Basha: Numërimi i çdo vote, fitorja më e madhe

TIRANE- Transparencen e numerimit te cdo vote dhe degjimin e zerit te cdo qytetari ne respekt te ligjit e Kushtetutes, Lulzim Basha e ka quajtur fitoren me te madhe.

Ne daljen e tij per mediat, vetem pak ore pas vendimit te Kolegjit Zgjedhor qe la ne fuqi vendimin e KQZ per numerimin e votave ne kutite e gabuara, e qe nxjerr Bashen kryebashkiak te Tiranes, ai falenderoi qytetaret per mbeshtetjen.

Basha deklaroi se mbetet ne pritje te certifikimit te rezultatit final. “Jam shumë i lumtur, pasi fushata jonë ka pasur motiv dëgjimin e zërit të qytetarit. E gjithë kjo betejë ka qenë për këtë, që zëri juaj të dëgjohet. Më vjen shumë mirë që cdo votë u numërua e rregullt, sipas parimeve të demokracisë, ligjit dhe kushtetutës me transparencë të admirueshme të panjohur deri më sot, kjo është fitorja më e madhe”- tha ai.

Duke falenderuar qytetaret qe ishin mbledhur per feste ne seline e PD-se, Basha ka apeluar per durim deri ne perfundimin e procesit. “Duke respektuar të drejtën tuaj legjitime për të fstuar ju bëj thirrje të dëshmoni durim e qytetari, respekt për ligjin dhe institucionet deri në certifikimin final të këtij rezultati”- tha Basha.

“Shashkat” kërcënuese të Ramës, ndotja e tij e fundit akustike

Guxími i pavend është një nga llojet e frikës” - Senéka

Rama që e ka të qartë humbjen e garës elektorale, ka nisur të shajë Drejtësínë. I do gjykatat si komunizmi : parzmore që të “justifikojnë” nëpërkëmbjen e pafajsísë. Se komunizmi dënonte pa të drejtë, pikërisht ata që e akuzonin me të drejtë. Si i terrorizuar, diktatura e tij mbijetoi duke dyshuar edhe mbi njerëzit e vet. Duke iu trembur të vërtetës universale, Rama kapet pas procedurash. Ai që ngulmoi për hapjen e kutíve, kërkon sot mbylljen e tyre. Dhe, meqë shenjtëroi çdo votë të zakonshme, urren sot ato më të pastrat. Dje e nxiti frika pse humbi, sot e shtyn tmerri i disfatës plebishitare. Rama ka ideal tensionin. Jo më kot Enver Hoxha kryente arrestime para çdo votimi. Dhe aq frikë kishte nga vota kundër, sa, ndonëse Shqipërínë e shihte si armike, fitoren e donte 99,99%. Prandaj, Shqipëría që u regj me dënimet e tij të padrejta, qesh sot me kërcënimet në formë “shashke” të Ramës. Ndoshta prandaj, kur Rama ulërin se i kanë vjedhur votat, tiranasit habiten që ta ketë vërtet për ato 10 votat e rastit. Vetëm militantët tremben mos i akuzon si matrapazë, meqë kryebashkiaku ka pasë “fituar” me mbi 20 mijë vota.(!) Ndaj shohin në ëndërr sikur Rama i padit në gjyq; sikur i urdhëron të vërviten mbi koka policësh; sikur hipën vetë në çatínë e selisë rozë dhe i kërcënon pse nuk ia kanë ruajtur votat. Megjithatë, shumica nuk frikësohen; nuk vishen me rroba të grisura për t’i vërtetuar teorínë e mjerimit; nuk qahen si të papunë dhe nuk ankohen duke klithur “fajin e ka kryeministri !”. Ndoshta kjo qetësi e alarmon më tepër Ramën. I ndez gjakun dhe i forcon fytin. Se indiferenca e tiranasve është më e rëndë se humbja e bashkisë. Rama mezí u mbushi mendjen tiranasve se qenkëshin në pikë të hallit; se s’kishin të ardhme; se bashkë me votat, u qenë grabitur dhe taksat, etj. Ai që i komandoi në demonstrata nga kullat prej xhami, i duhet të pranojë se këta nuk e paskan votuar. Po! Po! Kjo është më e rëndë se humbja. Prandaj Kolegji Zgjedhor lypset të mendohet pak për hallet e këtij ambiciozi të sëmurë. Ndryshe!... Mirëpo, çudí ! I gjithë guximi i Ramës u kthye në drojtje. Arroganca i mori trajtat e një frike instinktive. Se dhe nga grigja e deputetëve po i shkëputen ca “deshë”! Dhe bash nga ata, që ky i kish caktuar për “koka turku”. Frika bëka mrekullíra. Kuisjet për humbjen iu mekën, kurse hakërrími ndaj të vetëve kish marrë flakë. Por, pikërisht kur ndjeu se e kish humbur davánë, dolën nga ferra avokatët e “kopaçes” dhe i treguan “rrugën e vetme”, që duhej të ndiqte. Dhe Rama nisi alibínë e vjetër të votës së vjedhur. Filloi paditë ndaj institucioneve. Nisi kërcënimet ndaj komisionerëve të vet, ndaj KQZ-së dhe Kolegjit Zgjedhor. Në fund, e ndali vrapin te paqortueshmëria e Komisionit të Venecias, që dikur e kishte mohuar. Dhe filloi t’u “argumentonte” analistëve se Kolegji Zgjedhor duhej të jepte Drejtësí. Pa nisi t’u klithte dhe gazetarëve të vet, si të ishin këta fajtorët e humbjes së tij me ato 1O votat “legjendare”. Por Rama e ndiente nevojën e një kërcënimi “apokaliptik”. Ndaj hapi fjalorët dhe gjeti aty fjalën “kanibalizëm”. Po! - tha me vete. KQZ-ja, duke numëruar votat e sakta, më ka ngrënë të gjallë ! Ka kryer një ...“kanibalizëm zgjedhor!”. Madje më keq! Që kur nisi të numëronte votat e rregullta, hedhur jo në kutínë përkatëse, ajo paskësh kryer krimin më makabër, që ka parë ndonjëherë Historía e njerëzimit. Dhe iu kujtuan hetuesitë komuniste, që nuk njihnin as rrethana, as fakte, as prova. Ndaj iu kthye me nostalgji epokës së vet të shpifjeve, kur “kaun e bënte me viç dhe lopën me kopil”. Por, me t’iu kujtuar thënia se, kur mendjemadhësía s’gjen hapësíra, i bie dhe murit me kokë, u step. Dhe nuk e kuptoi si solli ndër mend sentencën “trimi i mirë me shokë shumë!”. Se nuk po shihte të merakoseshin tiranasit për mjerimin që po e gjente. Nuk po kthenin as kokën ata, që i kishin mbijetuar terrorit të Enver satrapit. Të gjithëve po u dukeshin kërcënímet e tij si ca “shashka” lamtumire!
Taní tigri qe shndërruar në lepur. Se Rama iu fsheh ca ditë syve të gazetarëve të vet. Por sejmenët e gjetën ku qe strukur dhe e mësuan të kuiste si ujk, meqë bashkë me ta, ndodheshin zbuluar para “çekanit” të Drejtësísë. Ndaj doli në mejdan i trimëruar. U shfaq i qeshur, kërcënues, sikur asgjë nuk kish përjetuar; sikur ta kishte fituar bashkinë me 3O mijë vota; sikur nuk kish qenë ky që, me katrahura, kishte bërë avokatínë e shenjtërímit të votës; sikur taní do t’i detyronte partitë dhe partnerët ndërkombëtarë t’i akordonin fitoren, duke “pushkatuar”, madje, dhe vullnetin e lirë të tiranasve, për nëpërkëmbjen imagjinare të të cilëve kish derdhur lumenj lotësh krokodili.
Se Rama me sejmenët e tij nuk e durojnë dot qetësínë, me të cilën Tirana po përcjell daljen e tij në pension politik. “Argumentet” e tij për mohimin e votës së lirë janë fare banale. Kërcënimet e tij ndaj Kolegjit Zgjedhor dhe mbarë Shqipërísë nuk po trembin njerí. Mos, vallë, u mësua ky popull me kërcëníme, ngaqë e ngrysi jetën nën ankthin e një arrestimi të beftë ? Se, dhe frika ka një kufí, përtej të cilit nuk bën më efekt. Ndoshta prandaj diktaturat i janë druajtur aq shumë “kapërcimit të limiteve”. Prandaj aplikonin “zik-zaket” në luftën mizore të klasave. Veçse “Shashkat” kërcënuese të Ramës emocionojnë militantët e vet fanatíkë. Por jo një popull, që ka parë vdekjen me sy. “Shashkat” e Ramës po tingëllojnë donkishoteske. Megjithatë, ai ka vendosur të largohet jo pa tamtáme, madjé, duke hedhur në ajër ca “shashka” kërcënuese, si një ndotje e fundit akustike ndaj kryeqytetit, të cilit s’i la skutë pa ia betonuar! Kurse tiranasit kanë për t’i uruar një rrokullisje të mbarë në tatëpjetën e “Rrugës së vetme!”

Bllofi i Erjon Veliaj me ndërkombëtarët: Rrëmbimi i bashkëshortes së Elvis Roshit ka prapavijë politike. Reagojnë qytetarët: Skenar i Edi Ramës

03-06-2011 / Gazeta 55

Zbardhet e-maili i dërguar nga Erion Veliaj në adresë të disa ambasadorëve të SHBA dhe BE në lidhje me ngjarjen e ndodhur me gruan e kryebashkiakut të Kavajës, Elvis Roshi.

Ditën e parë të ngjarjes, kur dëshmia kundërthënëse e Griselda Roshit (Zaimit) ende nuk ishte verifikuar, Erion Veliaj u ka shkruar ambasadorëve të disa vende me ndikim në Shqipëri duke e portretizuar ngjarjen si politike ndërsa ka theksuar se Elvis Roshi ishte kërcënuar edhe gjatë fushatës elektorale.

Teksti i mesazhit të Veliajt

“Miq, Një lajm i trishtuar na ka shokuar të gjithëve ne në PS. Natën e kaluar, gruaja shtatzënë e kryetarit të sapo-zgjedhur të Bashkisë së Kavajës, Elvis Roshi, u rrëmbye në një qendër tregtare në Tiranë. Pasi është keqtrajtuar barbarisht nga rrëmbyesit, ajo është dërguar në një vend të panjohur, ku i kanë hequr fëmijën.

Në orën 4 të mëngjesit, e mbuluar nga gjaku, znj. Roshi është lënë afër shtëpisë së saj në Kavajë (50 kilometra larg kreqytetit). Nuk ka ende ndonjë njoftim nga policia. Kavaja ka qenë zona elektorale ku është zgjedhur Berisha deputet për 20 vjet. Socialistët fituan në Kavajë për herë të parë më 8 maj, dhe kjo është konsideruar si fitorja më simbolike e zgjedhjeve.

Gjatë fushatës elektorale, z.Roshi dhe shtabi i tij kanë marrë kërcënime për shkak të garimit të tij për postin e kreut të Bashkisë. Kreu i PS, Edi Rama, do të lëshojë një deklaratë shtypi pas një ore……Duke pasur parasysh rrethanat shumë të rënda të situatës në Kavajë, ky njoftim do të jetë i shkurtër dhe më tepër informacion politik do t’ju japim nesër.

Faleminderit

Erion

Dështon deklarata e Boshtinarut

Eurodeputeti famëkeq s’arrin dot të mashtrojë Brukselin për “kanibalizmin foshnjor” në Shqipëri

Vënia në jetë e një skenari hollyëood-ian, por me një aktrim amatoresk, ka pasojat e tij, jo vetëm në Tiranë, por edhe më gjerë, deri në linjën Bukuresht-Bruksel. Bllofi 2 ditor në Kavajë mori dhen dje kur analizat dhe ekspertiza mjeko-ligjore hodhi dritë mbi një ngjarje e cila 24 orë më parë ishte dënuar masivisht nga mbarë opinioni publik shqiptar, si një makabritet që meritonte ndëshkimin e drejtësisë. Keqardhja më e madhe u konstatua dje, kur organet e hetimit konkluduan se nuk bëhej fjalë për rrëmbim të bashkëshortes së kryetarit të bashkisë së Kavajës. Nuk bëhej fjalë për “rrëmbim foshje”.

Por, po ashtu nuk bëhej fjalë fare për shtatzëni të Griselda Roshit. Pikëpyetja e madhe shoqëroi të gjithë ditën e djeshme, ndërsa në mendjen e njerëzve vërtitej pikërisht kjo poli-dramë. Fatmirësisht nuk ka asnjë të lënduar. Nuk ka asnjë foshnjë të rrëmbyer si dhe asnjë lindje të detyruar me simulantë, siç u pretendua nga mendjet e djallëzuara. Çështja nuk ndalet me kaq. Ditën e “rrëmbimit” të Griselda Roshit, bashkëshortes së kryetarit të sapo zgjedhur të bashkisë së Kavajës Elvis Roshi, Edi Rama ndërpreu marrëdhëniet me mediat, edhe pse kishte paralajmëruar në mënyrë urgjente mbajtjen e një konferencë për shtyp nga selia e PS-së.

Para se të nisej për në Kavajë, në shtëpinë e Z.Roshi, mësohet se Edi Rama ka zhvilluar disa telefonata me homologët e tij në Parlamentin Evropian ku sigurisht ka ndarë detyrat dhe ka përcaktuar aksionin që do të pasonte situatën më pas. Në një bisedë të menjëhershme me eurodeputetin rumun, Viktor Boshtinaru, kryesocialisti Edi Rama i ka kërkuar atij që të thërrasë një mbledhje urgjente të komisionit për marrëdhëniet më jashtë të Parlamentit Evropian si dhe të mbante një fjalim ku të etiketonte qeverinë e kryeministrit Sali Berisha si përgjegjëse për “grabitjen” e foshnjës së Griselda dhe Elvis Roshit! Boshtinaru, i njohur për bëmat e tij antishqiptarëve, duke filluar nga tentativa për bllokimin e procesit të liberalizimit të vizave si dhe një ndër lobuesit më të mëdhenj në Bruksel pas 21 janarit, për t’i rikthyer vizat shqiptarëve si dhe për të ndërprerë çdo raport me qeverinë e Tiranës, rikthehen në zymtësinë e ngrehinës socialiste me një tjetër bëmë po aq sa ato të tij dhe homologëve të tij të korruptuar.

Fatmirësisht, dështoi skenari ogurzi në Tiranë, dështoi edhe fjalimi varrhimës i Viktor Boshtinarit në Bruksel. Boshtinaru do të akuzonte Tiranën zyrtare, qeverinë e vendit dhe mazhorancën parlamentare se janë përgjegjëse për një “kanibalizëm foshnjor”, “grabitje foshnjash” si dhe “vjedhje votash”.

Tre togfjalësha këto që lidhen kryekëput me megalomaninë politike të Edvinit në Tiranë dhe lobuesve të tij fat keq në Parlamentin Evropian. Piku i kësaj ‘revolte’ që kishte ngjallur ndjesinë e mbarë shqiptarëve, do të arrinte pikun pikërisht sot, kur Kolegji Zgjedhor do të certifikojë rezultatin zgjedhor për bashkinë e Tiranës. Vendimi fisnik i Kolegjit Zgjedhor tmerron mbarë ngrehinën socialiste.

Dështimi i skenarit të “grabitjes së foshnjave”, nën-rendit, dështimin final të Edvinit; “atë të humbjes përfundimtare të pushtetit financiar dhe klientelist në bashkinë e Tiranës”.

Jeta-në kopertinë,Ajola Xoxa

Që ajo të hyjë në një bar të zakonshëm të Tiranës dhe të mos tërheqë shikimet e të tjerëve dhe disa pëshpërima pas vetes, kjo vështirë se ndodh. Por ka kohë që është mësuar me këtë dhe nuk është se i bën shumë përshtypje. Është mësuar që të dëgjojë komente për veten sa herë që ndodhet në një ambient me shumë njerëz. Siç është mësuar që herë pas here të gjejë fotografinë e saj të botuar në ndonjë nga gazetat rozë të fundjavës. Pjesë e jetës së saj edhe kjo. E jetës prej juristeje. Prej juristeje? Çne që një juriste të lakohet e përflitet (si për mirë, edhe për keq) si të ishte një yll ekrani? Ja që ndodh! Ka aq shumë arsye që e bëjnë Ajola Xoxën të jetë një nga ata njerëz që tërheq vëmendjen si me magnet. Dhe jo vetëm sepse është vajzë e gjatë dhe e këndshme, që vishet bukur dhe shihet shpesh e kapur dorë për dore me Erion Veliajn. Do kish qenë gjithsesi e njohur në një mënyrë tjetër, edhe nëse një ditë nuk do të prezantohej zyrtarisht si partnerja e Erionit, që kur ishte ende 18 vjeç dhe drejtonte në Tv Klan “Netët e verës” apo shfaqej duke kënduar. Hë, ju kujtohet ajo vajza e gjatë bionde, që ka kënduar një herë edhe te kënga magjike? Ja pra, prandaj ju dukej aq fytyrë e njohur dhe nuk e bënit dot lidhjen. Sepse dikur Ajola ka qenë vërtet vajzë ekrani, që prezantonte dhe këndonte...
Ka nga ata që nuk e mbajnë mend të shkuarën tënde. Është pak e vështirë që të bësh lidhjen mes një Ajole që prezanton spektakle dhe Ajolës të tanishme. Ke qenë aq ndryshe atëherë, apo jo?
Po, kam qenë vetëm një gjimnaziste atëherë dhe bëhet fjalë për vitin 2002 kur unë u shfaqa për herë të parë në ekran duke prezantuar “Net vere”.
Pra, kishe dëshirë që të bëheshe prezantuese?
Jo, jo. Unë vërtet jam marrë me art që e vogël: kam bërë 8 vjet balet klasik, katër vjet kitarë apo kam kënduar që e vogël në shkollë e më pas në “Rin Fest”, si një nga aktivitetet e pakta të asaj kohe, kjo për shkak të ndikimit të familjes sime, që është e lidhur ngushtë me të gjitha këto fusha të artit. Por asnjëherë nuk më është ushqyer ideja për t’u bërë artiste.
As kur u shfaqe në ekran duke prezantuar?
As atëherë. Ishte thjesht një hobi që unë e bëja me shumë kënaqësi, këndoja, prezantoja në Tv Klan, pastaj kam marrë pjesë edhe në një spektakël karaokeje. Asokohe vazhdoja shkollën e mesme dhe kisha kohë boll për ta shfrytëzuar me aktivitete të tilla që më jepnin kënaqësi. Unë e pëlqej artin, por nuk është kjo gjëja që do bëja më mirë. E kisha vendosur që shkollën do ta vazhdoja për Drejtësi jashtë Shqipërisë.
Nuk u joshe nga ideja për të studiuar këtu dhe në të njëjtën kohë të vazhdoje edhe karrierën e saponisur në televizion?
Nuk u josha aspak. Sepse televizioni dhe spektakli ishte vetëm një pjesë e aktivitetit tim në atë kohë. Unë isha e angazhuar edhe me senatin e shkollës, kam qenë dhe një ndër themelueset e parlamentit rinor, kurse gjatë studimeve në Francë, me një grup të tjerë studentësh, kemi themeluar rrjetin e studentëve që studiojnë jashtë “As@an”. Të tjera vajza ndoshta do kishin marrë të tjera vendime. Të jesh studente në Sorbonë është sigurisht shumë, por edhe të jesh e njohur në Shqipëri, në një kohë kur nuk ka pasur aq shumë spektakle sa tani dhe prezantueset ishin si uji i pakët, është jo pak tunduese. Por nuk është ky rasti i Ajolës, që pa u tutur aspak, bëri gati valixhet për të fluturuar drejt Parisit, ku filloi një tjetër jetë, si studente e Universitetit të Sorbonës. Me kaq përfundoi dhe historia e saj me televizionin? Në fakt, nuk qe një ndarje me thikë. Gjatë vitit të parë të studimeve u kthye sërish në Tiranë: një herë për të kënduar në këngën magjike dhe një herë në maratonën e këngës popullore veshur me të zeza dhe me flokët e gjatë biondë deri në fund të kurrizit. Me siguri që numërohen me gishtat e dorës ata që e mbajnë mend Ajolën atyre skenave. Sepse u pa qartë se mes televizionit në Shqipëri (ku po shfaqej gjithnjë e më rrallë) dhe studimeve në Paris, po fitonte kjo e fundit. Dhe kështu Ajola u zhduk.
Apo jo?
Në fakt jo tamam. Është e vërtetë që nuk u shfaqa më në televizion, por ndërkohë, siç e thashë edhe më lart, kisha filluar të angazhohesha me “As@n”-in dhe aktivitetet me këtë rrjet më bënin që në Shqipëri të kthehesha shumë shpesh, pra të angazhohesha sërish, por në një mënyrë tjetër. Në disa aktivitete të “As@an”-it u njoha edhe me Edi Ramën, Arta Daden apo Valentina Leskajn. Ndërkohë që kisha filluar të shkruaja në disa të përditshme shqiptare.
Kjo ishte një mënyrë për të mos u shkëputur?
Një nga gjërat e para që mëson në Francë, ndryshe nga këtu, është që ta thuash atë që mendon. Unë isha 20 vjeçe, mbase nuk dija të argumentoja mirë, po ama kisha të drejtën t’i thosha gjërat ashtu siç i mendoja dhe gazetat ishin një mënyrë për ta bërë këtë gjë. Isha e drejtpërdrejtë dhe shkrimet e mia kishin filluar të binin në sy. Bekuar qofshin ato shkrime, që u bënë shkak për një “love story” nga ato prej vërteti! Sepse mjaftoi vetëm një shkëndijë e ndezur prej tyre, pesë vjet më parë, që Ajola Xoxa dhe Erion Veliaj të jenë sot një ndër çiftet mediatike më të përfolura.
Si u njohe me Erionin?
Duke lexuar shkrimet e njëri-tjetrit. Ai kish lexuar një shkrim timin dhe unë një të tijin, të cilët miqtë më pas i kishin postuar. Pas disa komenteve mbi shkrimet e njëri-tjetrit, Erioni më dërgoi një mesazh privat. Kështu filluam të komunikonim shpesh e më shpesh derisa një ditë më kërkoi numrin e telefonit.
Kur u takuat?
Erdhi një moment, pas disa muajsh komunikimi me telefon, kur Erioni më tha se do vinte të më takonte në Paris. Ka qenë data 10 dhjetor 2005 kur u takuam në Cafe Saint Michelle.
E kishe parë ndonjëherë më parë?
Jo dhe nuk e dija që ishte aq i gjatë.
Ajo ditë shënoi edhe lidhjen tuaj? Po, pikërisht atë ditë kemi shkëmbyer puthjen e parë.
Nëse nuk do ta kishe njohur Erionin, do ishe kthyer sërish në Shqipëri?
Ndoshta, pasi të mbaroja studimet, mund të punoja 2-3 vjet atje, por një ditë do kthehesha. Jam vajzë e vetme dhe prindërit kanë dashur që të më kenë pranë. Pastaj në Shqipëri jam ndier gjithmonë mirë. Vërtet rrugët nuk janë aq të bukura sa në Paris, por unë ndihem mirë këtu. E pra, qoftë apo jo Erioni arsyeja, Ajola u kthye, për të gjetur pas pesë vjetësh një Shqipëri ku nuk e njihte më askush. Sepse kohët kur ajo ishte vajza që drejtonte spektakle ishin harruar. Të tjera vajza bukuroshe kishin zënë vendin e saj. Veçse nuk zgjati shumë. E gjithë vëmendja do të kthehej drejt saj sa hap e mbyll sytë, kur në krah të Erion Veliajt u pa një vajzë simpatike, të cilën ai e prezantoi si partneren e tij.
Si ishte kthimi në Shqipëri?
Kthimi im përkoi me daljen e gazetave të para, që filluan të merren me thashetheme dhe unë u ekspozova në fillim si partnerja e Erionit, i cili ishte bërë tashmë figurë publike. Kishim vështrimin e të gjithëve kudo që shkonim dhe për mua kjo ishte pak e sikletshme, sepse nuk e kisha menduar se do të na kushtonin aq shumë vëmendje.
Po më pas?
Më pas fillova të punoja në “UNICEF” dhe angazhimi me këtë organizatë solli njohjen e mëtejshme, filluan të më ftojnë edhe nëpër disa emisione televizive.
E megjithatë ka nga ata që thonë se ekspozimi yt në publik i detyrohet vetëm të qenit partnere e Erionit...
Ka pasur raste kur kundërshtarë të tij politikë e kanë komentuar një gjë të tillë. Unë jam ekspozuar në publik edhe për shkak të Erionit, por angazhimi im do kish ndodhur pavarësisht tij, ndoshta në një formë tjetër ose ndoshta në një kohë tjetër.
Kjo ka lidhje me angazhimin tënd në strukturat e Partisë Socialiste?
Po. Unë jam anëtare e Asamblesë Kombëtare të Partisë Socialiste. Në vitin 2006, kur u bë ristrukturimi i Asamblesë, u mblodhëm 30 të rinj që u bëmë pjesë e saj. Ndërkohë që gjatë u fushatës u fol gjatë se ti do ishe një ndër emrat e listës së deputetëve të PS-së. Me këtë fakt është spekuluar shumë në shtyp. Unë vërtet u përfshiva gjatë zgjedhjeve, sepse ishte fushatë. Angazhimin tim në politikë, ndonëse shumë modest, unë do vazhdoj ta mbaj, por nuk është ky prioriteti im.
Po cili është?
Që prej një viti e gjysmë punoj në studion ligjore “Tonucci & Partners”. Dhe ky është momenti për t’iu përkushtuar tërësisht profesionit tim si juriste. Dhe kur flet për përkushtimin, Ajola nuk e ka fjalën vetëm për 11 orët e ditës që ia fal punës së saj. Nuk do shumë për t’u kuptuar se edhe imazhi i saj tashmë përputhet plotësisht me profesionin e saj. Megjithatë hiqini nga mendja kostumet e zinj dhe xhaketat me prerje serioze. Harrojini edhe fundet ngjyrë rozë. Ajola është një legally brunette. Me një stil të pangatërrueshëm francez, ku mbizotërojnë fjongot, pikat, ngjyrat.
Sa ka ndikuar Parisi në stilin tënd të veshjes?
Sigurisht që ka ndikuar shumë. Unë kam ikur nga Shqipëria në një kohë kur nuk ishin ende dyqanet dhe qendrat tregtare që janë sot. Kam kaluar gjimnazin me tre palë xhinse.
Po kur shkove atje?
Kur shkova atje, pashë që kishte dyqane të arritshme ku mund të gjeje veshje shumë të bukura. Aty fillova të vishja fustane me fjongo dhe të bëja pak grim.
Vazhdon që veshjet e tua t’i blesh në Paris?
Jo domosdoshmërisht. Edhe këtu gjej rroba të këndshme, vetëm se e kalojnë vlerën e tyre të vërtetë. Ndaj edhe sa herë që kthehem në Paris, bëj shopping, por kjo nuk ndodh shumë shpesh. Sepse unë nuk jam shumë e fiksuar pas veshjeve. Ndodh që u kthehem edhe atyre të vjetrave. Këtë kam mësuar ta bëj në Paris. Atje ka dyqane vintage me rroba të shumë viteve më parë, që mund të vishen edhe tani.
Po tani që punon në zyrë dhe s’ke mundësi të luash me veshjen?
Mua më pëlqen shumë që t’i ndaj veshjet sipas ambientit dhe kohës, por duke qenë se nga zyra dal në orën 20:00, përpiqem të sajoj një veshje që mund të jetë e përshtatshme, edhe nëse më ndodh që pas pune të shkoj diku. Më pëlqen ta personalizoj veshjen me ndonjë aksesor mbi flokë. Megjithatë unë nuk bëj shumë eksperimente me look-un. E vetmja gjë që i lejoj vetes është ngjyra e flokut.
Që tani është kthyer nga bionde në ngjyrën tënde natyrale...
Po.
Kjo është komentuar edhe si një përpjekje për të krijuar një imazh serioz, që i përshtatet angazhimit tënd politik...
Jo, jo, kjo nuk ka lidhje me seriozitetin. Nëse sjellim ndër mend figurat kryesore femërore të politikës, del se pjesa më e madhe janë me flokë të verdhë. I errësova flokët sepse m’u dëmtuan. Më dilte rrënja shpejt, duket të shkoja tek parukierja shumë shpesh. Tani jam më komode. Por kjo nuk do të thotë se një ditë nuk mund t’i bëj sërish të verdhë.
Si ndiheni kur ndodheni kaq shpesh të sulmuar nga media dhe jo vetëm, qoftë edhe për ngjyrën e flokëve?
Ka pasur shumë momente kur ne të dy jemi sulmuar ngaqë Erioni është një figurë publike politike, unë shumë më pak se ai, por kur je çift, goditja përjetohet njëlloj. Nëse një person vendos që të shkruajë një shkrim për mua, sepse ashtu e mendon, unë mendoj se kjo është mëse normale. Njerëzit kanë të drejtë të paragjykojnë. Për sa kohë që ke marrë përsipër që të jesh person publik, edhe do shahesh, edhe do lavdërohesh. Në fillim e vuaja tepër, por tani e di që s’e kanë me mua, por mbrojnë interesat e tyre. Nuk ia vlen të harxhosh energjitë për këtë. Nëse do dëmtohesha rëndë, do merrja masa ligjore.Ç’ndodhi në atë emision?
Unë hyra shumë e ngarkuar për shkak të një deklarate për shtyp ku isha sulmuar jo vetëm unë, por edhe familja ime. Edhe para emisionit pata disa provokime, gjë që më bëri të irritohesha dhe të mos e ruaja qetësinë.
Mendon se kjo e ka dëmtuar paksa imazhin tënd?
Nëse do mundja të ktheja kohën pas, do zgjidhja të mos shkoja fare. Por kur të dëmtohen disa njerëz të dashur, vjen një pikë që ti do ta vësh të vërtetën në vend. Sot do preferoja të mos kisha shkuar. Edhe pse jam ndier keq pa fund, do preferoja më mirë të zhgënjehesha me veten time.
Si ndikojnë tek ti dhe Erioni situata të tilla jo dhe aq të qeta?
Kur je çift publik, është pak e vështirë. Por ne punojmë fort që lidhjen tonë ta mbajmë larg çdo gjëje që mund ta dëmtonte.
Po kur keni debate dhe mosmarrëveshje me njëri-tjetrin?
Me jetën e ngarkuar që ka Erioni, nuk mund të krijosh debate artificiale. Si të gjithë çiftet e tjera, edhe ne kemi momentet tona kur zihemi, por pa ofendime dhe bërtitje. Jemi shumë të kujdesshëm që të ruajmë respektin për njëri-tjetrin.
Duke qenë se të dy keni një aktivitet që ju mban jashtë shtëpisë gjatë gjithë ditës, si e kompensoni kohën për të qëndruar bashkë?
Zgjohemi pak më herët në mëngjes. Nisemi bashkë për në punë, takohemi çdo drekë dhe flasim shumë shpesh në telefon. Në darkë, kur mbarojmë punën, herë dalim, herë rrimë në shtëpi dhe zgjedhim të shohim një film. Flemë gjithmonë pas orës një. Në fundjavë i alternojmë gjërat. Bëjmë pazarin bashkë dhe hamë drekën me prindërit. Përpiqemi që të gjejmë një ekuilibër mes punës dhe lidhjes sonë. Pas disa vjetësh, kur të jemi me fëmijë, do ta programojmë ndryshe kohën.
Meqë planet për fëmijë nuk mungojnë, duhet të jetë në plan edhe martesa, apo jo?
Në bashkëjetojmë që prej dy vjetësh e gjysmë dhe mbase do martohemi vitin tjetër. Martesa ka rëndësi, edhe ceremonia ka rëndësi, megjithatë nuk është stacion në jetë, stacion është gjetja e personit me të cilin ti do kalosh jetën. Martesën ne do ta bëjmë për kënaqësinë tonë dhe të miqve tanë.

Klaudeta SKËNDERASI
Foto: Blerta KAMBO

I LINDUR PËR TË DASHURUAR FRANCËN

Edmond Tupja Dhe pse ishte vetëm 18 vjeç e ca dhe linte Shqipërinë e ‘65-ës, Edmond Tupja, kur shkeli për herë të parë në Francë, nja dy elementë francezë i kishte të përvetësuar mirë, sepse në familjen e tyre babai, që njihte mirë frëngjishten (Tupja thotë me humor që frëngjishten e ka gjuhën e babait), përshëndeste “orevuar” dhe mamaja falënderonte “mercy bocu”. Plus që me një gjyshe nga Parisi i vogël i Shqipërisë, traditën për tavolinat e shtruara me thikë e pirunë në çdo vakt, me autorët francezë në bibliotekë, nga të cilët më i dashuri për Edmondin ishte sigurisht romani nga kish marrë emrin, “Konti i Monte Kristos”, kjo lidhje me Francën dukej se kishte qenë gjithmonë (ose siç thotë ai: ishte paracaktuar). Ajo që erdhi si surprizë ishte zgjedhja e gjimnazistit si një nga të parët ish-maturantë që do shkonin të studionin në Francë. Shkaku ishte hapja e shkollës së mesme të gjuhëve të huaja dhe Degës së Frëngjishtes në Fakultetin e Gjuhëve të Huaja, për të cilat duhej staf i kualifikuar. “Qëndruam pak në Paris dhe pastaj u zhvendosa në një qytet 400 km larg tij ku zhvillova studimet e larta. Mua më zgjodhën sepse isha nxënës i mirë dhe profesori im i frëngjishtes Mahmut Dobrati kish vënë re përkushtimin tim ndaj gjuhës. Gjithsesi atje u përkushtova për ta përsosur. Lexoja në frëngjisht pa fund e më pas, pasi krijova miqësi, bisedoja me moshatarët e mi francezë, që më vonë më ftonin edhe në shtëpitë e tyre. Pas dy vitesh, mund të them se flisja një frëngjishte me theks të pastër”. I duhej të mësohej ndërkohë edhe me ca zakone franceze e, para se të nisej, daja i tij i madh, që kish jetuar në Francë, i kish lënë një porosi: që duhej të mësohej të pinte verë. “Me të mbërritur atje, bleva verë, që ishte dhe e fortë dhe, që të mësohesha, pija nga një gotë çdo mëngjes, ndërkohë që haja vetëm nja dy biskota. Pastaj isha gjithë ditën i trullosur dhe vera m’u neverit pa e mësuar mirë. Mirëpo kur më ftuan disa miq në shtëpi, mësova se ata e pinin verën në tavolinë për të shoqëruar ushqimin. Që nga ajo kohë, unë çdo drekë pi nga një gotë verë të kuqe”. Nuk është ama e vetmja gjë që mësoi prej Francës. “Franca më zhvilloi edukatën, mirësjelljen, dashurinë ndaj së bukurës, sensin e dialogut, të vendosjes së vetes në vendin e tjetrit, përveçse atje pata dhe përvojat e mia të para erotike”. Për të mos harruar beretën karakteristike apo shijen për muzikë franceze. Veçse aventura që nisi me shushatjen e 18-vjeçarit do përfundonte me mbarimin e shkollës dhe të specializimit gjashtë vjet më vonë, kur ai do kthehej në Shqipëri, për të vizituar Francën me raste pastaj. Rast ka qenë edhe tërheqja e dy çmimeve të para për poezinë dhe tregimin në frëngjisht të autorëve të huaj, të cilat Tupja i ka marrë në ‘94-ën dhe ‘96-ën. “Mua më pëlqen të shkruaj në frëngjisht; përveçse të lexoj, krijoj në frëngjisht, madje shpesh edhe mendoj në frëngjisht”. Po gjithashtu përkthen vazhdimisht, ose nga frëngjishtja në shqip, ose e kundërta. “Personalitetet e përkthimit Vedat Kokona dhe Isuf Vrioni më dhanë në fillimet e mia shembullin, por dhe më ngulitën dëshirën e përkthimit, respektivisht të poezisë dhe prozës”. Pak kohë më parë ai mori edhe çmimin “Isuf Vrioni” për përkthimin e autorit Fatos Kongoli. Sepse vetëm marrëdhënia me gjuhën franceze duket se nuk ka ndalur e nuk do ndalet kurrë. Marrëdhënie që ka nisur që kur babai përshëndeste “orevuar” dhe e ëma thoshte ndonjëherë “mercy bocu” në vend të “shumë faleminderit”.

E ftuar për darkë në Paris

Sepse ndodh të darkosh në një restorant francez. Apo të ftojnë për darkë në shtëpi disa miq ngaParisi. Këtu fillon gjithë historia. Veshja e duhur, dhurata që çohet, koha që do shkosh, si do sillesh në tavolinë. Që të mos jetë një ngjarje për t’u harruar, merrni ca leksione.

Dhe pse stili amerikan i të ushqyerit nuk e ka lënë pa e prekur as shtetin me klastë kontinentit, Francën, për fat të mirë, tradita e kuzhinës franceze vlerësohet në të gjithë vendin. Si të zbehej ajo që është pa dyshim një nga krenaritë e Francës?! Çdo rajon krenohet me pjatat e veta, djathërat dhe verën. Sigurisht që rregullat e tavolinës kanë po aq rëndësi, në mos më shumë se gjithë të tjerat në këtë traditë. Ato ndiqen me përpikëri në shtëpi, në festat private dhe publike, në restorante apo bare. E veçanta qëndron në faktin se konsiderohen më shumë si një seri rregullash të stilit të jetës, sesa klishe të ngurta që duhen ndjekur për hir tëdetyrimit gjatë ngrënies. Ne po ju njohim me më të rëndësishmet e tyre, për të mos u ndier asnjëherë në situatë të vështirë në vendin e njohur për rregullat dhe etiketën.

ETIKETA E PRITJEVE

Po të jesh në Francë, do shfaqje një mungesë të theksuar respekti nëse shkel etiketën e ngrënies. Është shumë e rëndësishme që një i huaj t’i njohë mirë rregullat e tavolinës. Për shembull, kurrë mos u ço lule organizatorëve të festës, sepse pritet që t’ua kesh dërguar përpara ose pas pritjes. Nuk të lejohet të sjellësh miq me vete ose ndonjë kafshë shtëpiake nëse nuk ke pyetur më parë. Sidoqoftë, nëse ndodh të sjellësh një tjetër njeri, duhet t’ia thuash emrin e tij ose të saj organizatorit të pritjes. Në Francë, të vetmet lloje ushqimesh që një i ftuar mund të refuzojë janë mishi me erëza dhe midhjet. Të zotët e shtëpisë ose organizatorët nuk i shërbejnë ato pa pyetur më parë për shijet e miqve. Drekat ose darkat zgjasin dy deri në katër orë, sepse një vakt konsiston në disa pjata të servirura me radhë. Miqtë duhet të hanë sasi të vogla nga çdo servirje. Çdo pjatë sillet me radhë dhe po ashtu hiqet, po diçka mbetet patjetër mbi tavolinë gjatë gjithë vaktit: e përhershmja gota e verës franceze. Ti duhet ta lësh gotën thuajse plot nëse nuk dëshiron më verë.

MANIERAT FRANCEZE TË TAVOLINËS

Francezët e kanë përsosur artin e përdorimit tëpirunëve dhe thikave. Mishi i pulës dhe peshku priten dhe kapen me disa mjete të veçanta tavoline. Francezët shkojnë aq larg, sa edhe frutat i hanë me thikë dhe pirun. Sallata nuk duhet prerë kurrë, paloset gjethja dhe futet në gojë me pirun. Thika e sallatës është mbi tavolinë, por përdorimi i saj duhet të jetë gjëja e fundit që duhet të bësh. Djathi pritet për së gjati, ndërsa djathi në formë të rrumbullakët që të formohen feta të rrumbullakëta. Mos i mbaj bërrylat mbi tavolinë. Duart duhet të jenë të dukshme, por jo mbi prehër. Nëse ke mbaruar, lër pirunin dhe thikën në formë kryqi mbi pjatë, që piruni të rrijë sipër thikës. Një traditë e konsoliduar është Aperitiff – njerëzit mbërrijnë rreth gjysmë ore përpara fillimit të darkës për të pirë një gotë e për të biseduar me miqtë, njerëzit e familjes, kolegët apo fqinjët.

RREGULLAT E VESHJES

Në Francë duhet t’i kushtosh rëndësi veshjes. Francezët janë njerëz që e kanë të zhvilluar sensin për modën dhe ideja e tyre për stilin casual nuk është dhe aq e shpenguar sa në vende të tjera perëndimore. Francezët pëlqejnë gjërat elegante në jetë, kështu që ata zakonisht vënë aksesorë të cilësisë së mirë. Kjo tregon vëmendjen e tyre të stërholluar ndaj detajeve. Burrat duhet të veshin kostume të errët seriozë për të bërë figurë të mirë. Ndërsa gratë duhet të veshin kostume stylish ose fustane elegante me ngjyra të lehta. Veshjet e tyre duhet të jenë elegante dhe me klas, pa të çara, as të shkurtra shumë mbi gju. Rrobat e tejdukshme ose ekstravagante janë tregues i mungesës së shijes. Gjithsesi, fustanet me shpinë të zbuluar të gjatë dhe xhaketat elegante konsiderohen klas. Copat cilësore janë gjithmonë të pëlqyera në Francë. Fustani i vogël i zi francez është ikonë në festat-koktej. Këpucët duhet të jenë diskrete.Kodi i pranuar i veshjes përbuz këpucët sportive.

TË HASH JASHTË NË FRANCË

Nëse je e ftuar në një festë të madhe, sidomos në Paris, ti pritet që të shkosh një çerek ore me vonesë nga koha e fillimit. Sa më në jug të shkosh, aq më fleksibël bëhet qasja me orarin. Nëse ke shkuar në zona rurale ose në qytete më të vogla, të flasësh frëngjishte të pastër është shumë e rëndësishme. Njerëzit në fshat e konsiderojnë të pasjellshme t’u drejtohesh në një gjuhë tjetër ndërkombëtare.

KUJTOHU:Dhjete gjera qe duhet te besh dhe dhjete qe nuk duhet kur je ne nje tavoline France

BEJ:

1. Nëse i zoti i shtëpisë të ka ftuar për
darkë në orën 8, konsiderohet e sjellshme të
shfaqesh atje 15 minuta pas kohës së dhënë.
2. Sillu një dhuratë të zotëve të shtëpisë –
parapëlqehet një kuti çokollatash.
3. Dërgo lule para ose pas ftesës.
4. Në fund të festës, të zotët e shtëpisë shërbejnë lëng
portokalli ose diçka të këtij lloji. Kjo përkthehet që
duhet të largohesh, sepse festa ka mbaruar.
5. Bëhu gati për një vakt të gjatë. Vaktet tradicionale
franceze përfshijnë pjatën e parë, pjatën kryesore,
sallatën, djathërat dhe ëmbëlsirën.
6. Është e detyrueshme të mbulosh gojën kur
gromësin dhe ta bësh këtë pa tingull.
7. Manierat e sjelljes në Francë kërkojnë që duart,
jo bërrylat, duhet të jenë mbi tavolinë.
8. Mishi pritet duke mbajtur thikën në dorën e
djathtë dhe ndërkohë e ke fiksuar me pirun, që
e mban në të majtën. Copat e ushqimit duhen
marrë po me pirunin që mbetet në dorën e majtë.
9. Kur të duhet të ngrihesh nga tavolina, por do
kthehesh përsëri për të përfunduar darkën, lëre
pecetën mbi karrige, jo mbi tavolinë.
10. Në fund të darkës kur po planifikon të ikësh, duhet
ta palosësh pecetën me kujdes dhe ta vendosësh
mbi tavolinë si shenjë që ke mbaruar plotësisht.

MOS BEJ

1. Nuk duhet të vishesh
shumë casual për një darkë në
restorant francez.
2. Mos përdor pjesën anësore të pirunit
për të prerë një copë ëmbëlsire.
Restorantet e klasit ofrojnë një thikë
speciale dhe një pirun në varësi të
ëmbëlsirës.
3. Në asnjë rrethanë nuk duhet ta
presësh të gjithë ushqimin menjëherë.
Kjo bëhet vetëm për një fëmijë që
nuk di të përdorë thikën.
4. Kurrë mos i kërko shefit të kuzhinës
në një restorant francez ketchup –
kjo do të thotë që nuk po të pëlqen
ushqimi.
5. Shmang bisedën për dy tema: pará
dhe receta kuzhine në tavolinë.
6. Nëse do t’u çosh diçka të zotëve të
shtëpisë, mos ço verë. I zoti i shtëpisë
është ai që siguron verën që do ai.
7. Mos i shërbe verë vetes.
8. T’i mbash sytë ngulur te etiketa e
shishes, konsiderohet e pasjellshme.
9. Mos përdor thikë për bukën. Thyeje
me dorë.
10. Mos lër gjë në pjatë, sepse kjo do të
thotë që nuk të pëlqeu darka.

Të fshehtata e Blerim Destanit

Aktori shqiptar që ka prekur Hollivudin, në një rrëfim për revistën “Jeta”. Nuk e morëm vesh nëse është ose jo i dashuruar momentalisht. E ka lënë enigmë. Ama kemi zbuluar shumë sekrete të tjera, që po i ndajmë dhe me ju.

Sa e do/urren veten tënde?
E urrej shumë rrallë, gati asnjëherë.
Hera e parë që ke ndjerë se je sexy?
Kam harruar.
Kur ka ndodhur kjo?
Ka kaluar shumë kohë.
Çfarë të pëlqen tek një femër?
Femërorja, që buron prej vetë femrës, pa makijazh, por e pastër, organike. Kjo edhe tek unë zgjon butësinë, delikatesën.
Një çmenduri që ke bërë për dashurinë.
Dashuria për t’u realizuar kërkon shumë çmenduri. Më pëlqen maratona
në dashuri, kur zhveshjet shpirtërore vijnë përpara zhveshjes së gardërobës. Kam vrapuar shumë maratona në rrugë të gjata.
Karriera jote sentimentale e përshkruar me tre fjalë.
Jetë, dashuri, lumturi. Njeriu kur dashuron dhe kur vuan e ndjen fuqishëm
jetën, gjithçka në mes këtyre dy fazave është përgatitje për njërën apo tjetrën. Në planin sentimental
jam shumë i kënaqur.
Romantike është: ti, ajo dhe…
Unë po. Duhet të jetë edhe ajo...
Je i dashuruar tani?
Kam ende shumë dashuri brenda vetes. Do të doja që kjo dashuri së shpejti të fillojë të konsumohet, pra në një lidhje me të...
Çfarë ke bërë mbrëmë?
Atë që kam bërë edhe parmbrëmë.
Si fle?
Nuk e di! Kur fle nuk e shoh veten.
Çfarë nuk mungon kurrë në garderobën
tënde?
Ato që më bëjnë të ndihem rehat.
Veshja e fundit që ke blerë.
Një kostum për premierën e filmit “Dossier K” në Belgjikë.
Libri që ke mbi komodinë.
Kohët e fundit zakonisht mbi komodinë
kam skenarë që presin në radhë. Janë gjërat e fundit që lexoj në mbrëmje dhe të parat që më zënë sytë në mëngjes.
Filmi i preferuar.
“Once Upon a Time in America”
Çfarë sheh në YouTube?.
Zakonisht shoh sugjerime të miqve. Nuk kam preferenca të veçanta.
Po në tv?
Televizor shoh rrallë, zakonisht vetëm filma.
Dhurata e fundit që ke bërë.
Një lule dhe një...
Na thoni një moment të lumtur.
Kur energjia dhe emocionet e investuara
zënë vend dhe të kthehen me të njëjtin intensitet.
Kënaqësia më e madhe?
Kur je i vlerësuar.
Të jesh mirë do të thotë…
Të jesh mirë do të thotë të jesh i mirë, ta duash jetën dhe përherë
të mendosh pozitivisht.
Çfarë duhet të të kenë zili?
Asgjë. Nuk e kam hetuar këtë tek askush.
Çfarë këndon nën dush?
Atë që më zë veshi para se të më mbulojë zhurma e ujit.
Pjesa jote më delikate?
Zemra... ndjeshmëria.
Çfarë të dallon nga të tjerët?
Nuk dalloj nga të tjerët.
Çfarë ke hedhur nga sendet e tua tre muajt e fundit?
Sendet me afat përdorimi. Sendet që kanë simbolikë asociative në jetën time nuk i hedh asnjëherë.
Çfarë të zgjon në mëngjes dhe të bën të dalësh nga shtrati?
Zilja e telefonit.

Borxhi komunist, do shlyejmë Rusinë, Vietnamin dhe Kubën

Emirjon Senja | 03/06/2011

TIRANË- Shteti shqiptar vijon të shlyejë borxhet e marra ne kohen e regjimit komunist tek vendet e ish-bllokut të lindjes. Parlamenti miratoi dje në seancë plenare marrëveshjen për pagesën e një milionë dollarëve nga Shqipëria ndaj Rusisë në kuadër të shlyerjes së borxhit total që vendi ynë i ka këtij shteti. Marrëveshja e djeshme ka të bëjë me rishikimin e borxhit midis dy vendeve dhe parashikon pagesat çdo vit nga ana e Shqipërisë në një këst të vetëm deri në shlyerjen totale të tij.


Aktualisht, vendi duhet të paguajë ndaj Rusisë një milionë e 36 mijë dollarë si këst të radhës. Pagesa duhet të kryhet deri në fund të këtij muaji pasi në të kundërt, bashkë me këstin e përcaktuar, Shqipëria do të duhet të paguajë edhe kamatëvonesën për çdo ditë të kaluar mbi datën e përcaktuar. Nisur edhe nga kjo, qeveria i kërkon Kuvendit në projektligj që të shpejtojë procedurat në mënyrë që të mos kalohen afatet e pagesës të cilat përcaktohen në marrëveshje.


Vendi ynë i ka Rusisë si trashëgimtare e Bashkimit Sovjetik një borxh total prej 35 milionë dollarësh, i cili do të shlyhet përgjatë viteve në vazhdim. Në vitin 2001, është nënshkruar një marrëveshje midis qeverisë shqiptare dhe asaj ruse për riskedulimin e borxhit të trashëguar nga regjimi komunist. Marrëveshjet e riskedulimit të borxhit zakonisht kanë të bëjnë me zgjatjen e afatit për shlyerjen përfundimtare të huas. Por, njëkohësisht me zgjatjen e afatit të shlyerjes rritet edhe shuma që duhet paguar.


Shlyerja e borxhit ndaj Rusisë vjen në vazhdën e pagesës së detyrimeve ndaj ish-vendeve të bllokut lindor që ka gjeneruar regjimi komunist. Ministri i Financave Ridvan Bode deklaroi se momentalisht kanë mbetur pa u shqyrtuar borxhi ndaj Kubës dhe Vietnamit duke shtuar se përfshirja në borxhin e këtij viti edhe të pagesave ndaj vendeve të ish-Jugosllavisë dhe Rusisë ka qenë shkaku i rritjes së borxhit gjatë kësaj periudhe. "Së shpejti miratohet në Kuvend edhe zgjidhja e borxhit me ish-Jugosllavinë dhe mbetet vetëm Vietnami dhe Kuba dhe nuk kemi asnjë borxh të pazgjidhur nga koha e mëparshme. Pagesat janë përfshirë në borxhin publik dhe një nga arsyet e rritjes së tij është njohja dhe riskedulimi i borxheve të qeverisë komuniste", - tha ai.


Deri në fund të tre mujorit të parë të këtij viti, borxhi publik i Shqipërisë pësoi një rritje prej 20 miliardë lekë krahasuar me tre mujorin e fundit 2010. vitin 2010 Shqipëria e mbylli me një borxh publik prej 715 miliardë lekësh, ndërkohë që në fund të marsit ai u arriti në 735 miliardë lekë.


Pjesa më e madhe e borxhit publik të vendit përbëhet nga borxhi i brendshëm. Sipas të dhënave të Ministrisë së Financave, rreth 425 miliardë lekë janë borxh i marrë nga qeveria, kryesisht prej bankave vendase, ndërsa 310 miliardë lekë janë borxh i jashtëm. Qeveria ka marrë përsipër ta mbajë atë nën treguesit 60 për qind të Prodhimit të Brendshëm Bruto gjatë këtij viti dhe ta ulë atë në vitet në vijim.

Borxhi me ish-Jugosllavinë, marrëveshja së shpejti në Kuvend


Pas marrëveshjes në fjalë, në Kuvend pritet të prezantohet së shpejti edhe një marrëveshje tjetër e ngjashme, është ajo për pagesën e borxhit ndaj vendeve të ish-Jugosllavisë. Ashtu si borxhi ndaj Bashkimit Sovjetik, edhe detyrimet ndaj Ish-Jugosllavisë janë krijuar nga marrëdhëniet tregtare. Marrëveshja është miratuar nga të dyja qeveritë respektive si dhe është ratifikuar nga parlamenti serb dhe pritet që së shpejti të njëjtën gjë të bëjë edhe parlamenti ynë.


Borxhi total i vendit ndaj ish-Jugosllavisë përllogaritet të shkojë rreth 23.7 milionë dollarë bashkë me interesat dhe do të ndahet midis shteteve respektive. Nga marrëveshja nuk përfiton Kosova edhe pse gjatë akumulimit të borxhit ka qenë pjesë e Federatës Jugosllave.


Nga borxhi total prej 20.7 milionë dollarë (principali), sipas marrëveshjes në fjalë, Shqipëria duhet t'i paguajë Serbisë rreth 8.5 milionë dollarë, Kroacisë 5.5 milionë, Sllovenisë 3.8 milionë dollarë, Bosnjës 3.7 milionë dhe Malit të Zi 532 mijë dollarë.

Zonja e Pare e Kavajes tallet me ish Qytetarin e Pare te Tiranes

Horrori i sajuar, qe u tentua te perdorej nga PS. Mjaftoi nje sajese e nje 28 vjecare qe te hedhe ne aventure te gjithe PS, me gjithe kryetarin e saj, ish-kryetarin e Bashkise se Tiranes, Edi Rama. Vetem pak minuta pasi u be publik ky trillim tipik kinematografik, kryetari i PS, i vuri etiketen "Fajin e ka Saliu" edhe kesaj ngjarjeje. Dhe kjo nuk eshte hera e pare qe kryesocialisti dhe eksponentet e tjere...socialiste bejne duke i nxituar ne deklaratat e tyre, ende pa u thene fjala e drejtesise e ca me keq, ende pa u shprehur zyrtarisht organet e hetimit si policia dhe prokuroria, duke mos u lene kohe as te hetojne per denoncimet qe u shkojne.

***

Historia e sajuar e 28-vjecares, Griselda Roshi, bashkeshortes se kryetarit te sapozgjedhur te Bashkise se Kavajes, Elvis Roshi, ngriti ne kembe dy dite me pare grupin parlamentar socialist. Me berjen publike te historise se saj ne media, per dhunim, rrembim dhe marrjes se foshnjes se saj nente muajsh ne bark, ngriti peshe deputetet socialiste. Menjehere kryetari i Partise Socialiste i shoqeruar edhe nga bashkeshortja u nisen per ne Kavaje. Nderkohe qe nje varg deputetesh te tjere, si Dashamir Peza, Saimir Tahiri, Fatmir Toci, Ermelinda Meksi, Arta Dade, Besnik Bare, Lindita Nikolla, e te tjere, rreth 20 deputete, mberriten ne Kavaje, prane familjes se ciftit. Madje mesohet, se kreu socialist kishte gati edhe nje deklarate per median, e cila vetem pak ore me vone as nuk u permend me.

Nderkohe qe te tjere deputete, si Erion Brace, bene thirrje publike nepermjet faqeve te internetit, per mbledhje e revolta popullore per ngjallje te tilla makabre. Pas testimit te situates ne terren, qendrimi i kreut socialist ne Kavaje ishte vetem per 1 ore e 10 minuta, duke u rikthyer ne Tirane, pa deklarate publike apo prononcime. Institucionet perkatese zbardhen diten e djeshme skenarin e Griselda Roshit, qe ne fakt tronditi te gjithe opinionin publik per menyren e tmerrshme te ndertimit te tij.

Pavaresisht kthimit ne Tirane, buja e "tmerrit" nga opozita u shfaq edhe ne median e saj zyrtare gazeten "Zeri i Popullit", i cili u hap diten e djeshme me titullin "Ne humnere, rikthehen metodat e rrembimeve te SHIK-ut ne 1992-1997". Por cdo gje rezultoi false. Por kjo nuk eshte e para here qe kreu socialist gabohet ne dhenien e vleresimeve per ngjarje te tilla, duke i perfshire me politiken, ne nje kohe kur organet kompetente si gjykatat kane dhene nje vleresim teresisht ndryshe.

Qytetarja e parë e Kavajës ka kurdisur një supermashtrim për arsye që askush nuk i di

Krim makabër në Tiranë, zhduket foshnja e kryetarit të bashkisë së Kavajës

01/06/2011 19:58:00 Zeri i Popullit

Merret peng, torturohet dhe detyrohet të lindë përpara kohe bashkëshortja e Elvis Roshit. Asnjë reagim zyrtar! I gjithë shteti në krim!

Në ditën e fëmijëve, një foshnjë erdhi me dhunë në këtë jetë dhe asgjë nuk dihet për fatin e tij...Një krim monstruoz ka ndodhur të martën në kryeqytet, aty ku siguria e premtuar nga pushteti na garanton çdo gjë veç jetës. Bashkëshortja e kryetarit të bashkisë së Kavajës, Griselda Roshi është rrëmbyer në zonën Komuna e Parisit, rreth orës 19:15. Siç pohojnë familjarët, ajo ka pirë një kafe me një të njohurën e saj dhe më pas kishte marrë rrugën për në shtëpinë e prindërve. Në këtë kohë një makinë me xhama të zinj është ndalur dhe prej saj kanë zbritur tre burra të armatosur të cilët e kanë futur me forcë në makinë. Aty ata e kanë rrahur, kërcënuar dhe e kanë cuar në një tjetër vend, të parapërgatitur, ku veç tre burrave kanë qenë të pranishëm edhe disa të tjerë, madje edhe gra. Sipas burimeve familjare, në ato momente Griselda është rrahur dhe goditur me tytë kallashnikovi dhe ka humbur ndjenjat. Kur ka riardhur në vete, ajo mban mend t'i jetë injektuar një serum dhe disa momente më pas ka lindur. Për shkak të hemorragjisë shumë të madhe, Griseldës i kanë ndërruar edhe rrobat dhe në orën 3.45 të mëngjesit e kanë marrë sërish me fuoristradë duke e hedhur nga makina rreth 50 metra larg shtëpisë në Kavajë. E gjakosur dhe e rrahur, Griselda është zvarritur deri në shtëpinë e saj, pa fëmijën e sapolindur që ka mbetur në ambientin ku Griselda është mbajtur peng dhe dhunuar për më shumë se 6 orë. Gruaja është tashmë në gjendje të rëndë psikologjike dhe nuk di të thotë se kush ishin autorët e rrëmbimit, vendin ku lindi e detyruar fëmijën, apo vendndodhjen e foshnjës. “Unë nuk di ç’të them, këtë nuk ka kriminel që ta bëjë. Ajo është e sfilitur. Nuk kemi fjalë ta shprehim”, tregon një komshi i familjes. “Nuk duhet ta bënin, ata janë njerëz të mirë dhe këtë nuk e meritonin”, shprehet një tjetër. Forca speciale të policisë kanë shkuar në shtëpinë e çiftit dhe po kryejnë hetimet e nevojshme, ndërsa bashkëshorti i saj, kryebashkiaku i Kavajës Elvis Roshi, është detyruar të kthehet nga Italia pasi ka marrë vesh lajmin tragjik. Ndërkohë, Policia e Shtetit dhe Prokuroria e Krimeve të Rënda kanë ngritur një grup të posaçëm për hetimin e ngjarjes. Grupi kryesohet nga prokurori Henrik Ligori dhe përbëhet nga agjentë të policisë kriminale.

Para shtëpisë së familjes Roshi ndodhen shumë të afërm dhe shumë banorë të Kavajës, të tronditur jashtëzakonisht nga ngjarja e rëndë. Elvis Roshi është zgjedhur si kryetar bashkie i qytetit të Kavajës, në zgjedhjet vendore të 8 majit ku ka kandiduar nën siglën e Partisë Socialiste. Bashkia e Kavajës ka zgjedhur për t’u administruar nga një përfaqësues socialist, pas 20 vitesh nga mbërritja e demokracisë, madje ky qytet është cilësuar si një bastion i Partisë Demokratike.

Pushteti që pjell vdekje

Aksidentet në rrugë dhe vrasjet në mes të qyteteve nuk bëjnë më as lajm, jo më impenjim për policinë e shtetit që të dalë përpara qytetarëve që e paguajnë dhe të thotë të paktën se po zbardh krimin. Dy ditë më parë në kryeqytet, një foshnje ende pa dalë në dritë u bë viktima e radhës së një krimi që ia kalon historive horror të diktaturave më të egra nazi-fashiste. Autorët, në grup, nuk dihen dhe mbi të gjitha askush nuk mund të thotë se do të përballen ndonjëherë me drejtësinë, që në të shumtën e rasteve dorëzohet përpara ditës së gjyqit. Shteti i bërë njësh me pushtetin jo vetëm që nuk na mbron, por po bëhet përditë vrasës. I xhepave tanë, pasurisë, demokracisë dhe së fundi edhe i jetëve të foshnjave. Ky është fundi!

Heshtje zyrtare!!!

Ngjarja e rëndë në familjen e kryebashkiakut të Kavajës, për turpin e institucioneve nuk mori vëmendjen as të policisë dhe as të kryeministrit, si deputet i kësaj zone. Policia që del me qejf për të deklaruar sa herë kap ndonjë të ri me kokainë në xhep, dje nuk tha asgjë për ngjarjen horror që tronditi mbarë opinionin publik. Si një përgjigje që institucionet duhet të japin për raste të tilla, edhe kur në to nuk janë të përfshirë zyrtarë dhe të zgjedhur, por kur jeta e një fëmije të sapolindur mbetet në dorën e bandave të regjura të krimit. Heshti Berisha që për çdo ditë të muajit që kaloi u mor me vota, kuti dhe ligje që siç po del gjithnjë e më e qartë, i njeh vetëm kreu i qeverisë si të tilla. Kurrkush tjetër! Po dje, me buzëqeshjen që i mbin në fytyrë në ceremoni të tilla, uroi edhe fëmijët për festën. Jo foshnjen e familjes Roshi, e cila priste të vinte në jetë për pak ditë, normalisht. Ashtu si lindi bija e kreut të qeverisë pak kohë më parë dhe çdo grua tjetër me të drejta në këtë vend. Heshtën edhe mediat pranë qeverisë, që nuk nguruan të merren me orë e ditë të tëra me mënyrën si u hodh një votë në kutinë e gabuar. Heshtëm të gjithë, të ngujuar përpara televizorit ku makabriteti është bërë kronika e radhës, që vërtet kot vazhdon të quhet e zezë. Ka nisur të bëhet horror!

Gjithë shteti në krim

Tre njerëzit e armatosur, pa maskë që dolën në mes të rrugës dhe në mes të ditës për të rrëmbyer gruan e re shtatzanë janë vetëm nisja e një krimi të mirëfilltë shtetëror। Sepse arritën të lëvizin lirshëm deri në destinacionin tjetër, aty ku në grup, kanë detyruar Griselda Roshin të bëjë lindjen e parakohshme. Mediat folën për një klinikë private, ku mund të jetë kryer akti i rëndë, por asgjë nuk është zbardhur akoma zyrtarisht nga grupi hetimor i ngritur për këtë rast. Megjithatë nga dëshmitë që ka mundur të japë vetë gruaja, në një gjendje të rëndë fizike dhe psikike, dihet se ndaj saj është ushtruar dhunë deri në humbjen e ndjenjave përpara se t’i bëhet injeksioni që i ka përshpejtuar lindjen e fëmijës. Për fatin e vogëlushit asgjë nuk është thënë deri në orët e mbrëmjes. Policia nuk ka deklaruar as angazhimin e saj të përhershëm në mbrojtje të sigurisë dhe rendit, duke na shmangur të dëgjojmë se autorët janë larguar në drejtim të paditur. Dhe as që ata do të kapen për t’u vënë përpara drejtësisë...se këtë herë hapur është i gjithë shteti në krim. I njëjti shtet i identifikuar me pushtetin në ngjarjet e rëndit të kohëve të fundit, pas heshtjes të së cilave vjen krimi i radhës...

Edi Rama largohet nga shtëpia e Roshit. Shoqërohej nga bashkëshortja

Edi Rama dhe Elvis Roshi gjatë fushatës elektorale

(E PERDITESUAR)- Kryetari i Partisë Socialiste ka mbaruar një vizitë në familjen e kryebashkiakut të Kavajës, Elvis Roshi. Rama kishte planifikuar një konferencë për shtyp, por ajo është anuluar. Rama shkoi në shtëpinë e Roshit pas ngjarjes së rëndë të rrëmbimit të së shoqes, e cila është detyruar të lindë fëmijën e saj para kohe pas rrëmbimit shtazarak. Rama shoqërohej nga e shoqja e tij dhe një grup deputetësh në këtë vizitë.

Shperndaje:

Gruaja e bashkiakut humb foshnjën, zbulohet klinika

Aktualitet e Enjte, Qershor 2nd, 2011

ELVIS ROSHI, KRYETARI I SAPOZGJEDHUR I BASHKISE SE KAVAJES, GRUAJA E TE CILIT DJE DENONCOI RREMBIMIN DHE HUMBJEN E FOSHNJES

Denoncimi i Griselda Zaimit (Roshi) ka tronditur mesditën e djeshme opinionin publik. Dëshmia për rrëmbim nga tre persona të panjohur dhe lindje të detyrueshme në një ambient privat, ka vënë në lëvizje Prokurorinë e Krimeve të Rënda dhe Policinë. Çfarë deklaroi 27-vjeçarja para autoriteteve dhe kontradiktat në dëshmi. Në mbrëmje, Policia zbulon taksistin që dërgoi gruan e kryebashkiakut të Kavajës në një “klinikë” pranë Maternitetit të Ri të
Tiranës, ku dyshohet të jetë kryer ndërhyrja. Mister fati i foshnjes. Bashkëshorti ndodhej në Itali në momentin e “rrëmbimit”. Gruas iu kërkua që të bënte një ekspertizë mjeko-ligjore, por ajo kundërshtoi, duke pretenduar se ishte e rënduar psikologjikisht. Çfarë thonë gjinekologët për një rast të tillë, ç’ndodhte dje në Kavajë dhe vizita e Ramës dhe deputetëve të PS

Rrëmbimi, kontradiktat në dëshmi

Gruaja e Elvis Roshit heq fëmijën në një “klinikë” në Tiranë

Vendi ku pretendohet se është hedhur 27-vjeçarja

Gruaja e kryetarit të Bashkisë së Kavajës, Griselda Zaimi (Rro-shi), që ndodhej në muajin e nëntë të shtatzënisë, pretendoi dje se është rrëmbyer mbrëmjen e së martës në Tiranë nga persona që e detyruan të lindë fëmijën e më pas e hodhën në një rrugë në Kavajë.E tronditur nga ngjarja, por edhe me kontradikta në thëniet e saj, bashkëshortja e kryebashkiakut Elvis Rroshi ka rrëfyer para prokurorëve ngjarjen e rëndë, që sipas saj ka nisur të martën rreth orës 19:30, në afërsi të qendrës “Kristal” dhe është mbyllur rreth orës 03:30 të mëngjesit të djeshëm. Gruaja 27-vjeçare ka treguar për grupin hetimor se të martën ka dalë nga dyqani i bashkëshortit të saj, në qendrën “Kristal” në Tiranë. Sapo ka dalë në rrugë, është përballur me një makinë me xhama të zinj, nga e cila kanë zbritur dhe e kanë rrëmbyer tre persona të armatosur. Sipas gruas, rrëmbyesit e kanë goditur me një objekt të fortë pas koke dhe e kanë hipur në një fuoristradë me xhama të zinj. Ajo nuk ka arritur t’i shohë apo t’i njohë personat që e kanë rrëmbyer, por gjatë rrugës që udhëtonte me makinë, nga ku nuk mund të shihte asgjë, nga lëkundjet e automjetit ka pasur një ndjesi që po lëvizte në një terren me gropa. Më pas, Griselda Zaimi ka shpjeguar se personat që e rrëmbyen e kanë goditur sërish gjatë udhëtimit me makinë.
LINDJA E FEMIJES

Banesa e kryetarit te bashkise se kavajes

Pas disa minutash udhëtim, Griselda Zaimi ka pretenduar se ka parë veten në një ambient, që nuk e njihte dhe nuk e dinte se ku ndodhej. Ajo është shprehur se nuk arrinte të shihte njëri në dhomën ku ndodhej apo ndonjë person të veshur me rroba të bardha, që të ngjasonte me ndonjë mjek, edhe pse sipas saj, për një moment ka dëgjuar fjalët “doktori, doktori…”. Ajo nuk është në gjendje të kujtojë shumë detaje, por pak momente para se të humbiste ndjenjat, ka fiksuar se i kanë bërë një serum ose diçka të ngjashme, që sipas saj ka bërë të mundur lindjen e parakohshme të fëmijës. Ndërsa në lidhje me foshnjën, që sipas saj duhej të linde të paktën edhe për dy ditë, ajo nuk ka qenë në gjendje të shpjegojë asgjë. Momenti i fundit që ajo mban mend nga rrëmbimi, është mëngjesi i ditës së djeshme, rreth orës 03:00, kur është hedhur nga makina në një rrugë pranë shtëpisë së saj, në lagjen “Zguraj”, në Kavajë. Nga aty dhe deri në shtëpi, përreth 70 metra, ajo ka treguar se ka shkuar zvarrë, e vetme dhe pa u ndihmuar nga njeri.
Kontradiktat
Historia e pazakontë është treguar dje nga Griselda Zaimi, gruaja e kryebashkiakut të Kavajës. Gjatë ditës së djeshme deri në darkë, versioni i rrëmbimit kriminal është shpjeguar nga vetë gruaja për prokurorët, të afërmit e familjarët e saj, por edhe për deputetët e PS që shkuan dje në banesën e Elvis Roshit në Kavajë. Por, në gjithë këtë rrëfim ka disa kontradikta. Një taksist deklaron se e ka shoqëruar 27-vjeçaren në një klinikë, kur ajo thotë se është rrëmbyer nga njerëz të armatosur. Më pas, kur mbërrin në klinikë, njëherë thotë se ka dëgjuar fjalën mjek, pastaj ka parë disa gra si mami dhe më tej shton se është goditur me tytë armë dhe më pas i kanë dhënë një ilaç nxitës për lindje.

Denoncimi i ngjarjes me telefon nga Italia

Prokuroria dhe Policia janë vënë në dijeni të rrëmbimit të Griselda Zaimit në orët e para të paradites së djeshme dhe denoncimi i parë është bërë nga bashkëshorti i saj, Elvis Rroshi, i cili ndodhej në Itali dhe u kthye dje në mesditë. Rroshi, i njoftuar nga të afërmit e tij për ngjarjen, ka lajmëruar me celular një inspektor policie të Kavajës, i cili ishte i afërm i tij, të cilit i ka kërkuar që t’i drejtohej Prokurorisë për atë çfarë kishte ndodhur. Menjëherë pas kësaj telefonate, denoncimi është bërë fillimisht në Prokurorinë e Kavajës, që më pas i është përcjellë Prokurorisë për Krime të Rënda, me akuzën “heqje e paligjshme e lirisë”. Ndërsa më vonë, denoncimi është kryer edhe në Drejtorinë e Policisë së Tiranës, në Sektorin e Krimeve të Rënda. Mësohet se, pavarësisht urdhrit të prokurorit për kryerjen e ekspertizës mjeko-ligjore, Griselda Zaimi ende nuk e ka kryer këtë ekspertizë.

Taksisti: 27-vjeçaren e çova unë në “klinikë”

Zbulohet “klinika” ku është hequr nga barku i nënës foshnja e Griselda Roshit, gruas së Elvis Roshit, kryetar i Bashkisë së Kavajës.Pas një hetimi të shpejtë disa orësh, Policia e Tiranës ka gjetur dje në mbrëmje ambientin ku është kryer lindja e fëmijës së 27-vjeçares Griselda Zaimi (Roshi). “Klinika” në fjalë ndodhet në zonën e “Brrylit” në Tiranë, pranë maternitetit të ri. Nuk është e qartë nëse bëhet fjalë për një klinikë të mirëfilltë të licencuar apo një ambient ilegal ku bëhen aborte. “Kemi gjetur ambientin ku është hequr fëmija, në vend-ngjarje grupi i hetimit ka gjetur edhe provat përkatëse që po ekzaminohen, kemi prova dhe dëshmi së tregojnë se shtetasja Griselda Roshi është mbajtur në atë ambient sa kohë nuk ka qenë në banesë”, kanë thënë dje burime të Policisë. Gjetja e një “klinike” të tillë është konfirmuar mbrëmë edhe nga burime të Prokurorisë, të cilat kanë kërkuar gjithsesi të jenë të rezervuara në dhënien e informacionit. Hetuesit ndërkohë theksojnë se klinika në fjalë ndodhet në të njëjtën lagje ku banojnë edhe prindërit e Griselda Roshit, gruas së kryebashkiakut të Kavajës Elvis Roshi, e cila tronditi dje opinionin publik me ngjarjen e saj. Në ambientin në fjalë, që nuk konfirmohet nëse është hotel, banesë private apo klinikë legale apo ilegale, thuhet se janë gjetur elementë që përkojnë me ngjarjen e ndodhur Griselda Roshit, konkretisht rroba dhe gjurmë gjaku si dhe mostra të tjera të vlefshme për ekspertim.
Taksisti
Krahas gjetjes së klinikës ku është bërë heqja e foshnjës nga barku i nënës, policia mbrëmë shoqëroi fillimisht dy taksistë duke mbajtur më pas më gjatë në dhomat e hetimit njërin prej tyre. Ka qenë pikërisht taksisti që tregoi se e kishte transportuar Griselda Roshin nga zona ku ajo pretendoi se ishte rrëmbyer për në klinikën ku ka ndodhur aborti i fëmijës. Konfirmimi i këtij taksisti se i kishte shërbyer 27-vjeçares për ta dërguar tek klinika në fjalë, ka hedhur poshtë variantin e dhënë nga vetë protagonistja e ngjarjes dje gjatë ditës, kur theksoi se ishte marrë peng nga persona të armatosur me një makinë me xhama të zinj dhe ishte çuar në ambientin ku ndodhi aborti. Në dëshminë e saj të parë, gruaja e kryebashkiakut të Kavajës ka pretenduar se është rrëmbyer tek zona e Tiranës së Re, pikërisht në kohën kur po i afrohej vendqëndrimit të taksive për të shkuar më pas në banesën e prindërve të saj në Tiranë.
Hetimi në dy pista
Pak orë pas denoncimit të bërë dje në Prokurorinë e Kavajës e më pas në Prokurorinë e Krimeve të Rënda nga shtetasja Griselda Roshi, Prokuroria regjistroi procedim penal për rrëmbim personi me pasoja të rënda. Krahas kësaj vepre penale, së cilës i është referuar hetimi i Prokurorisë së Krimeve të Rënda, burimet nga ky institucion kanë pohuar se nuk përjashtojnë edhe pistën e një ngjarje të simuluar në rrethanat e saj të panjohura më parë jo vetëm në Shqipëri, por edhe më gjerë. Menjëherë pas denoncimit të bërë dje për ngjarje, Prokuroria e Krimeve të Rënda dërgoi në banesën e kryebashkiakut Elvis Roshi në Kavajë, zv.drejtuesin e saj dhe një prokuror për kryerjen e veprimeve procedurale ndërkohë që në orët e mbrëmjes, në hetimin e kësaj çështje është angazhuar edhe një prokuror i tretë. Grupi hetimor pas fakteve të zbuluara dje në mbrëmje duket se ka anuar më shumë nga një ngjarje kontradiktore dhe me shumë gjasa e simuluar në shumë pjesë të saj.

Mjekët: Lindja s’ndodh pa ndihmën e gruas

TIRANE – Mjekët pohojnë se lindja e fëmijës në kushte normale në rrethanat që pretendohet se kanë ndodhur me bashkëshorten e kryetarit të Bashkisë së Kavajës, është thuajse e pamundur. Sipas mjekëve, veçanërisht në rastet kur gruaja ka lindjen e parë, është tepër e vështirë dhe e rrezikshme që lindja të ndodhë në kushte rrethanore. Sipas mjekëve të fushës, kushtet ambulatore në fjalë edhe të shoqëruara me preparatet nxitës të lindjes, është e vështirë ta ndihmojnë realizimin e këtij procesi që mund të zgjasë me orë. Duke iu referuar pretendimeve për lindjen e foshnjës dhe rrëmbimin e saj në një ambient privat apo “të fshehtë”, mjekët thonë se është e pamundur që kjo të ndodhë. “Nëse gruaja është qëlluar e ka humbur ndjenjat, lindja e fëmijës pa ndihmën dhe bashkëpunimin e nënës është e pamundur dhe realizohet vetëm me vdekjen e foshnjes”, thane mjekët. Duke marrë në analizë gjendjen shëndetësore të 27-vjeçares ditën e djeshme, e cila me përjashtim të tronditjes nuk ka pasur probleme të tjera, sipas mjekëve është e pamundur që lindja të ketë qenë në kushte ambulatore dhe pa praninë e personelit mjekësor.

Kavajë, vendi ku u hodh gruaja kishte dëshmitarë: S’e kemi parë

TIRANE – Vendi ku Griselda Zaimi (Rroshi) pretendon se është hedhur nga personat që e kanë rrëmbyer, ndodhet në një rrugicë në lagjen “Zguraj” në Kavajë, pranë një shkolle. Ky vend ndodhet 5-6 metra nga rruga kryesore, në rrugën “Mehmet Ballamishta” dhe rreth 70 metra larg banesës ku jeton familja e kryebashkiakut të Kavajës, Elvis Rroshi. Fare pranë zonës ku dyshohet se është hedhur gruaja 27-vjeçare, rreth orës 03:30 të mëngjesit të djeshëm, ndodhet një qendër interneti, e cila në këtë orë, por edhe më vonë, rezulton të ketë qenë e hapur. Të paktën disa punonjës të kësaj pike, të cilët treguan dje se kanë qenë në punë në atë orë, treguan se nuk kanë parë asgjë të dyshimte në atë zonë. Madje ata treguan se qendra e internetit ka qenë vazhdimisht e hapur deri në orët e para të mëngjesit, ndërsa ata vazhdimisht dilnin e pinin cigare jashtë. Distanca mjaft e vogël, vetëm prej disa metrash, me një fushëpamje të lirë deri në vendin ku pretendohet se është hedhur gruaja e Elvis Rroshit, nuk i pengonte personat që ndodheshin pranë qendrës së internetit që të shihnin dhe të dëgjonin çdo gjë të dyshimtë. Por ata mohojnë të ketë pasur lëvizje makinash apo edhe këmbësorësh në atë zonë rreth orës që përflitet, por edhe më vonë, për aq kohë sa ata kanë qenë aty. Përgjatë gjithë pasdites së djeshme, përreth banesës së familjes Rroshi qëndronin persona të ndryshëm, të afërm, fqinjë, por edhe kureshtarë, të cilët prisnin për të mësuar diçka se çfarë kishte ndodhur. Fqinjë të afërt të familjes Rroshi, treguan dje se i njohin pothuajse të gjithë pjesëtarët e familjes, por Griseldën, bashkëshorten e kryebashkiakut, nuk e kishin parë shpesh dhe pothuajse nuk e njihnin.

Ekspertiza
Ditën e sotme në orën 09:00, shtetasja Griselda Roshi pritet të paraqitet në Institutin e Mjekësisë Ligjore në Tiranë për të kryer ekspertizën mjeko-ligjore. Realizimi i një ekspertize të tillë nuk ka qenë i mundur dje, për shkak se gruaja nuk ka pranuar t’i nënshtrohej kontrollit. Ndërkohë, mbrëmë vonë grupi i hetimit pohoi se kishte rënë në marrëveshje dhe ka marrë miratimin e 27-vjeçares për t’u paraqitur sot në ora 09:00 për ekspertizën mjekoligjore. Është kjo ekspertizë e cila do të përcaktojë në mënyrë përfundimtare, nëse lindja e fëmijës ka qenë e shëndetshme, e nxitur nga faktorë të jashtëm apo nga shkaqe të tjera.

Rama me bashkëshorten Linda në familjen e Elvis Roshit

Kreu socialist, i shoqëruar nga bashkëshortja e tij Linda, ishte dje në familjen e Elvis dhe Griselda Roshit në Kavajë. Mbrëmë rreth orës 21:00, Rama ka mbërritur në Kavajë në banesën e kryetarit të Bashkisë së këtij qyteti, Elvis Roshi, i kandiduar nga Partia Socialiste në 8 maj. I shoqëruar nga bashkëshortja dhe miku i tij Erion Veliaj, Rama ka qëndruar për rreth gjysmë ore në shtëpinë e Roshit, aty ku familjarë dhe miq të tij ishin mbledhur për të marrë vesh rrethanat se si është zhvilluar ngjarja. Rama nuk ka preferuar të bëjë asnjë koment, ndërsa është njohur nga Roshi rreth ngjarjes. Dje pasdite, kryesocialisti anuloi sipas Partisë Socialiste një konferencë shtypi në selinë rozë, për të qenë pranë mandatarit të PS për Bashkinë e Kavajës. Por më parë në Kavajë kishin mbërritur një grup deputetësh socialistë, rreth 20, të cilët qëndruan deri në orët e vona të mbrëmjes së djeshme. Paulin Sterkaj, Dashamir Peza, Artan Gaçi, Ledi Shamku, Damian Gjiknuri, Vasilika Hysi, Eduard Shalsi, Ditmir Bushati etj. Ishin dje pranë kryetarit të Bashkisë së Kavajës në formë solidariteti dhe mbështetje për të kërkuar zbardhjen sa më të shpejtë të ngjarjes dhe çuarjen para drejtësisë të autorëve. Gjatë gjithë mbrëmjes deputetë socialistë, qytetarë, të afërm dhe komshinj të kryetarit të Bashkisë së Kavajës kanë populluar oborrin dhe rrugën përpara pallatit ku banon familja Roshi. Të kontaktuar në telefon, deputetë socialistë nuk dhanë asnjë version rreth ngjarjes apo pistë të drejtësisë, por e konsideruan këtë një ngjarje të paprecedentë dhe kriminale. Pritet që sot të ketë deklarata zyrtare rreth kësaj ngjarje edhe nga ana e Partisë Socialiste.

Hetim mjekeve të klinikës

Prokuroria e Krimeve të Rënda dhe policia e Tiranës kanë shoqëruar mbrëmë 25 persona për ti marrë në pyetje në lidhje me abortin e gruas së kryebashkiakut të Kavajës. Mes të shoqëruarve mësohet se veç dy taksistëve janë edhe disa persona që pretendohet se janë mjekë dhe staf i klinikës ku dyshohet se është kryer heqja e foshnjës nga barku i nënës. Hetimet kryesore janë përqendruar mbi këta persona me qëllim zbardhjen e ngjarjes.

Elvis Roshi u zgjodh me 880 vota plus

Kryetari i ri i Bashkisë së Kavajës Elvis Roshi u zgjodh në zgjedhjet e 8 majit me një diferencë prej 800 votash ndaj kandidatit demokrat, duke marrë në total 6008 vota. Në një dalje publike me kreun e PS-së Edi Rama, Roshi tha se do të jetë bashkiaku i të gjithë qytetarëve të Kavajës. “Do jem një kryetar bashkie që do i shërbej qytetin tim. Do jem një kryetar që do i shërbej si demokratëve dhe socialistëve. Do realizoj angazhimet e mia që kam marrë para bashkëqytetarëve të mi. Ju them të gjithë komisionerëve, mos u trembni ruajini votën siç e ruajta unë deri në fund, sepse jemi fitues në të gjithë Shqipërinë. Ju lutem mos nënvlerësoni, ruajeni votën deri në fund”, tha Roshi.

ETLEVA DELIA

Braçe: PS duhet të jetë nesër në Kuvend, të qëndrojë jo të ikë

Politike e Enjte, Qershor 2nd, 2011

Nënkryetari i Grupit Parlamentar socialist, Erion Braçe, kërkon pjesëmarrje në seancën e Kuvendit për të kundërshtuar
shitjen e aseteve publike nga qeveria.Përmes rrjetit social “Facebook”, Braçe kërkon një reagim më të fortë të PS-së ndaj projektligjit të qeverisë për shitjen e katër hidrocentraleve. Reagimi i Braçes erdhi pas deklaratës së kreut socialist, Edi Rama, në një bashkëbisedim me gazetarët, ku u shpreh se “kur PS të vijë në pushtet, do të anulojë të gjitha këto veprime, të cilat i cilësoi mafioze”. “PS deklaroi pak më parë se nuk do ta njohë privatizimin e shpallur nga Sali Berisha në sektorin strategjik, veçmas të energjisë! Por bën gabim! Nuk është privatizim! Është shpronësim me dhunë, pas vjedhjes së zgjedhjeve, që i bëhet çdo shqiptari! Deklarimi për shtyp nuk mjafton! PS duhet të kundërshtojë ashpër shpronësimin në Kuvend, sheshe, rrugë, kudo!”, shprehet Braçe në profilin e tij në Facebook, duke marrë pas këtij apeli me dhjetëra

Faqja zyrtare e deputetit Erjon Braçe në Facebook

komente dhe mbështetje nga miqtë e tij në këtë rrjet social. Shumica e miqve të nënkryetarit të Grupit Parlamentar socialist në Facebook mbështesin qëndrimin e tij, ndërsa shprehen se Partia Socialiste nuk po kërkon me forcë të drejtën e saj për votën e qytetarëve, por dhe për shitjen e pronës publike. Grupi Parlamentar socialist ka vendosur të mos marrë pjesë në asnjë komision të përhershëm parlamentar apo seancë plenare deri në dhënien e vendimit përfundimtar të Kolegjit Zgjedhor për rezultatin e Bashkisë së Tiranës. Por, Braçe mendon se sa kohë bëhet fjalë për shitje nga ana e qeverisë të pasurisë kombëtare, PS duhet të shkojë në Kuvend dhe ta kundërshtojë këtë veprim, e jo të bëjë bojkot në një moment të tillë. “Berisha është i mundur! Ai po mbaron, ka bërë gabimin e fundit të jetës! Berisha nuk lufton dot më: një hajdut nuk ka kurajë luftëtari! Berisha nuk ka para për luftë. Shpronësimi i çdo shqiptari nga pasuria publike bëhet për të mbledhur para! PS duhet të jetë nesër në Kuvend, të qëndrojë, jo të ikë! Të paralajmërojë shitësit se do ketë drejtësi, të paralajmërojë blerësit se nuk do gëzojnë pasurinë kombëtare!”, u shpreh Braçe. Kryesocialisti u shpreh dje se marrëdhëniet e Grupit Parlamentar socialist me Kuvendin do të mbeten të ngrira deri në përfundim të procesit gjyqësor në Kolegjin Zgjedhor. “Të gjitha çështjet që lidhen me vendimmarrjet e PS dhe të Grupit Parlamentar të saj, të opozitës në tërësi, lidhur me të nesërmen, janë çështje që do të diskutohen gjerësisht pas përfundimit të procesit të hapur ende të 8 majit, në Tiranë”, u shpreh Rama gjatë bashkëbisedimit me gazetarët. Përveç deklaratës së Ramës në lidhje me këto privatizime, nuk ka ende diskutim në Grupin Parlamentar socialist se çfarë qëndrimi do të mbahet për projektligjin e shitjes së hidrocentraleve të vogla në vend. Edhe pse një çështje kaq sensitive, dje deputetët e Partisë Socialiste nuk morën pjesë në mbledhjet e komisioneve parlamentare, veçanërisht në Komisionin e Ekonomisë, ku janë diskutuar dhe termat ekonomikë rreth kësaj procedure.

BRAÇE, KUNDËR QËNDRIMIT TË PS NDAJ KQZ

Pak ditë më parë, numri dy i Grupit Parlamentar socialist, Erion Braçe, kërkoi nga lidershipi i PS një reagim më të fortë ndaj KQZ-së dhe qeverisë. Përsëri përmes Facebook-ut, Braçe bëri apel që “Partia Socialiste duhet të dalë nga kllapia”. “PS po sillet si humbëse, jo si e zgjedhura e njerëzve. Partia Socialiste duhet t’i përdorë këto dy mandate për t’i dhënë zgjidhje problemit të demokracisë në rrugë institucionale e në rrugë jashtinstitucionale. Tani!” shprehej Braçe.

ARISTIR LUMEZI

Prokuroria e Krimeve të Rënda merr në pyetje Griselda Roshin

Shekulli Online | 02/06/2011 | Kronike | 16 KOMENTE | Facebook | - +

Griselda Roshi ka mbërritur rreth orës 12:20 në Prokurorinë e Krimeve të Rënda, ku po merret në pyetje në lidhje me deklaratat për rrëmbimin e saj dy ditë më parë. Sipas burimeve jozyrtare, nga hetimet e kryera, Prokuroria hedh dyshime mbi shtatzëninë e gruas në momentin që ajo pretendon se është rrëmbyer. N.q.s. dyshimet e institucionit të akuzës vërtetohen, Griselda rrezikon të kthehet nga akuzuese në të akuzuar për kallëzim të rremë. Ndërkohë, mister mbetet fati i foshnjës së gruas 28-vjeçare.

Çështja "Griselda", Prokuroria hedh poshtë pistën e rrëmbimit


Prokuroria e Krimeve të Rënda ka hedhur poshtë pistën e rrëmbimit të bashkëshortes së kryebashkiakut të Kavajës. Sipas njoftimit zyrtar të Prokurorisë, pas hetimeve të kryera rezulton se nuk ka elementë që të vërtetojnë pengmarrjen e Griseldës.


"Hetimet dhe analiza konkulduan se nuk ka elementë që vëtetetojnë pengmarrjen e shtetases Griselda Roshi", thuhet në njoftimin zyrtar të Prokurorisë.

Misteri i Griseldës, Instituti i Mjekësisë Ligjore nis ekspertimin


Griselda Roshi, bashkëshortja e kryetarit të ri të Bashkisë së Kavajës, e cila u rrëmbye dhe u torturua në mënyrë macabre nga persona të panjohur dy ditë më parë, është paraqitur sot në Institutin e Mjekësisë Ligjore në Tiranë. Gruaja 28-vjeçare do t'i nënshtrohet një ekspertize, e cila pritet të hedhë dritë mbi lindjen e fëmijës së saj, fati i të cilit nuk dihet akoma.


28-vjeçarja është paraqitur rreth orës 9:30 në ambientet e Institutit të Mjekësisë Ligjore, e shoqëruar nga forca të policisë dhe familjarë të saj.


Griselda Roshi denoncoi një ditë më parë se persona të armatosur e kishin rrëmbyer në zonën e Komunës së Parisit në kryeqytet dhe më pas e kishin dërguar në një vend të panjohur për të, ku më pas i ishte hequr fëmija që do të sillte në jetë pak ditë më vonë.

Griselda Roshi

Rrëmbimi, 7 orët e tmerrit për gruan e kryebashkiakut të Kavajës

2011-06-02

• Rrëmbimi, 7 orët e tmerrit për gruan e kryebashkiakut të Kavajës
• Policia dhe prokuroria “kyçin” gojën

Griselda Roshi, shtatzënë në muajin e nëntë, u mor nën kërcënimin kallashnikovëve në rrugën “Komuna e Parisit”, pranë qendrës “Kristal” mbrëmjen e së martës

Horror, 28-vjeçarja u detyrua të lindte nën dhunë

Një krim i paramenduar që i kapërcen kufijtë e imagjinatës njerëzore diskutohet nën zë në të gjithë Tiranën. Gruaja e kryebashkiakut të sapozgjedhur të Kavajës, Elvis Roshi, ka përjetuar orët e ankthit nën kërcënimin e armëve. Krimi nuk e ka kursyer atë edhe pse shtatzënë në muajin e nëntë dhe priste të sillte në jetë një fëmijë, një djalë. Për ironi të fatit, gjithçka ka ndodhur në vigjilje të 1 qershorit, ditës ndërkombëtare të fëmijëve.

Ka qenë ora rreth 19.30 e së martës kur Griselda Roshi, 28 vjeç, teksa ka shijuar kafen në lokalin e një të afërmi të burrit të saj, në qendrën “Kristal”, është larguar së bashku me mikeshën që e shoqëroi për të marrë një taksi dhe shkuar në shtëpi. Kushëriri i burrit ishte personi i fundit që ka shkëmbyer bisedën në largim e sipër me të, teksa i shoqi ndodhej jashtë Shqipërisë për punë personale.

Familjarët i kanë thënë policisë se Griselda kishte ardhur në Tiranë të premten pasdite, pasi ishte në ditët e saj për të sjellë në jetë fëmijën. Sipas familjarëve, teksa ajo ishte duke ecur drejt vendparkimit të taksive, një fuoristradë me xhama të zinj ka ndaluar përpara saj dhe nga makina kanë dalë 3 burra të armatosur që e kanë futur me forcë në makinë.

Aty ata e kanë goditur me qytën e automatikut, kërcënuar dhe, sipas dëshmisë së gruas, i kanë injektuar diçka që e bëri të kishte një shikim të turbullt. Griselda nuk ka ditur asgjë rreth vendit ku do ta çonin rrëmbyesit, por ajo ka mundur t’u thotë hetuesve se kishin udhëtuar në autostradë në drejtim të Vorës. 28-vjeçarja u ka thënë hetuesve se rrëmbyesit duhet ta kenë çuar në një vend të parapërgatitur, pasi ka mundur të fiksojë tavolinën spitalore që shërben për operacione. Madje gruaja në dëshminë e saj u ka thënë hetuesve se në momentin kur është detyruar të lindë fëmijën kanë qenë të pranishme edhe femra, pasi ka dëgjuar zërin e tyre, ndërsa nuk ka mundur t’u fiksojë pamjen për shkak të shikimit të turbullt nën efektin e injeksionit që i kishin bërë menjëherë pas futjes së dhunshme në fuoristradë.

Më tej Griselda nuk ka ditur t’u thotë asgjë të vlefshme hetuesve, pasi ajo kishte humbur ndjenjat si pasojë e dhunës dhe injeksionit, teksa duhet të ketë sjellë në jetë fëmijën.

Pas lindjes vjen dhe periudha më e vështirë për gruan, të cilën për shkak të hemorragjisë, rrëmbyesit i kanë ndërruar rrobat. Mëngjesin e së mërkurës e kanë hipur në fuoristradën me të cilën e kishin rrëmbyer dhe pas udhëtimit prej disa minutash e kanë hedhur disa metra larg shtëpisë së prindërve të saj në Kavajë.

Familjarët thonë se ajo u flak dhunshëm, barbarisht në rrugë, diku pranë shkollës 9-vjeçare “3 Dëshmorët” nga ku u shpall rreth ditë më parë fitorja e bashkëshortit të saj në zgjedhjet e 8 majit, aty ishte KZAZ-ja.

E gjakosur dhe dhunuar, Griselda ka mundur të zvarritet deri në shtëpinë e saj, pa fëmijën e sapolindur që ka mbetur në ambientin ku ishte mbajtur peng për më shumë se 7 orë. Familjarët thonë se ka qenë ora rreth 03.30 kur 28-vjeçarja është gjetur në gjendje shoku. Policia ka marrë në pyetje të dëmtuarën, të afërm dhe familjarë të saj, por aktualisht nuk ka asnjë person të dyshuar, si dhe nuk ka të dhëna për motivin e kësaj ngjarjeje horror që e ka zanafillën në një nga lagjet më të banuara të kryeqytetit.

Familjarët thonë se Griselda është tashmë në gjendje të rëndë psikologjike dhe nuk di të thotë se kush ishin autorët e rrëmbimit, vendin ku lindi e detyruar fëmijën, apo vendndodhjen e foshnjës dhe as fatin e saj. Askush nuk di të thotë saktësisht se çfarë ka ndodhur, por të gjithë deklarojnë se këtë nuk ka kriminel që ta bëjë. Griselda është e sfilitur. Nuk ka fjalë që të shprehë tmerrin e orëve që kaloi nën kërcënime dhe dhunë. Qytetarët e Kavajës thonë se nuk duhet t’i ndodhte diçka e tillë familjes Roshi, ata janë nga më të respektuarit dhe nuk e meritonin një gjë të tillë.

Vali Qyrfyçi, Luan Kondi

Gruaja e dhunuar, në spital për plagët dhe traumën

2011-06-02

Bledi Gilaj (KERKO ...)

• Gruaja e dhunuar, në spital për plagët dhe traumën
• Policia bastis një klinikë private dhe shoqëron 25 veta
• “Griselda piu kafe me një shoqe te lokali im”

Rama dhe deputetët socialistë, në banesën e Roshit

Familja Roshi ka pësuar një shok psikologjik nga horrori i përjetuar, ndërkohë që fati i foshnjës së tyre ende nuk dihet. Ndërsa policia dhe prokuroria kanë heshtur gjatë gjithë ditës për motivet e këtij krimi makabër, deputetë socialistë kanë shkuar në banesën e familjes Roshi, të cilët mendojnë se krimi ka ardhur vetëm për shkaqe politike, pasi Elvis Roshi arriti të fitojë në Kavajë si kryetar bashkie me siglën e PS-së, ndërkohë që qyteti njihej si bastion i patundur i Partisë Demokratike. Por, tashmë ai po kalon një shok psikologjik, bashkë me të shoqen, Griseldën, nga ky krim i kryer ndaj tyre.

Griselda, nëna e një foshnje, që nuk dihet nëse është gjallë apo ka vdekur, tashmë është e shtruar në spitalin e Kavajës, pasi ka kaluar në depresion të thellë. Edhe Elvis Roshi, babai i kësaj foshnje dhe bashkëshorti i gruas së marrë peng e të dhunuar, ka kaluar në shok psikologjik, ndërkohë që i është dashur të përgjigjet edhe për hetuesit për dyshimet e tij mbi këtë ngjarje makabër. Tmerrin e ndodhur nuk e ka përjetuar vetëm çifti, por edhe familjet e të afërmit e tyre, ndërkohë që të njohurve ende nuk u besohet se mund të ketë ndodhur një gjë e tillë. Griselda 28-vjeçare nuk di të thotë se kush ishin autorët e rrëmbimit, vendin ku lindi e detyruar fëmijën, apo vendndodhjen e foshnjës. “Unë nuk di ç’të them, këtë nuk ka kriminel që ta bëjë. Ajo është e sfilitur. Nuk kemi fjalë ta shprehim”, tregon një komshi i familjes. “Nuk duhet ta bënin, ata janë njerëz të mirë dhe këtë nuk e meritonin”, shprehet një tjetër.

Teksa kjo ngjarje makabër ka tmerruar çdo njeri, që ka parë apo dëgjuar për të, ekspertët shprehen se një ngjarje e tillë nuk ka ndodhur kurrë në vendin tonë. Forca speciale të policisë kanë shkuar në shtëpinë e çiftit për të kryer hetimet e nevojshme, ndërsa bashkëshorti i Griseldës, kryebashkiaku i Kavajës, Elvis Roshi, është detyruar të kthehet nga Italia, pasi ka marrë vesh lajmin tragjik. Ai ka deklaruar vetëm pak fjalë për hetuesit, duke u shprehur se nuk kishte asnjë konflikt dhe nuk dinte çfarë emri t’i vinte një ngjarjeje të tillë. Ndërkohë, Policia e Shtetit dhe Prokuroria e Krimeve të Rënda kanë ngritur një grup të posaçëm për hetimin e saj. Grupi kryesohet nga prokurori Henrik Ligori dhe përbëhet nga agjentë të policisë kriminale.

Shtëpinë e familjes Roshi e kanë vizituar dje shumë të afërm dhe shumë banorë të Kavajës, të tronditur jashtëzakonisht nga ngjarja e rëndë, ndërkohë që nuk kanë munguar edhe deputetët e Partisë Socialiste. Ngjarja e rëndë e Kavajës solli edhe ndërprerjen e axhendës politike të kreut socialist, Edi Rama, i cili dje në mbrëmje është nisur drejt këtij qyteti për të qenë pranë familjes së kryebashkiakut Elvis Roshi. Së bashku me disa deputetë të tjerë të Partisë Socialiste: Paulin Sterkaj, Vasilika Hysi, Eduard Shalsi, Ledi Shamku, Dasahmir Peza, Saimir Tahiri dhe Fatmir Toçi, kreu i selisë rozë ka vizituar familjen e të sapozgjedhurit në detyrën e kryetarit të Bashkisë së Kavajës, e cila është aktualisht nën traumën e ngjarjes. Edhe pse ende pa një deklaratë politike për atë çfarë ndodhi, solidarizimi i drejtuesve të lartë socialistë flet për një qëndrim të pritshëm në këtë plan, nisur edhe nga fakti se ngjarja e Kavajës paralelizon me disa çështje të tjera që kanë prekur të zgjedhurit e PS-së. Kështu mund të renditen lehtë situatat e rënda me të cilat selia rozë është dashur të ballafaqohet edhe në aspektin njerëzor si vrasja e deputetit Fatmir Xhindi, vrasja e ish-kryekomunarit të Hasit apo edhe vizita në familjet e viktimave të demonstratës së 21 janarit. Sikundër mund të thuhet se të gjitha këto ngjarje mbeten ende të pazgjidhura. Nga ana tjetër duhet nënvizuar se ngjarja e Kavajës mbetet shumë e rëndë në specifikën e vet edhe pse është e paprecedentë në regjistrin e kronikës shqiptare.

Rrëmbimi Griselda Roshit, policia shoqëron 25 persona

Bashkëshortja shtatëzënë e kryetarit të bashkisë së Kavajës, Griselda Roshi është rrëmbyer dje pasdite, rreth orës 19.15, në zonen e Komunës së Parisit në Tiranë. (I plotësuar)

Burime jozyrtare nga prokuroria pohojnë për Top Channel se është zbuluar ambienti ku dyshohet se i është hequr foshnja Griselda Roshit, bashkëshortes së kryebashkiakut të Kavajës, Elvis Roshi.

Sipas këtij burimi, bëhet fjalë për një klinikë private mjekësore pranë Maternitetit të Ri në Tiranë, e cila për momentin nuk mund të konfirmohet nëse është e licensuar apo jo.

Ndërkohë, mësohet se policia ka shoqëruar në ambientet e saj në cilësinë e dëshmitarëve rreth 25 persona. Mes të cilëve mendohet se është edhe një mjek i klinikës private, por edhe shoferi i taksisë që prokuroria dyshon se ka shoqëruar Griseldën në klinikën private.

Ky zbulim i fundit rrëzon dëshminë e mëparshme të vetë Griseldës, e cila tha se ishte rrëmbyer nga një fuoristradë me xhama të zinj. Gjithsesi gjithcka mbetet ende për t’u vërtetuar nga grupi hetimor.

Për të mbështetur familjen Roshi në këto caste të vështira, vec familjarëve, të afërmve dhe bashkëqytetarëve, në Kavajë ka mbërritur edhe kryesocialisti, Edi Rama dhe deputetë të Partisë Socialiste të cilët qendruan në familjen Roshi për më shumë se 60 minuta.

* * * * * * *

Horror në Kavajë

Sipas burimeve familjare, ajo pasi ka pirë një kafe me një mikeshë të sajë në një lokal, i është drejtuar një taksie për të lëvizur drejt shtëpisë së prindërve të saj.

Griselda kishte ardhur në Tiranë pasi ditën e premte priste të lindte. Sipas familjarëve, teksa ajo ishte duke ecur drejt taksisë, një fuoristradë me xhama të zinj ka ndaluar përpara saj dhe nga makina kanë dalë 3 burra të armatosur që e kanë futur me forcë në makinë.

Aty ata e kanë rrahur, kërcënuar dhe e kanë cuar në një tjetër vend, të parapërgatitur, ku vec tre burrave kanë qenë të pranishëm edhe disa të tjerë, madje edhe gra.

Sipas burimeve familjare, në ato momente Griselda është rrahur dhe goditur me tytë kallashnikovi dhe ka humbur ndjenjat. Kur ka riardhur në vete, ajo mban mend t'i jetë injektuar një serum dhe disa momente më pas ka lindur.

Për shkak të hemoragjisë shumë të madhe, Griseldës i kanë ndërruar edhe rrobat dhe në orën 3.45 të mëngjesit e kanë marrë sërish me fuoristradë duke e hedhur nga makina rreth 50 metra larg shtëpisë në Kavajë.

E gjakosur dhe e rrahur, Griselda është zvarritur deri në shtëpinë e saj, pa fëmijën e sapolindur që ka mbetur në ambjentin ku Griselda është mbajtur peng dhe dhunuar për më shumë se 6 orë.

Ajo është tashmë në gjendje të rëndë psikologjike dhe nuk di të thotë se kush ishin autorët e rrëmbimit, vendin ku lindi e detyruar fëmijën, apo vendndodhjen e foshnjës.

“Unë nuk di c’të them, këtë nuk ka kriminel që ta bëjë. Ajo është e sfilitur. Nuk kemi fjalë ta shprehim”, tregon një komshi i familjes. “Nuk duhet ta bënin, ata janë njerëz të mirë dhe këtë nuk e meritonin”, shprehet një tjetër.

Forca speciale të policisë ndodhen aktualisht në shtëpinë e ciftit dhe po kryejnë hetimet e nevojshme, ndërsa bashkëshorti i saj, kryebashkiaku i Kavajës Elvis Roshi, është detyruar të kthehet nga Italia pasi ka marrë vesh lajmin tragjik.

Ndërkohë, Policia e Shtetit dhe Prokuroria e Krimeve të Rënda kanë ngritur një grup të posacëm për hetimin e ngjarjes. Grupi kryesohet nga prokurori Henrik Ligori dhe përbëhet nga agjentë të policisë kriminale.

Para shtëpisë së familjes Roshi ndodhen shumë të afërm dhe shumë banorë të Kavajës, të tronditur jashtëzakonisht nga ngjarja e rëndë।

Griselda Rroshi: Nuk isha shtatzënë. Sajova gjithçka

Policia jep detaje mbi hetimet e kryera rreth ngjarjes që çuditi opinionin publik, duke nxjerrë përfundimin se gjithçka ishte e sajuar dhe një mashtrim i vërtetë

Bashkëshortja e kryebashkiakut të Kavajës, Griselda Roshi pranon se dëshmia e saj për rrëmbim ka qenë e rremë. Një gjë të tillë ajo e ka pranuar par prokurorëve të Gjykatës së Krimeve të Rënda. 28-vjeçarja e shoqëruar nga një psikologe ka sqaruar ngjarjen e cila në fakt si përfundim ka rezultuar se ka qenë gjithçka e sajuar prej saj. Ajo ka sqaruar se nuk është rrëmbyer dhe se nuk ka qenë asnjëherë shtatzënë.

Policia: Gruaja e kryebashkiakut të Kavajës, nuk ishte shtatzanë

Një fakt të tillë e konfirmoi zyrtarisht pak më parë Policia e Tiranës, sipas të cilës, nuk është aspak e vërtetë dëshmia e dhënë nga gruaja e kryebashkiakut të Kavajës se qenka detyruar të lindë me zor fëmijën e saj nga persona që e rrëmbyen.

Dhe kjo pasi, ai në të vërtetë nuk ka ekzistuar fare.

"Janë identifikuar dhe pyetur personat që janë takuar me shtetasen Griselda Zajmi, ku nga deklarimi i shoqes së saj, me iniciale J.T, tregon se ka pirë kafe me Griseldën tek ambjenet e lokalit të Qendrës Kristal, ku kanë qëndruar deri rreth orës 19.00’.

Më pas këto, shtetase kanë dalë nga kjo qendër dhe përpara saj, Griselda ka hipur në një taksi duke i thënë shoqes që do të shkonte në shtëpi.

Shtetasja J.T deklaron se Griselda dukej shtatzënë pranë muajit të lindjes", thuhet në deklaratën e policisë.

Më pas, ajo shton se në pyetje janë marrë edhe mjekët e klinikës private, ku është paraqitur zonja e parë e Kavajës dhe ankohej për të vjella dhe diarre, e se ka rezultuar që kjo shtetase në dukje nuk ishte shtatzanë dhe nuk patur ankesa në lidhje me shtatzaninë.

Ndërkaq, policia sqaroi më tej se ka sekuestruar në cilësinë e provës materiale të gjitha pamjet filmike të regjistruara tek Qendra Kristal si dhe i çdo ambienti tjetër biznesi i pajisur me kamera përgjatë rrugës “Komuna e Parisit” ...

Ekpertiza: Griselda Rroshi nuk ka qënë shtatëzënë

Ekspertiza mjeko-ligjore arrin në rezultatin se Griselda Rroshi muk ka qenë shtatëzënë. Pas ekzaminimeve të bëra pranë Institutit të mjekësisë ligjore, ekspertët mjekoligjor,gjinekologët dhe psikologët kanë vërejtuar se Griselda Rroshi nuk ka pasur shenja të një aborti të bërë ditët e fundit.

Sipas informacioneve mendohet se aborti mund të jetë realizuar kohë më parë dhe Griselda ka pasur një shtatëzani të simuluar. Ekspertiza mjeko-ligjore ndaj Roshit është bërë pas kërkesës së prokurorisë që 28-vjeçares t`i bëhej ekspertiza për të vërtetuar mënyrën se si ajo kishte lindur fonjën e saj.

Ekspertiza paraprake mjeko-ligjore përkon në të njëjtën linjë me prokurorët e çështjes të cilët më herët hodhën dyshime pë shtatëzaninë e 28-vjeçares. Ndërkohë gruaja e kreut të bashkisë së Kavajes, Griselda Rroshi është marrë në pyetje nga grupi hetimor, në Prokurorinë e Krimeve të Rënda. Ajo do i nënshtrohet një seance pyetjesh për të hedhur drite mbi vërtetësinë e ngjarjes, që dyshohet se mund të jetë një inskenim i vetë gruas.

Më herët prokuroria hodhi poshtë pistën e pretenduar nga 28-vjeçarja Rroshi për një rrëmbim, pengmarrje dhe lindje të dhunshme të fëmijës së saj për të cilin ende nuk dihet asgjë. Griselda Roshi, bashkëshortja e kryebashkiakut të Kavajës Elvis Roshi denoncoi dje në polici se është rrëmbyer dhe më pas është detyruar të lindë forcërisht fëmijën e saj.

Prokuroria: Griselda Roshi nuk është rrëmbyer

Griselda Roshi nuk është rrëmbyer. Kështu ka deklaruar zyrtarisht Prokuroria e Përgjithshme, e cila i referohet hetimit të deritanishëm të Prokurorisë për Krime të Rënda dhe bashkëpunimit të saj me Policinë e Shtetit.

Në njoftimin zyrtar thuhet se pas regjistrimit të denoncimit më datën 01.06.2011 për rrëmbenin e shtetases Griselda Roshi, realizuan një sërë veprimesh hetimore për verifikimin e rrethanave të ngjarjes duke vlerësuar dhe vetë sensibilitetin që paraqet ky rast.

Në bazë të analizës të veprimeve hetimore të deritanishme, u arrit në konkluzionin se nuk ka elementë që të vërtetojnë rrethanat e pengmarrjes së shtetases Griselda Roshi, çfarë hedh poshtë pistën e variantit të rrëmbimit dhe marrjes peng të fëmijës së sapolindur.

Ndërkohë, nga Prokuroria e Krimeve të Rënda, në bashkëpunim me Policinë e Shtetit, po punohet për të sqaruar më tej arsyet dhe motivimin e denoncimit.