Monday, November 15, 2010

Kongresi i CDU-së në Karlsruhe rizgjedh Merkelin në postin e kryetares së partisë


Pikërëndesat përmbajtësore e kongresit të CDU-së janë ndërprerja e kryerjes së shërbimit të detyruar ushtarak, diognistika preimplantative dhe politika fiskale।


Unioni Kristiandemokrat (CDU) rizgjodhi në postin e kryetares, kancelaren aktuale Angela Merkel. Në kongresin që i zhvillon punimet në Karlsruhe me pjesëmarrjen e 1000 delegatëve, 56 vjeçarja Merkel u rizgjodh me 90,4 për qind të votave. Merkel kryeson CDU-në qysh nga viti 2000. Në fjalën e saj drejtuar delegatëve kristiandemokratë, Merkel akuzoi opozitën për "mungesë të alternativave dhe përgjegjësisë politike". Objektiv i aleancës mes kristiandemokratëve dhe liberalëve duhet të jetë shmangia në Gjermani e nga një qeveri mes socialdemokratëve, ekologjistëve dhe partisë e majta, tha Merkel sot në Karlsruhe. Merkel tha se të gjithë së bashku duhet të bëjmë përpjekje për një Gjermani të fuqishme. Pikërisht në kohën e krizës financiare dhe ekonomike, Kristiandemokratët janë ata të cilët duhet t'u kthehen vlerave tradicionale.

Kancelarja Merkel theksoi rëndësinë e realizimit të premtimeve të dhëna para zgjedhjeve të fundit. "Për mua është me rëndësi që të realizojmë ato që kemi premtuar në fushatën parazgjedhore, me të cilat kemi fituar votat për këtë qeveri të partive të Unionit dhe liberalëve", theksoi Merkel.

Grindje? Çfarë grindjeje? Vërtet që krahu i ekonomisë mund të qahet se konservatorëve u mungon dhimbshëm profili, por për kryetaren e CDU-së, Angela Merkel, kjo është një shenjë e kulturës së gjallë demokratike. "Është diçka e natyrshme për një parti popullore, që të shtrohet herë pas herë pyetja: çfarë mbrojmë ne? Çfarë duam ne? Dhe unë jam edhe e gëzuar, që grupimet e veçanta në CDU, me një fjalë krahu i ekonomisë ose politikanët socialë, e marrin herë pas here fjalën."

Kongresi i Partisë Kristjandemokrate GjermaneBildunterschrift: Großansicht des Bildes mit der Bildunterschrift: Kongresi i Partisë Kristjandemokrate Gjermane

Tema me potencialin më të madh për grindje duket të jetë në Karlsruhe tema për mbrojtjen embrionale. Angela Merkeli dhe ministrja e Arsimit, Annette Schavan angazhohen për një ndalim të testeve të geneve të embrionet. Ministrja e Punës, von der Leyen dhe ministrja e Familjes, Kristina Schröder janë për një lejim të kufizuar.

Më pak diskutime ka përsa i përket reformës së Bundeswehrit. Një rekomandim të kryesisë së partisë, për ta ndërprerë detyrimin për shërbim të detyruar ushtarak, delegatët do ta ndjekin me çdo kusht, edhe nëse persona të veçantë, siç është shefi i CDU-së i Landit të Schleswig-Holsteinit, Christian von Boetticher, kanë sinjalizuar rezistencë. Sidoqoftë, në Karlsruhe është njoftuar për një vizitë të rrallë: ish-kancelari Helmut Kohl do të vizitojë sot pas vitesh një mbrëmje partiake.

Autor: Marcel Güsken/ Auron Dodi

Readktoi: Aida Cama

No comments: