“Pikëpyetjet e ngjitjes në detyrë të bukuroshes Belinda Balluku!”

Newsbomb.gr: Në Greqi punonte si ndihmëse shtëpiake! Krahu i djathtë iu arrestua 

për ‘pastrim parash’

Mediat greke i kanë kushtuar një artikull të veçantë zv.kryeministres dhe njëherësh ministres së Infrastrukturës, Belinda Balluku, të cilën e cilësojnë si ‘strumbullarin’ e ngatërresës së marrëdhënieve mes Shqipërisë dhe Greqisë dhe borxhit që i detyrohet firmës greke, “Actor”.Newsbomb.gr ngre pikëpyetje për ngjitjen e Belinda Ballukut si numri dy i qeverisë dhe personi që drejton çështjet e Infrastrukturës në Shqipëri, ndërkohë që i kujton se kjo e fundit ka qenë një ndihmës shtëpiake në shtetin helen.

“Shumë pikëpyetje ngre ngritja e bukuroshes dhe zv/kryeministres Belinda Balluku, e cila para karrierës së saj të re punonte në Greqi si ndihmëse shtëpiake. Praktikisht, një ndihmëse shtëpiake u bë numri dy i qeverisë shqiptare dhe ministre e Infrastrukturës dhe për këtë arsye komandon punët publike të vendit fqinj”, shkruan Newsbomb.gr.

Në këtë artikull përmendet dhe arrestimin e krahut të saj të djathtë, kreun e ARRSH-së, Evis Berberin, i cili dyshohet si I përfshirë në korrupsion dhe në pastrimin e parave.

Mediat greke kujtojnë dhe episodin e firmës greke, “Actor” e cila ka fituar në Arbitrazhin francez gjyqin ndaj shtetit shqiptar, ku qeveria i detyrohet plot 50 milionë euro.

Në këtë artikull Balluku fajësohet edhe për faktin se I ka kërkuar kompanisë greke të përshpejtojë punimet, por kur këta të fundit i kanë kryer kërkesat e Ballakut, kjo e fundit nuk i ka paguar.

“Këtu është përfshirë Balluku, ku krahu i saj i djathtë u arrestua për pastrim parash, ndërkohë që ajo u kishte kërkuar shefave (të kompanisë së ndërtimit) të shpejtonin ndërtimin e projektit. Por kur punimet u bënë, Balluku nuk i pagoi shumat”, shkruhet në artikull.

 Artikulli i medias greke

Emri Belinda Balluku mund të mos jetë shumë i njohur për ju, por në Shqipëri do të thotë shumë. Emri i ministres së Infrastrukturës dhe zv/kryeministres Edi Rama përbën një çarje në ngërçin e Shqipërisë. Më 13 mars, SPAK, Gjykata kundër Korrupsionit, arrestoi Evis Berberin, kreun e Autoritetit Rrugor Shqiptar dhe një nga bashkëpunëtorët më të besuar të ministres së Infrastrukturës dhe Energjisë dhe zv/kryeministres, Belinda Balluku.

Akuza kishte të bënte me projektet e ndërtimit dhe tenderat luksoze, të cilat po fitoheshin nga të zgjedhurit e Edi Ramës. Sipas mediave shqiptare, pas një bastisjeje të policisë, SPAK, Gjykata Kundër Korrupsionit, arrestoi Evis Berberin, kreun e Autoritetit Rrugor Shqiptar.

Policia e arrestoi atë së bashku me dy shokë biznesi (Valter Begaj dhe Ervis Lamajn), ndërsa në banesën e tij u sekuestruan shuma të mëdha parash dhe piktura me vlerë qindra mijëra euro. Evis Berberi ishte krahu i djathtë i ministrit Balluku dhe ishte ai që u fotografua pranë saj në të gjitha inspektimet dhe inaugurimet e projekteve të mëdha rrugore.

Sipas SPAK, Valter Begaj, pronar i kompanisë NET – GROUP, ka fituar 6 tenderë publikë, paratë nga të cilat i ka transferuar nëpërmjet transaksioneve tek kompania DAAM. Përfitimi duket se shkon në 2.7 milionë euro.

NET-GROUP fitoi këto gara, paratë u transferuan përmes transaksioneve në kompaninë DAAM. Këto veprime kanë ngritur dyshime për veprimtari pastrimi parash. Hetimi i SPAK raportohet se ka nisur javët e fundit, me fokus shitjen e DAAM. DAAM është blerë nga Berberi me një çmim shumë të ulët, është shitur shumëfish, ndërsa pronësia dhe menaxhimi ndryshon disa herë mes biznesmenëve.Ka dyshime për një transferim të rremë për të shmangur konfliktin e interesit pasi Berberi ishte vendosur të emërohej këshilltar në Ministrinë e Infrastrukturës dhe Energjisë. I gjithë skandali i mësipërm ka shkaktuar lëkundje ‘tektonike’ në skenën politike të Shqipërisë.

Shumë pikëpyetje ngre ngritja e bukuroshes dhe zv/kryeministres Belinda Balluku, e cila para karrierës së saj të re punonte në Greqi si ndihmëse shtëpiake. Praktikisht, një ndihmëse shtëpiake u bë numri dy i qeverisë shqiptare dhe ministre e Infrastrukturës dhe për këtë arsye komandon punët publike të vendit fqinj.

HISTORIA

Ka një proces gjyqësor që kompania e ndërtimit ‘Actor’ ka fituar nga një gjykatë franceze, ndaj shtetit shqiptar, në shumën 50 milionë euro, për të cilën Ministria e Drejtësisë dhe e Jashtme nuk kanë dhënë dritën jeshile për ta ekzekutuar.

Dhe diku këtu është përfshirë Balluku, ku krahu i saj i djathtë u arrestua për pastrim parash, ndërkohë që ajo u kishte kërkuar shefave (të vjetërit e kompanisë së ndërtimit) të shpejtonin ndërtimin e projektit. Por kur punimet u bënë, Balluku nuk i pagoi shumat.

Me fjalë të tjera, kompania ‘Actor’ bëri punën, shkoi në gjyq, fitoi 50 milionë euro dhe e zgjedhura e Edi Ramës ‘fishkëllen’ indiferente. Por ja ku nisin ‘pyetjet’ e nxehta:

-Kush dhe pse nuk i jep dritën jeshile zotit Exarchou të kompanisë ‘Actor’ për të ekzekutuar?

-Çfarë lojërash luhen në sfondin diplomatik që pengojnë pagesën e shumave ndaj një kompanie greke që ka fituar ligjërisht?

-Kë mbulon shteti shqiptar?

-Çfarë di Athina për këto raste dhe çfarë do të bëjë?

A do të vazhdojë ‘të fërshëllejë’ indiferente?