ushtrisë Çlirimtare të Kosovës (UÇK) Murat Jashari.
Delegacionit kosovar një ditë më vonë ju bashkëngjit edhe Gjenerali i UÇK-së Agim Çeku i cili me Jasharin morën pjesë në festimin në Bratilë, vendin ku kryengritësit me 6 prill vendosen flamurin shqiptar dhe paralajmëruan fundin e sundimit turk në Malësi.
Kryetari i OJQ Illyricum Fran Camaj ka shpjeguar se grupi nga Kosova e ka sjellë me vete transparentin me imazhet e Dedë Gjon Lulit, Ademit dhe Hamzë Jasharit.
“Absolutisht nuk është fjala për kurrfarë provokimi, sepse Jashari për njerëzit në Kosovë është hero i popullit, të cilin sigurisht e krahasojnë me udhëheqësin e Kryengritjes në Mal të Zi Dedë Gjon Lulin“ ka thënë Camaj, duke përkujtuar se organizatori në festime nuk ka ftuar askënd nga Kosova dhe Shqipëria.
Edhe njëri nga folësit e festimit në Bardhaj, ish kryetari i Komunës urbane të Tuzit, Smajl Maliq Çunmulaj, është shpjeguar në lidhje me transparentin, se nga ajo nuk sheh ndonjë problem.
“Atë e bëri familja e tyre e cila erdhi spontanisht, pasi ata nuk ishin të ftuar nga ana e organizatorit“.
“Vërtet nuk shoh asgjë të diskutueshme se në transparent ishte imazhi i Jasharit“.
Njëri nga pjesëmarrësit e festimit në Hot, Vasel Sinishtaj, shpjegoi se mbas Gjergj Kastriotit Skenderbeut, Jashari është njëri ndër heronjtë Shqiptarë.
Ai mendon se nuk ka asgjë të keqe as problematike në paraqitjen e fotografisë së Jasharit.
“Në Mal të Zi mbahen fotografitë e krimineleve të luftës, ku keni pa rastin e mbajtjes së fotografisë së Radovan Karadzic-it në Nikshiq. E njëjta situatë është edhe në shtetet përreth. Megjithatë Jashari është hero i popullit sepse 50 anëtarë të familjes së tij humbën jetën në luftë në Kosovë. Ne e kemi lajmëruar policin se në festim do të marrin pjesë familjari i tij nga Kosova“, ka thënë Sinishtaj.
Nga festimi i Kryengritjes në Malësi, dje u distancua Partia Boshnjake, duke shpjeguar se manifestimin në Tuz e kanë vetë-iniciuar UDSH dhe DPS.
“Është fjala për një datë historike e cila na përkujton në ndarje fetare dhe trazira, me shënimin e të cilit nuk duhet irituar edhe më shumë qytetarët e këtij rajoni të përzier etnikisht dhe fetar. Tani kur marrëdhëniet në mes Mali të Zi dhe Turqisë janë në nivelin më të mirë të mundshëm dhe kur qeveria turke investon milionat në projekte zhvillimore në gjithë Malin e Zi, organizimi i këtij festimi është një gabim i pastër“, ka thënë Nedzat Dresevic (Partia Boshnjake).
Festimet e 100 vjetorit të Kryengritjes zgjatën rreth dhjetë ditë, gjatë të cilave në Tuz dhe Shkodër u zhvilluan koncerte, simpoziume shkencore dhe akademi solemne.