Basha: "Zogu u martua vetem nje here dhe nuk mori grate e shokeve"

Legalistet i cilesojne si mashtrime dhe te paverteta pershkrimet qe kryetari i Partise Socialiste, Edi Rama, ka bere ne librin e tij "Kurban", per familjen mbreterore. Ne liber, Rama e konsideron mbretin Zog si nje injorant dhe hamshor. Nenkryetari i PLL-se, Murat Basha, thote ne nje prononcim per televizionin "Klan", se te gjitha ato qe shkruan Rama, jane mashtrime te uleta. "Jam i detyruar qe t'i rikujtoj kryetarit te PS-se, Edi Rama, qe Mbreti Zog nuk eshte ashtu sic shpif dhe mashtron kreu i PS-se. Mbreteresha Geraldine ka qene nje grua e jashtezakonshme, te cilen dhe kryeperversi Enver Hoxha nuk guxoi ta permende. Ndaj, nuk i lejohet kreut te PS-se, te shkruaj dicka te tille", thote Basha. Ai shton se Mbreti Zog ka pasur nje jete familjare te rregullt. "Mbreti Zog eshte martuar vetem nje here. Une nuk kam asnje problem kunder njerezve qe martohen nga nje here, dy apo tre here. Eshte e drejte e tyre, kur nje martese nuk funksionon, me mire te prishet. Por, ama, Mbreti Zog ka marre nje zonje, u martua vetem nje here dhe kurre nuk mori grate e shokeve apo shoqet e grave dhe kjo flet per nje moral tjeter", tha Basha. Ai thekson se figura e monarkut shqiptar nuk mund te vleresohet nga njerez qe kane prejardhjen nga partia ish-komuniste. "Nese disa gjigante-lilipute qe jane te dehur nga duhma qe del nga gjirizet e bllokut, ku pikon ende gjaku dhe dhimbja e te perndjekurve te djathte, nuk mund te vleresoje figuren emblematike te Mbretit Zog", tha Basha. Basha ben dhe paralelizem, duke e krahasuar kreun e PS-se me nje personazh te njohur te jetes se Tiranes, gjate viteve te meparshme. "Ka disa njerez qe kerkojne te duken te moralshem. Sot, po e shoh qe morali eshte kostumi qe politika pelqen te veshe me shume. Ka disa te tjere qe marrin dhe rolin e Zeusit. Hipin ne maje te Olimpit dhe godasin kedo, tallen me kedo, fyejne kedo. Nuk e kane kete te drejte. Kjo me ka kujtuar rastin e nje zoterie ketu ne Tirane, Shaban Qoses, nje zoteri qe kishte qejf te bente shaka me njerezit neper rruge. Kishte dite qe nuk merreshin njerezit me Shabanin, por merrej ai me njerezit", tha Basha. Ai shton: "Kreu i PS-se, duke u marre me kedo, duke shpifur me kedo. Me te drejte apo te padrejte, me duket se po merr meritat e Shaban Qoses", tha Basha. Kjo nuk eshte hera e pare qe libri i Rames denoncohet per te paverteta. Ish-Drejtori i Policise Ndertimore Mit'hat Havari tha dy dite me pare se merita e prishjes se Parkut Rinia nuk eshte e Edi Rames. Sipas Havarit, Rama ishte kunder prishjes se Parkut, pasi kerkonte te mbronte disa miq te tij.

"Merita e prishjes se Parkut Rinia i bie qe te jete e shtetit, ne pergjithesi. Pikerisht, se Rama nuk eshte vete protagonist, cfare bene, e eklipson kete me shume strategji, me shume djallezi dhe kerkon te largoje vemendjen. Ky eshte nje turp i madh, qe te grabitesh kontributet e te tjereve", tha Havari.