Debatet televizive, si pjesë e kulturës politike

Debatet televizive mes kandidatëve në përballjet elektorale, prej dekadash janë kthyer në një standard demokratik në vendet perëndimore.

Në këto debate, kandidatët kanë përcjellë programet dhe alternativat e tyre, përmes së cilave i kërkojnë elektoratit votën ditën e zgjedhjeve.

Debati i parë televiziv ka qenë ai i tetorit 1960 mes kandidatëve për President të Shteteve të Bashkuara të Amerikës Xhon Kenedi dhe Riçard Nikson.

Prej asaj kohe, debatet televizive janë kthyer në shenjë të zhvillimit të kulturës demokratike.

Duke marrë parasysh faktin se debatet televizive konsiderohen tepër të rëndësishme në fushata elektorale, shpejt apo vonë, ato do të bëhen pjesë e kulturës politike në Shqipëri.