Ada rikthen shpresën e mbijetesës, “zhytet” Gramshi

Skuadra e Velipojës mori tri pikë shprese ndaj gramshiotëve, duke u rikthyer bindshëm në luftën në zonën e ftohtë  
Nga Gjergj Kola
Ada- Gramshi 3-0
Shënues: Puka 59’, Nika 62’ (11-metërsh), Erkoçeviç 65’

Ada: Dervishaj, Nika, Tota (El. Doçi 54’), Rusi, Çoba, Ferlushkaj, Ed. Doçi, Zefi (Jacaj 68’), Drabeja , Puka (Mujeci 76’), Erkoçeviç Trajner: R. Kulli
Gramshi: Koçi, Kaloshi, Basriu ( Bello 72’ ), Mehmeti, Kote, A. Çerkrezi (Latifi 46’), Duka, Kuqi, Lena , Marishta (Goga 67’), Lezi. Trajner: G. Stojku
Gjyqtarë:  S. Bogdani, F. Elezi, F. Lama (Durrës)
Kartona të verdhë: Ferlushkaj 56’/ Kaloshi 34’

Ada merr një fitore të merituar në Velipojë përballë Gramshit. Një fitore e thellë, e cila u siglua në pjesën e dytë të takimit. Protagonisti kryesor ka qënë sulmuesi Edison Puka.  Ai ka shënuar jo vetëm golin e parë të të këtij takimi që hapi oreksin e vendasve, por ka meritën e tij në dy golat e tjerë të shënuar nga kjo skuadër. Pjesa e parë e takimit ka nisur më e mirë për ekipin e Adën, ku përgjatë gjithë kësaj pjese, skuadra e drejtuar nga Ritvan Klli ka patur mundësi të mira për shënim. Që në minutën e 3-të ka qënë Nika që me një goditje dënimi ka kërcënuar portën mike, por topi ka kaluar ngjitur me shtyllë e djathtë pingule. Në minutë  e 10-të është  Erkoçeviç që gjuan fort, por grushton portieri mik. Në minutën e 21-të janë  miqtë me anë të Mehmetit që nga 20 metra gjuan fort, por pret pa problem Dervishaj. Në të 15-ën  minutë, regjistrohen edhe dy raste të mira për vendasit. Më pare, Puka në minutën  30-të, pas një aksioni përsonal, heziton me portën e boshatisur për të dërguar topin në rrjetë. Dhe vetëm 8-të  minuta më vonë në të 38-tën është  Erkoçeviç që i vetëm me portierin mik ka kaluar topin mbi traversë. Barazim në këtë pjesë ka kënaqur tej mase  ekipin mik nga Gramshi.  Pjesa e dytë ka nisur ashtu si e para me raste të mira për shënim të vendasve, por edhe me një lojë më të mirë nga miqtë nga Gramshi. Megjithatë, vendasit shënojnë tri herë në portën mike, pikërisht në momentet më të mira të tyre, kur edhe pse kishin një epërsi më të lehtë teritoriale se ekipi i Adës. Ka qenë minuta e 59-të e takimit dhe Puka pas një kundërsulmi të shpejtë ka shënuar golin e parë për ekipin tij. Vetëm 3 minuta më pas, është ky lojtarë që pengohet në zonë dhe gjyqtari akordon një 11-metërsh që është kapiteni Nika, i cili e kthen në gol. Nuk kanë kaluar as tri minuta dhe është përsëri Puka që me një inkursion nga e djathta, nxjerr të vetëm para porte Erkoçeviç, I cili nuk e ka të vështirë të shënojë, 3-0. Një rezultat i fiksuar në gjashtë minuta dhe që nuk do të ndryshonte deri në fund të takimit,  pavarësisht se miqtë nga ana e tyre kanë kërkuar që të shkurtojnë diferencën e golave.  Një fitore shprese për ekipin e Adës, që po vuan shumë në këtë sezon.

Trajneri i Adës, R.Kulli: “Natyrisht që jam tepër i kënaqur me lojën që kanë zhvilluar djemt e mi. Ishte një fitore e bukur dhe për më tepër me shumë gola. Në pjesën e parë  ekipi pati pak nervozizëm. Për këtë fola me lojtarët dhe falë lojës së mirë të pjesës së dytë arritëm të marrim këtë fitore tejët të vyer. Është e vërtetë që në pjesë të dytë vendosen episodet, por mund të them se ne e merituam këtë fitore”.