E premte 13 maj 2011.Ora 23:25. KQZ: Basha kryeson me 708 vota/Bota Sot/

Rezultatet për Tiranën, sipas të dhënave të fundit të KQZ-së, kandidati i PD-së, Lulzim Basha kryeson me 122 929 kundrejt Ramës që ka 122 221 vota

(I Plotësuar) Procesi i numërimit të votave të zgjedhjeve të 8 majit ka hyrë sot në ditën e pestë dhe gara mbetet e hapur vetëm për Tiranën, ndërkohë që në të gjitha bashkitë e tjera është mbyllur numërimi. Në rang vendi "Alenanca për Qytetarin" ka 644 918 vota kundrejt "Aleancës për të Ardhmen" e cila ka marrë 595 415 vota, ndërsa partitë jo pjesë e koalicionit kanë marrë 70062 vota. Sipas KQZ janë shpallur të pavlefshme 6373 vota. Sa i përket bashkive PS ka marrë 37 bashki, ndërkohë që PD ka marrë 28 bashki.

Arvizu:Lidershipi politik, të japë shenjë, rreth procesit

Pas kontakteve të vazhdueshme dhe informinin deri në detaje përsa i takon situatës një njësinë nr.5 në KZAZ-në 49, me deputetë të opozitës dhe maxhorancës, ambasadori amerikan Arvizu lëshon apelin e radhës,” njërëzit janë shumë të lodhur, ndaj duhet ti jepni fund këtij procesi tejet të gjatë”.

“Është për të ardhur keq që është ndërprerë numërimi. Këtu jam përpjekur të bisedojë me deputetët Taulant Balla dhe Eglantina Gjermeni, për të mësuar perspektivën e tyre, sikundër kam biseduar dhe me deputetin Gerti Bogdani për të mesuar perspektivën e tij. Kam biseduar me ekipin e ambasadës amerikane dhe të ODIHR dhe më herët kam folur me z. Rama”.

Arvizu dha dhe opinjonin e tij ndaj dy palëve:

“Të dyja palët po luajnë lojën e tyre dhe kjo është pjesë e politikës dhe duhet të ketë një kufi sepse mjaftë është mjaftueshëm dhe duhet të mendojnë për ndjenjat dhe shpresat e atyre që kanë hedhur votat e tyre”.

Më tej, Arvizu theksoi se i gjithë ky proces i tejzgjatur ka sjellë mjaftë lodhje, duke parë në të njëjtën kohë dhe gjendjen shëndetësore të deputetëve, për kreun e PS-së Rama dhe deputetin opozitar Erion Braçe.

“Sot është e premte. Procesi ka filluar të djelën mbrëma dhe të gjithë janë të lodhur dhe mendoj se më të lodhurit janë numëruesit, vëzhguesit dhe shtypi. Kam folur me Bashën dhe Ramën dhe qartazi ata janë të lodhur”.

Ndërkaq,ambasadori amerikan shprehu haptazi, se pas përfundimit të numërimit të votave do të ketë një fitues dhe një humbës, por e rëndësishme mbetet që humbësi ta pranojë këtë gjë.

Por me një mesazh mjaftë të qartë, ambasadori deklaroi: “Lidershipi politik duhet të japë shenjën e tij, për të vijuar këtë proces”.

TIRANE, NGUSHTOHET DIFERENCA BASHA 708 VOTA ME SHUME SE RAMA

Ora 22:08- Në Kryeqytet Lulzim Basha, kandidati i koalicionit të djathtë “Aleanca për Qytetarin” po kryeson garën për Bashkinë e Tiranës me 708 vota më shumë kundrejt rivalit të tij Edi Rama. Të dhënat e fundit zyrtare nga KQZ për numërimin e 475 kutive nga 485 që janë gjithsej, tregojnë se Basha ka 122 929 vota kundrejt Ramës me 122 221 vota. Tashmë numërimi ka përfunduar në 10 njësi të Tiranës ndërsa mbeten edhe 10 kuti për t'u numëruar tek njësia nr.5.

BOGDANI: KUTIA 55 E NJËSISË 5 NË FAVOR TË BASHËS

Ora 20:48- Deputeti i Partisë Demokratike Gerti Bogdani në një prononcim për NEWS24 deklaroi se procesi i numërimit në njësinë nr. 5 po vazhdon dhe se kutia e fundit e numëruar, kutia 55 e kësaj njësie ka shkuar në favor të kandidatit të PD Lulzim Basha.

“Është një proces i gjatë por që sot ka avancuar. Rëndësi ka që cdo votë që qytetarët kanë hedhur duhet numëruar. Kishte entuziazëm sepse kutia e sapo mbyllur ishte në favor të zotit Basha me 48 vota më shumë. Ajo që është e sigurtë është se zoti Basha do vazhdojë të jetë në avantazh”, tha Bogdani.

TIRANE, NGUSHTOHET DIFERENCA BASHA 531 VOTA ME SHUME SE RAMA

Ora 20:10- Në Kryeqytet Lulzim Basha, kandidati i koalicionit të djathtë “Aleanca për Qytetarin” po kryeson garën për Bashkinë e Tiranës me 531 vota më shumë kundrejt rivalit të tij Edi Rama. Të dhënat e fundit zyrtare nga KQZ për numërimin e 474 kutive nga 485 që janë gjithsej, tregojnë se Basha ka 123 166 vota kundrejt Ramës me 122 635 vota. Tashmë numërimi ka përfunduar në 10 njësi të Tiranës ndërsa mbeten edhe 12 kuti për t'u numëruar tek njësia nr.5.

ZGJEDHJET, BURGAJ: POLICIA KA ZBATUAR ME KORREKTËSI LIGJIN

Ora 19:05- Policia e Shtetit ka qenë gjatë gjithë kohës në zbatim të ligjit me korrektësi, deklaroi sot Drejtori i Përgjithshëm i Policisë së Shtetit, Hysni Burgaj. Duke folur për rolin e Policisë gjatë procesit për zgjedhjet lokale të 8 majit, Burgaj tha se, “deri në këto momente Policia e Shtetit ka qenë gjatë gjithë kohës në zbatim të ligjit me korrektësinë më të madhe”.

“Nuk ka asnjë rast denoncimi për asnjë punonjës të Policisë së Shtetit që të ketë shkelur ligjin”, tha ai.

Sipas tij, angazhimi i Policisë së Shtetit në këtë proces është vlerësuar edhe nga Ambasadori i OSBE, Ëolfarth, që ka theksuar se, Policia e Shtetit ka bërë një punë të shkëlqyer duke siguruar procesin e numërimit, një shërbim shumë i i rëndësishëm për qytetarët dhe për vetë demokracinë.

Deklarata e kreut të Policisë së Shtetit, Burgaj u bë në media pas një aktiviteti të organizuar ne Drejtorine e Pergjithshme të Policisë me rastin e dekorimit në përfundim të misionit të Këshilltarit të Lartë për çështjet policore në Zyrën e Prezencës së OSBE-së në vendin tonë, Klaas Los.

NJËSIA 5, NXIRREN JASHTË PERSONAT E PA AUTORIZUAR

Ora 18: 55 Sipas gazetarit të NEWS24 Arbër Hitaj KZAZ e njësisë numër 5ka marrëvendim që të nxjerrë jashtë ambinetit ku po numërohen votat personat e paautorizuar nga KQZ.

KQZ, PS: INSPEKTORI TË VERIFIKOJË SHKAKUN E FLETËVË TË VOTITMIT TË DËMTUARA NË KZAZ-të PËRKATËSE

Ora 18:40 Komisioni Qendror Zgjedhor në mbledhjen e sotme ka diskuar në lidhje me problemet e hasura me disa fletë votimi në njësinë numër 5, ku disa fletë votimi sipas përfaqësuesit të PS, Genc Gjoncaj janë verejtur sa ka pasur disa gërvishtje të cilat mund të jenë edhë për shkak të prodhimit, ndërkohë që ka kërkuar që KQZ të dërgojë inspektorët që të shohin më nga afër problemin.

“Është vënë re një fenomen se fletë e votimit kanë pasur shënime. Nuk do dëshiroja që kjo gjë të merrte veprim të gabuar nga KZAZ përkatëse, ndërkohë që mund të dërgojmë inspektorët që të bëhen verifikimi i duhur. Sipas njoftimeve në brumin e letrës ishin shënime të letrës jo të votuesit. Nuk di as sasinë e fletëve. të dëmtua, në fletën e votimit kishte të gërvishtura të fletës”,- deklaroi Gjoncaj.

Ndëkohë që përfaqësuesi i Partisë Demokratike Njazi Kosovrasti nga ana e tij tha se nuk është problem që i përket KQZ pasi ajo i përket vetë KZAZ që e ka këtë problem .

“Që inspektorët të shkojën është normale. Por unë nuk mendoj që këto vlerësime të procesit dhe ato që kanë të bëjnë me vlefshmërin e fletëve të votimit nuk është në kopetencën tuaj port ë asaj KZAZ. nëse ka problem të kontestohen dhe pala që ka problem . Të vazhdojë puna pa i shqetësuar komisionerët”,- u shprej Kosovrasti

Nga ana e tij kreu I KQZ Arben Ristani u shpreh ase të dyja palët kanë të drejtë dhe se nuk është veprim i gabuar nëse inpektori shkon dhe vërteton një fakt të tillë, pastaj KQZ do marrë një vendim sa i përket problemit.

GARA PËR 12 KUTITË E NJËSISË NR.5

Ora 17:20- Njësia më problematike e këtyre zgjedhjeve ka qenë njësia numër. 5 dhe pikërisht KZAZ 49 ku ende nuk ka mbaruar numërimi i votave. Gara mes Ramës e Bashës mbahet e hapur pikërisht prej 12 kutive të panumëruara ende në këtë njësi. Deri në këto momente janë numëruar 53 kuti, prej të cilave rezulton se në avantazh është kandidati Rama me 16007 vota, ndërsa Basha ka 11920 vota.

TIRANE, NGUSHTOHET DIFERENCA BASHA 837 VOTA ME SHUME SE RAMA

Ora 16:50 Në Kryeqytet Lulzim Basha, kandidati i koalicionit të djathtë “Aleanca për Qytetarin” po kryeson garën për Bashkinë e Tiranës me 626 vota më shumë kundrejt rivalit të tij Edi Rama. Të dhënat e fundit jo zyrtare nga KQZ për numërimin e 473 kutive nga 485 që janë gjithsej, tregojnë se Basha ka 122247 vota kundrejt Ramës me 122873 vota. Tashmë numërimi ka përfunduar në 10 njësi të Tiranës ndërsa mbeten edhe 12 kuti për t'u numëruar.

GJERMENI: TË LEXOHET VOTA E QYTETARËVE SAKTË

Ora 17:17 Në njësinë numër 5 po vijon ende procesi i numërimit të votave. Tashmë është numëruar edhe kutia 53 dhe po pritet që procesverbali ti dërgohet KQZ. Gazetarët e NEWS24 raportojnë një prezencë të madhe të forcave të policisë, përfaqësuesve nga të dyja palët dhe militantëve të shumtë të Partisë Socialiste. Ndërkohë nga ambientet jashtë kësaj njësie deputetja e PS, Eglantina Gjermeni deklaron se po vijon procesi i numërimt dhe se kjo forcë politike pret një diferencë me 5000 vota në këtë njësi, por ky rezultat nuk pritet deri në mbrëmjen e sotme.

Sipas Gjermenit e rëndësishme është që vëzhguesit dhe numëruesit të punojnë të qetë dhe të numërojnë cdo votë në mënyrë transparente.

“Tani po numërohen të gjitha tavolinat përvec njërës për një motiv. Rezultati është pozitiv në favor të kandidatit Rama. Kemi dhe 12 kuti, dhe besojmë se do arriijmë 5000 vota diferencë. E rëndësishme është që të lexohet vota e qytetarëve në mënyrë transparente. Nuke besoj se ne brenda njësisë marrim presione nga jashtë e rëmdësishe është që ne të jemi të qetë dhe të mos kemi presion. E rëndësishme është që të lexohet vota që qytetarët kanë votuar”,- deklaroi Gjermeni.

NJËSIA 5, KADILLI: RAMS I DUHET NJË ALIBI PËR TË JUSTIFIKUAR HUMBJEN

Ora 16: 35 Deputeti i Partisë Demokratike Fatbardh Kadilli në lidhje me situatën e krijuar në njësinë 5 , u shpreh për gazetaren e NEWS24 se liderit socialist i duhet një alibi për të justifikuar humbjen, dhe po kapet tek sistemi, që sipas tij është transparent pasi po vëzhgohet nga dhjetra sy dhe kamera.

“Parashikimet tona kanë qënë që të mbarojnë që dje procesi i numërimit, por është e nevojshem që të gjendet një balancë, që nuk po gjendet mirë në njësinë numër 5. Por kutitë janë aty ne na mbetet vetëm ta numërojnë, por ngarkesa është e madhe. Frika e Partisë Socialiste vjen pasi janë mosbesues pasi kanë humbur zgjedhjet e 2009. Unë jam deputet dhe puna ime nëkëtë njësi është vetëm që të mbikëqyr dhe të mos ndikojmë në asgjë pasi pasi janë dhjetra kamera dhe sy që na ndjekin. Ramës i duhet një alibi që të justifikojë humbjen dhe kapet tek sistemi”,- tha deputeti demokrat Fatbardh Kadilli.

PD: DO BËJMË GJITHCKA QË ZËRI I QYTETARËVE TË LEXOHET

Ora 16:20 Partia Demoktratike i ka bërë thirrje numëruesve, komisionerëve dhe vëzhguesve që po vijojnë punën në njësitë kryesore në kryeqytet që të vijonë numërimin e votave të qetë dhe që të mos marrin parasysh presionin që po bëhet ndaj tyre nga ana e opozitës.

“Partia Demokratike falenderon numëruesit, komisioneët dhe vëzhguesit. Duke patur parasysh presionin që po bëhet ndaj tyre i fton që të vijojnë punën. Edi Rama duhet të monitorojë jo të ofenduaje numëruesit dhe vëzhguesit. Kërcënimet dhe presionet janë tipare e atyre që nuk e ndihmojnë procesin. Të gjithë numëruesit, vëzhguesit e PD janë emëruar për të ushtruar detyrën e tyre në përputhje me ligjin në kontrast me ato të PS që janë në shkelje të ligjit",- deklaroi Mustafaraj.

Sipas zëdhënëses për shtyp të PD, procesi i numërimit në njësinë 5 po vijon normalisht dhe në tranparencë të plotë, ndërkohë që akuzoi opozitëm se po i bën thirrje që të rrethojnë njësitë ku po vijon numërimi i votave.

“Numërimi në njësinë 5 po vijon dhe brenda 5 orësh janë numëruar 6 kuti dhe tani po numërohen 2 kuti të reja. Cdo votë do të lexohet në monitorë nga vëzhgues vendas dhe të huaj dhe kjo tregon tranparencë. Të gjithë po presin rezultatin dhe ne nuk kemi ndërmend tju përgjigjemi më të njëjtën gjuhë sic po bën Edi Rama. Ne nuk do i bejmë thirrje qytetareve që të rrethojnë njësitë. Partia Demokratike do të bëjë gjithcka që zëri I qytetarëve të lexohetnë mënyrë të qarte dhe transparente",- deklaroi zëdhënësja e PD, Albana Mustafaraj.

TIRANE, NGUSHTOHET DIFERENCA BASHA 937 VOTA ME SHUME SE RAMA

Ora 15:21 Në Kryeqytet Lulzim Basha, kandidati i koalicionit të djathtë “Aleanca për Qytetarin” po kryeson garën për Bashkinë e Tiranës me 937 vota më shumë kundrejt rivalit të tij Edi Rama. Të dhënat e fundit të KQZ për numërimin e 465 kutive nga 485 që janë gjithsej, tregojnë se Basha ka 120423 vota kundrejt Ramës me 119586 vota. Tashmë numërimi ka përfunduar në 10 njësi të Tiranës ndërsa mbeten edhe 12 kuti për t'u numëruar në njësinë nr 5.

PARTITE NE RANG VENDI

Ora 14. 28 Deri ne oren 14. 28 minuta PS ka marrë 401 927 ndërsa PD 309 442 vota. Pas tyre renditet LSI që në shkallë kombëtare ka marrë 108 246 vota, e ndjekur nga PR me 67 039 vota, e më pas PDIU me 59 499 vota. PDS me 48 998 vota e PDK me 43 402 vota, PBDNJ me 38 183

KOALICIONET NE TIRANE

Në Tiranë sipas KQZ koalicioni “Aleanca për të Ardhmen” ka marrë 101 689 vota, Aleanca për Qytetarin, 100 054 vota dhe partitë e tjera 3699 vota

NJESIA 5 NIS NUMERIMI ME 2 KUTI

Ora 14. 45: Nis numerimi ne dy kuti te tjera, kutia 53 e 54.

KQZ EMERON NJE KRYETAR NE KZAZ 49

Ora 14. 45 KQZ u mblodh në orën 14. 30 minuta lidhur me miratimin e dy akteve për emërimin e një kryetari në KZAZ nr 49 dhe një numërues tjetër në një KZAZ tjetër.Në KQZ u ngrit shqetësimi për tabelat përmbledhëse për rezultatet e këshillat të minibashkive, të cilat janë me kokën e bashkisë së Tiranës , si dhe për përpunimin e rezulatit zgjedhor.

DEPUTETË “PUSHTOJNE” AMBIENTET E KZAZ PËR NJËSINË 5

Ora:14 20-Gazetari Artan Hoxha bën të ditur se shefi i policisë numër 2 i ka informuar se në ambientet e KZAZ ku po numërohen votat për njësinë bashkiake numër 2, ka prezencë të madhe deputetësh demokratë dhe socialistë të cilët po krijojnë probleme gjatë procesit të numërimit të votave.

Gazetari Hoxha bën të ditur se shefi I rajonit 2 të policisë i konfirmon rrëmujën më të madhe në këtë ambient duke shkaktuar dhe debate gjatë të cilave policia nuk mund të ndërhyjë për shkak të imunitetit të tyre.

“Në rast se do të ishte dhe kryeparlamentarja Topalli, këtu do të mund të zhvillohej një seancë parlamentare e vërtetë, ndërkohë që prezencën e deputetëve e ndalon Kodi Zgjedhor. Këtu duhet ndërhyrë me patjetër”, theksoi Hoxha për TVNews24.

Sipas Hoxhës duke se shtabet partiake të të dyja kampeve politkke, ajo demokrate dhe socialsite kanë rënë dakort vetë të ndjekin e monitorojnë procesin e numërimit të votave, ndërkohë që Kodi Zgjedhor e ndalon prezencën e tyre në të tilla ambiente.

NJËSIA 9, PAKUJDESI GJATË VOTIMIT, PËRFSHIHEN NË REZULTATE

Ora 14:25-Njësia numër 9 kanë mbetur pa numëruar dhe 2 kuti për këshillat bashkiakë. Por, ndërsa pritet që të përfundojë numërimi dhe për këto kuti, Ilirjan Hoxha, personi që merret me transferimin e të dhënave drejt serverit të KQZ bën të ditur se në KZAZ nr 53 në 6 qëndra votimi ka parregullsi të mëdha nga pakujdesia gjatë votimit, ku fletë votimi për kryetarët e Bashkisë janë hedhur drejt kutive për këshillat bashkiake e anasjelltas. Kjo pakujdesi sipas Hoxhës janë shënuar sit ë rregullta, problem që sipas tij tani duhet të zgjidhet nga KQZ.

“Tabelat e rezultateve kanë përfshirë në këtë shifër dhe fletë votimi që vijnë nga fletë të kutive të tjera. psh në ato për kandidatët janë futur fletë për këshillin bashkiak. Kjo gjë nuk sjell pasoja në vlerësim dhe rezultatet pasi cdo situatë është e dokumentuar, e evidentuar dhe e shënuar në procesverbale”, theksoi Ilirjan Hoxha.

BARE: FUNDI I NUMËRIMIT I QARTË BERISHA HUMBËS. JANE KERCENUAR KOMISIONERET TANE

Ora 14. 20 Deputeti socialist Besnik Bare e cilëson si të pazankonte mënyrën si po ecën procesi i numërimit. Ai beson se “kjo qendër padiskutueshmërisht do t’i japë fitoren Ramës. Fundi është i qartë.Berisha humbës , Do ti duhet ti pranojë humbjen Ramës”- deklaroi Bare në një prononcim për NEWS24.

AMBASADORJA BRITANIKE NE KZAZ 49

Ora 14. 12 Si vëzhguese në këtë KZAZ e instaluar ne shkollen Vasil Shanto erdhi dhe vetë ambasadorja britanike.

PD, ALBANA VOKSHI: PROCESI I NUMËRIMIT I QETË DHE PA TENSIONE

Ora 14:00-Deputetja demokrate Albana Vokshi bëri të ditur nga njësia numër 5 ku ndodhet si vëzhguese se procesi i numërimit në këtë qëndër numërimi po ecën normalisht.

Ajo tha se procesi ecën ngadalë për shkak të mënyrës sesi numërohet, pasi vota lexohet, skanohet dhe shikohet nga vëzhguesit.

“Mënyra sesi është organizuar ky proces, pasi cdo votë duhet të numërohet skanohet se duhet të shihet nga vëzhguesit, e rëndësishme është që të numërohet dhe vëzhgohet nga të gjitha kampet. Mua më pëlqen të prek cdo votë vetë. Përsëris se tensionime nuk kam parë dhe sot nuk ka patur”.

Bogdani: Rama ka frikë nga rezultat

Pas akuzave të PS-së se në njësinë numër 5 ka njerëz të inkriminuar që po numërojnë votat, ka reaguar edhe selia blu.

Deputeti i PD-së Gerti Bogdani nga selia e PD-së ka reaguar duke thënë se Edi Rama ka frikë nga rezultati i votave, prandaj dhe po prishe procesin e numërimit dhe po kërcënon numëruesit e votimeve në njësinë nr. 5.

Ora 12. 45 Në Kryeqytet Lulzim Basha, kandidati i koalicionit të djathtë “Aleanca për Qytetarin” po kryeson garën për Bashkinë e Tiranës me 876 vota më shumë kundrejt rivalit të tij Edi Rama. Të dhënat e fundit të KQZ për numërimin e 464 kutive nga 485 që janë gjithsej, tregojnë se Basha ka 120162 vota kundrejt Ramës me 119286 vota.

Tashmë numërimi ka përfunduar në 10 njësi të Tiranës ndërsa mbeten edhe 14 kuti për t'u numëruar në njësinë nr 5.

NJËSIA 5, DHE 14 KUTI PËR NUMËRIM, RAMA NË AVANTAZH

Ora 12:00-Në KZAZ numër 49 po vijon numërimi i votave për njësinë bashkiake numër 5 të Tiranës. Krahasuar me ditët e tjera numërimi sot po vijon i qetë, pa tensione dhe mësohet se kanë përfunduar 2 kuti dhe kanë mbetur për numërim votat e 14 kutive të tjera.

Kështu nga 65 kuti gjithsej në këtë njësi janë përfunduar numërimi i 51 kutive nga ku rezulton kandidati I PS, Rama me 3 974 vota para.

Ndërkohë jashtë KZAZ të vendosur në shkollën “Vasil Shanto” ndodhet dhjetra simpatizantë të PS që po presin në ankth rezultatin.

Berisha: Shqiptarët mbështetën mazhorancën

Kryeministri Berisha ka falenderuar shqiptarët për besimin që treguan ndaj qeverisjes aktuale duke i dhënë votën politike në zgjedhjet e 8 majit.

Në mbledhjen e parë të qeverisë që nga zhvillimi i zgjedhjeve, kryeministri Berisha ka theksuar se shqiptarët në rang kombëtar mbështetën mazhorancën ndërsa ka shtuar se votëbesimi i qytetarëve do të konvertohet nga qeveria me më shumë projekte dhe mirëqënie për ta.

"Në votim ka pasur dhe një fletë politike, votim tërësisht politik pasi ka pasur siglat e pative. Qytetarët me votën politike i besuan kësaj mazhorance” theksoi Berisha duke shtuar se mazhoranca kryeson me 6 përqind në këtë votim politik.

“Falendoroj të gjithë shqiptarët për mbështetjen e madhe dhe i garantoj ata se qeveria do ta konvertojë besimin në projetke të mëdha, në refoma të thella, me ndërtimin e infrastrukturës rrugore moderne, në përmirësimin e sistemit shëndetësor dhe me rritje e pagave dhe pensioneve” theksoi Berisha.

Sipas tij votëbesimi politik për qeverinë përbën një garanci për një fitore të sukesshme për mazhorancën në vitin 2013.

Duke iu referuar votimit në kryeqytet, kryeministri Berisha theksoi se është në pritje të rezultatit përfundimtar duke shtuar se procesi I numërimit të votave po zhvillohet në mënyrë korrekte.

Nis numerimi në KZAZ 49, njesia 5

Ambasadori i OSBE-së, Eugen Wollfarth është paraqitur që në orët e para të mëngjesit të sotëm në KZAZ-në 49, në njësinë 5 për të parë nga afër nisjen e procesit të numërimit.

Pas ndërprerjes së numërimit gjatë orëve të vona të mbrëmjes së djeshme , ambasadori Wollfarth është rikthyer sërish sot në njësinë 5 për të vëzhguar numërimin e 16 kutive të fundit të cilat do të përmbyllin edhe procesin e zgjedhjeve.

Basha dhe Rama presin sot 16 kutitë e fundit me vota

Shqipëria kaloi dje edhe një natë tjetër me numërimin e vetëm 40 kutive, duke e shtyrë për sot mbylljen e rezultateve të zgjedhjeve vendore. Shpejtësia e numërimit ka qenë tepër e ulët gjatë gjithë ditës dhe vetëm në mbrëmje vonë ky process mori një nxitje të konsiderueshme nga shtimi i vëzhguesve ndërkombëtarë.

Ambasadori i SHBA, Aleksandër Arvizu, si dhe ambasadorët e OSBE dhe BE, Volfart dhe Sekui, vëzhguan nga afër numërimin e votave në disa qendra të ndryshme. Prania e diplomatëve bëri që grupet e numëruesve ta rrisnin mjaft shpejtësinë e punës; ata numëruan për 20 minuta një kuti me disa qindra vota, kur mesatarja e kësaj pune ka qenë mbi një orë, pa llogaritur ndërprerjet e shumta dhe pushimet e gjata që marrin këto grupe.

Ambasadori i Shteteve të Bashkuara, Arvizu, tha se qytetarët shqiptarë kanë votuar në mënyrë demokratike dhe e meritojnë që vota e tyre të numërohet saktë. Thjesht duhet që votat të numërohen më shpejt.

“Duhet menduar për njerëzit që hodhën votat e tyre në këto kuti dhe ato duhen numëruar, prandaj erdhëm që të mbështesin njerëzit që numërojnë votat, dhe të ndihmojmë në mbrojtjen e integritetit të zgjedhjeve. Kujtoni se ku ishim në muajin shkurt apo mars. Shumë njerëz nuk besonin atëherë se do të ishte e mundur që të mbaheshin zgjedhjet vendore në 8 maj. Askush nuk po thotë që çdo gjë ishte e përsosur, por nëpër të gjithë Shqipërinë kishte një entuziazëm shumë të madh” - tha ambasadori Arvizu.

Sipas tij, njerëzit votuan në një pjesëmarrje shumë të madhe - pjesëmarrja në zgjedhjet vendore iu afrua atyre për zgjedhjet parlamentare. - Kjo tregon se sa e fortë është dëshira e qytetarëve për të marrë pjesë në proceset demokratike.

“Këto zgjedhje nuk u bënë vetëm nga K.Q.Z dhe as ndërkombëtarët, por u mbajtën sepse populli mori pjesë dhe shprehu mendimin e vet me këto votime. Reforma e sistemit zgjedhor është e nevojshme për Shqipërinë, sipas rekomandimeve të ekspertëve të OSBE-së. Shqipëria është në një proces integrimi në BE dhe rishikimi i kodit zgjedhor duhet pas kësaj. Por tani duhet të kalojmë këtë hap të zgjedhjeve vendore dhe duhet të mbyllen rezultatet” - tha ambasadori amerikan në Shqipëri, Arvizu.

Kjo është hera e parë që zgjedhjet në Shqipëri dalin me rezultate kaq të ngushta. Aktualisht kandidati Lulzim Basha ka vetëm 638 vota më shumë se kandidati Edi Rama, ndërsa kanë mbetur edhe 16 kutitë e fundit. Matematikisht secilit kandidat i duhet që të marrë rreth 50 vota nga çdo kuti që të sigurojë fitoren për bashkinë e Tiranës. Pajisjet elektronike dhe kujdesi i numëruesve po bën të mundur saktësimin e diferencave shumë të vogla. Për këto dallime kaq të vogla në zgjedhjet e mëparshme, as që bëhej fjalë, sepse fituesit gjithmonë kanë siguruar një sasi të madhe votash. (ba/bw/voa)

Dështon Aurela Gaçe, Shqipëria jashtë finales

Këngëtarja Aurela Gaçe u ngjit e treta në skenën “Esprit Arena” në Duseldorf të Gjermanisë, duke performuar me energji “Feel the passion” në natën e parë të Eurovizionit.

Me gjithë pritshmëritë, Aurela Gaçe nuk arriti ta fusë dot Shqipërinë në finalen e Festivalit Europian.Në tetë vjet të historisë shqiptare në Eurosong, kjo është e treta herë që një këngë shqiptare nuk arrin dot deri në natën e çmimeve, duke iu bashkuar fatit të Luiz Ejllit dhe Frederik Ndocit. Nën sytë e 24 mijë spektatorëve dhe 220 milionë telespektatorëve në të gjithë botën, u zhvillua mbrëmë në Dyseldorf të Gjermanisë nata e parë gjysmëfinale e Festivalit Europian të Këngës. Përgjatë një orë e gjysmë u ngjitën në skenën e “Dyseldorf Arena” 19 këngë. Pas ngritjes së siparit nga tri prezantuesit e festivalit, Judith Rakers, Anke Engelke dhe Stefan Raab, nisi gara e 19 këngëve të para. Pas dy këngëve ritmike të Polonisë dhe Norvegjisë, e treta u ngjit në skenë këngëtarja Aurela Gaçe, me këngën “Feel the passion”, me muzikë të Shpëtim Saraçit dhe tekst të Sokol Marsit. Në performancën e saj këngëtarja u shoqërua nga tre backvokalistë të huaj, nga kitaristi Bledar Sejko dhe bateristi Emiliano Dhimo. Asnjë surprizë në interpretimin e Aurela Gaçes. Si gjithnjë shpërthyese dhe me një zë potent, megjithatë, duket se kënga me motive të Jugut nuk u prit me entuziazëm të madh nga dëgjuesi europian, i cili edhe votoi për këngët finaliste. Duket se nuk bënë përshtypje as fustani me flatra, as efektet skenike, të cilat përforconin edhe më karakterin shqiptar të këngës. Ca krahë drite në një sfond të kuq flakë, për të kujtuar shqiponjën, flakadanë zjarri që ndizeshin në pikat më kulmore të këngës. Ashtu si edhe dihej prej kohësh, kënga u interpretua në pjesën më të madhe të saj në gjuhën angleze dhe vetëm një strofë refreni në gjuhën shqipe. Ndoshta anglishtja nuk është puqur mirë me këngën labe. Nuk pati ndonjë entuziazëm të jashtëzakonshëm nga publiku, ndërkohë që gjatë ditëve të provave, kënga shqiptare ka marrë kritika pozitive. Por duket se këto lloj kritikash nuk ngrenë shumë peshë në votim. Edhe herë të tjera vlerësimet kanë qenë të tilla, madje Aurela konsiderohej si një ndër pretendentët e këtij edicioni, megjithatë, rezultati ishte i papritur dhe shumë më rëndë se herët e tjera. Ndërsa shpresonim t’i shpëtonim mallkimit të vendit të 16-të të listës së natës finale, as arritëm të preknim 25-shen. Dështimi i këtij viti vë edhe një herë në diskutim këngët që duhet të na prezantojnë në Festivalin Europian. Duhet të vazhdojë Televizioni Publik Shqiptar të përzgjedhë këngën përfaqësuese nga një festival fundviti, i cili nga viti në vit po e humbet identitetin dhe rëndësinë e tij? Mos duhen hedhur sytë në festivalet alternative, apo duhet gjetur një formulë tjetër përzgjedhjeje?

Mbrëmë, përzgjedhja e këngëve finaliste u bë me anë të votimit popullor dhe të një jurie profesioniste. Shumatorja e këtyre vlerësimeve nxori edhe 10 finalistët e parë, të cilët u shtohen 5 të tjerëve, të cilët kalojnë në mënyrë automatike në natën finale. Bëhet fjalë për vendet që kanë themeluar dhe sponsorizojnë këtë aktivitet: Francë, Itali, Britania e Madhe, Gjermania dhe Franca. Është për t’u ritheksuar këtë vit rikthimi i Italisë, pas 14 vjetësh mungese, i prezantuar nga këngëtari Raphael Gualazzi me këngën “Madness of love”. Kësaj pesëmbëdhjetëshe do t’i shtohen edhe 10 këngë të tjera finaliste që do të dalin nga natë e dytë gjysmëfinale, e cila do të zhvillohet nesër. Finalja e madhe do të zhvillohet në datën 14 në skenën e Dyseldorfit.

Dhjetë Finalistët

Vendet që siguruan finalen e Eurovision 2011:

1. Islanda

2. Lituania

3. Greqia

4. Azerbaixhani

5. Gjeorgjia

6. Zvicra

7. Hungaria

8. Finlanda

9. Rusia

10. Serbia

KQZ: Basha vazhdon të kryesojë ndaj Ramës, po e shton epërsinë

Kandidati i PD-së Lulzim Basha kryeson me 61.265 vota kundrejt kandidatit kundershtar Edi Rama, i cili ka 60.938 vota. Në Tiranë ende numërimi vazhdon.

(I plotësuar) Të dhëna gjithmonë e më shumë optimiste po mbërrijnë për kampin e djathtë nga Komisioni Qendror i Zgjedhjeve, lidhur me rezultatet e shënuara nga kandidati demokrat për Tiranën, Lulzim Basha.

Ora 17:41 Në Tiranë janë numëruar 229 kuti votimi nga 485 kuti votimi, nderkohe qe numerimi vazhdon vetem,ne 4 nga 11 KZAZ e Tiranes. Komisioni Qendror Zgjedhor deklaron se kandidati i PD-së Lulzim Basha kryeson me 57111 kundrejt Ramës qe ka 56940 vota.

Policia: Personat e paautorizuar, larg Qendrave të Numërimit të Votave

“Palët e përfshira në procesin zgjedhor, mbështetësit apo simpatizantët e subjekteve politike, duhet të mos bëhen burim apo pjesëmarrës incidentesh të mundshme”.

Ky është apeli që mbërrin nga Policia e Shtetit lidhur me problematikat e ndeshura gjatë ditës së sotme lidhur me tentativën e hyrjes së personave të paautorizuar në Qendrat e Numërimit të Votave.

“Aktualisht, nga ana e bluve të kryeqytetit po qëndrohet në këtë KZAZ për të ruajtur rendin dhe sigurinë në pritje të një vendimi të dytë të KQZ për t’u larguar”, citon deklarata në fjalë.

Duke raportuar konkretisht, rastin gjatë mesditës së sotme në KZAZ-në nr.54, në shkollën “Avni Rustemi”, ku Komisioni Qendror i Zgjedhjeve ka kërkuar ndërhyrjen e policisë, për të nxjerrë jashtë personat e paautorizuar në Qendrat e Numërimit të Votave.

“Efektivat e komisariatit nr.3 në kryeqytet, pas marrjes së vendimit nga ana e KQZ-së për ndërhyrje, kanë bërë të mundur largimin nga ambienti ku numëroheshin votat, personat e paautorizuar që ndodheshin aty”, sqaron deklarata e policisë lidhur me një rast të tillë.

Duke përfunduar se nga ana e saj, do garantohet deri në fund ruajtja e rendit dhe sigurisë, kjo në përputhje me Kodin Zgjedhor dhe Ligjin për Policinë e Shtetit “Për detyrat e policisë së shtetit dhe forcave të ushtrisë në zgjedhjet për organet e qeverisjes vendore”.

* * * * * * *

Ora 17:15 Në Tiranë janë numëruar 226 kuti votimi nga 485 kuti votimi, nderkohe qe numerimi vazhdon vetem,ne 4 nga 11 KZAZ e Tiranes. Komisioni Qendror Zgjedhor deklaron se kandidati i PD-së Lulzim Basha kryeson me 56522 kundrejt Ramës qe ka 56200 vota.

Ora 16:25 Në Tiranë janë numëruar 214 kuti votimi nga 485 kuti votimi, nderkohe qe numerimi vazhdon vetem,ne 4 nga 11 KZAZ e Tiranes. Komisioni Qendror Zgjedhor deklaron se kandidati i PD-së Lulzim Basha kryeson me 53822 kundrejt Ramës qe ka 53353 vota.

* * * * * * *

Kandidati i “Aleanca për Qytetarin”, Lulzim Basha vazhdon të kryesojë në garën për kreun e Bashkisë së Tiranës, kundrejt rivalit Edi Rama.

Sipas të dhënave të fundit të KQZ-së deri më tani janë numëruar 192 kuti në Tiranë nga 485 që janë gjithsej.

Në bazë të këtij numërimi, rezultati deri në orën 13 është 48.568 vota në favor të kandidatit Lulzim Basha, kundrejt 48.000 vota për kandidatin Edi Rama. Siç vihet re kandidati, Lulzim Basha është në avantazh me 568 vota.

* * * * * * *

Basha: Fitorja po merr trajtë, jam në pritje të lexohet edhe vota e fundit

Kandidati i “Aleanca për qytetarin”, Lulzim Basha në një dalje para mediave pak minuta më parë se është në pritje të numërimit të votave.

Basha ka falënderuar të gjitha ata që po punojnë për këtë proces.

“Dua të falënderoj të gjithë komisionerët, numëruesit dhe vëzhguesit për numërimin e drejtë të çdo vote dhe për të siguruar një proces numërimi të saktë”, u deklarua Basha.

“Kanë mbetur pa numëruar shumë vota, jam i bindur se vota e qytetarëve do të lexohet drejtë. Ndërsa duket se fitorja e shumëpritur po merr trajtë në gjithë qytetin, dua të t’ju them se do të pres deri sa të lexohet edhe vota e qytetarit të fundit” , theksoi Basha.

Deri tani në Tiranë janë numëruar 182 kuti nga 485 dhe në avantazh është zoti Lulzim Basha 46582 vota dhe Rama me 46270 vota. Pra zoti Basha është në avantazh me 312 vota.

* * * * * * *

Ristani: Masa për komisionerët që lënë në mes detyrën

Komisioni Qëndror i Zgjedhjeve i ka kërkuar KZAZ-ve të marrin masa nëse komisionerët braktisin procesin e numërimit të votave.

Në mbledhjen e sotme KQZ-ja me 6 vota pro shkarkimin e komisionerëve që lënë procesin e numërimit dhe zëvendësimin e tyre.

Kryetari i Komisionit Qendror të Zgjedhjeve Arben Ristani theksoi se ky institucion është i gatshëm të ndërmarrë masat e ndëshkimit për komisionerët të cilët lënë në mes procesin e numërimit të votave dhe zvarrisin procesin.

Ndërkohë nënkryetarja Dëshira Subashi theksoi se duhet shënuar në dokumentacion çdo bllokim dhe largim që ndodh në Komisionet Zonale të Administrimit Zgjedhor.

“Që të mos ndodhë nesër të thoni se pse nuk ndodhet në dokumentacion një problem dhe shqetësim i tillë”, theksoi Subashi.

* * * * * * *

Zgjedhjet, PD-ja përmbysë rezultatin në Durrës

Partia Demokratike (PD) ka arritur të përmbysë rezultatin elektoral në Durrës. Tashmë, është kandidati i PD-së, Ferdinand Xhaferraj, që udhëheq në garën ndaj kryetarit aktual (PS), Vangjush Dako.

Kështu kandidati i “Aleancës për Qytetarin” Fredinand Xhaferraj ka marrë 8992 vota ndërsa rivali i tij Vangjush Dako ka marrë 8980 vota.

Ndërkohë, në Tiranë vazhdon të prijë kandidati i PD-së, Lulzim Basha i cili ka marrë 46110 vota kundrejt rivalit të tij Edi Rama i cili ka marrë 45 879 vota.

Ndërkohë PD udhëheq edhe në Shkodër, kurse PS-ja në Elbasan, Korçë, Vlorë, Fier dhe Lushnjë.

* * * * * * *

Vijon numërimi, kryeson Basha

Numërimi i votave në njësitë e ndryshme në Tiranë ka bërë që dy kandidatët për bashkinë më të madhe në vend të jenë vetëm pak vota larg nga njëri tjetri.

Nga 181 kuti të numëruara nga 485 që janë gjithsej kandidati i koalicionit “Aleanca për Qytetarin”, Lulzim Basha kryeson me 331 vota ndaj kandidatit të PS-së Edi Rama.

Kështu sipas rezultateve të deritanishme kandidati i djathtë Basha ka marrë 46110 vota kundrejt rivalit të tij Edi Rama i cili ka marrë 45879 vota.

Ndërsa në disa njësi bashkiake procesi i numërimit është pezulluar gjatë natës ndërkohë që pritet të nisë mëngjesin e sotëm.

* * * * * * *

Basha: Çdo orë konfirmohet fitorja në Tiranë

Dua të falenderoj të gjithë komisionerët e të gjithë partive politike për punën e palodhur dhe plot përkushtim në këtë fazë shumë të rëndësishme të procesit zgjedhor, fazën e numërimit të çdo vote të qytetarëve të Tiranës. Në veçanti, dua të falenderoj komisionerët e Partisë Demokratike, numëruesit e Partisë Demokratike, vëzhguesit e Partisë Demokratike dhe të “Aleancës për Qytetarin”, për durimin e treguar në pjesën e parë të ditës së sotme, gjatë numërimit të qendrave të votimit që tradicionalisht favorizojnë Partinë Socialiste. Por ndërsa numërimi vazhdon dhe rezultati është ngushtuar, është zhgënjyes bllokimi preferencial i numërimit nga pala tjetër, në qendrat e votimit që tradicionalisht favorizojnë Partinë Demokratike. Kanë mbetur për tu numëruar plot 180 mijë vota, këto vota duhet të numërohen me qetësi dhe transparencë. Zëri i këtyre qytetarëve duhet, dhe do të dëgjohet. Dua të përsëris vendosmërinë time për të respektuar procesin e numërimit të çdo vote të qytetarëve të Tiranës dhe rezultatin e dalë prej saj. Bazuar në të dhënat që po konsolidohen çdo orë, pas numërimit të çdo vote, kam besim në konfirmimin e fitores së shumëpritur në Tiranë.

* * * * * * *

Si të menaxhohet humbja e Ramës?

Simbolika e Njësia Nr.8

Bledi KASMI

Njësia 8 përfshin një nga zonat tradicionale të Tiranës me një popullsi kryesisht autoktone. Konsiderohet si një nga zonat bastion të PD, e cila në 20 vitet e fundit ka votuar vetëm për kandidatët e kësaj partie. Edhe në vitin e mbrapshtë ‘97 kur një pjesë e mirë e Tiranës ishte nën terror, kjo zonë i qëndroi besnike PD.

Eshtë një zonë, që më parë njihej si lagjja nr.3 dhe që në zgjedhjet e vitit 1991 një episod shumë i rëndësishëm e bënë që të njihej në të gjithë Shqipërinë. Kur diktatura ishte në fundin e saj, në këtë zonë vendosi të kandidojë diktatori i fundit komunist, Ramiz Alia. Përballë tij, PD vuri një emër modest, intelektualin, Franko Krroqi. Megjithëse ato ishin zgjedhje të manipuluara nga Partia e Punës në shumicën e territorit të vendit, ajo që nuk mundi të manipulonte Alia ishte humbja e tij pikërisht në këtë zonë. Fitues u shpall Franko Krroqi.

Kjo zonë e përzuri në mënyrë demokratike dhe e nxori përfundimisht jashtë nga politika diktatorin. Që nga ajo ditë, PS nuk ka mundur që të fitojë në këtë zonë të Tiranës. Kjo Njësi është vendosur prej ditës së djeshme në qendër të vëmendjes së opinionit publik. Në një rast të paprecedent në historinë e këtyre viteve të fundit, në këtë Njësi numëruesit e votave nuk kanë mundur të numërojnë në 36 orë, më shumë se pesë kuti. Në zgjedhjet e kaluara, rezultati i kësaj Njësie u shpal brenda 36 orëve, pra të 30 qendrat e votimit u numëruan brenda kësaj kohe, ndërsa premisat e këtij viti janë që procesi të jetë i tejzgjatur.

Arsyet duhen kërkuar pikërisht tek vota e qytetarëve të kësaj zone, e cila e bën Ramën të ndjehet keq dhe të rrisë pasiguritë e tij për rezulatin e zgjedhjeve. Ai po kërkon t’a bllokojë leximin e votës së qytetarëve të kësaj zone, gjë të cilën nuk guxoi t’a bënte as Ramiz Alia, megjithëse kishte në dispozicion të gjithë makinerinë vrasëse të diktaturës.

Kjo është një zonë që mund të bëjë diferencë të madhe në Tiranë. Në pesë kutitë e para, Basha rezulton fitues me 510 vota, me një mesatare prej 100 votash për secilën qendër votimi. Ky trend i këtyre votave, e ka trembur Ramën, pasi nëse numërohen edhe të 25 qendrat e tjera të votimit, atëherë diferenca mes Bashës dhe Ramës mund të jetë diku më e madhe se 3 mijë vota. Në një rezultat mjaft të ngushtë të bilancit, Basha-Rama në zonat e tjera, kjo diferencë e kësaj zone do të ishte mjaft e ndjeshme në rezultatin e përgjithshëm.

Në Njësinë Nr.5, e cila konsiderohet si një nga bastionet e së majtës, në të cilën PS herë të tjera ka fituar me një diferencë prej mbi 5 mijë votash, kësaj here Rama nuk ka mundur të jetë më shumë se 1200 vota avantazh në 15 qendra që konsiderohen si zemra e votuesve të majtë. Duke qenë se pjesa e dukshme e votës së majtë për Ramën është lexuar gjatë ditës së djeshme, Ramën e tremb ajo çfarë gjendet brenda në kutitë e votimit. Në to nuk janë pak, por plot 180 mijë vota.

Taktika e Ramës e demonstruar dje është të ndërmarrë veprime radikale, si edhe rrethimi i qendrave të votimit, për të destabilizuar sa të jetë e mundur procesin e numërimit me qëllim që të mos lexohet vota e qytetarëve të Tiranës.

Një tjetër taktikë e përdorur gjatë ditës së djeshme ishte dhe shpallja e kutive me votues nga zona të sigurta të PD, si të pavlefshme. Dhe kjo ka tentuar të ndodhë mbrëmë në disa zona të kryeqytetit. Prova më e qartë e kësaj tentative të Ramës është edhe bllokimi i numërimit në Njësinë Nr.8 me arsyetimin qesharak se, numëruesit e PS ishin të lodhur, ndërkohë që përfaqësuesi i tij në atë njësi thoshte se ishte i gatshëm për të vazhduar punën. Si mund të lodhen numëruesit kur në 48 orë kanë numëruar vetëm 5 kuti, ndërsa nuk u lodhën dy vite më parë kur në 36 orë i numëruan 30 kuti të asaj Njësie?!

Rama mundohet ta fshehë panikun nga rezultati i Tiranës duke dalë para mediave dhe buzëqeshur me fituesin e Memaliajt, ndërsa sapo del nga konferenca e shtypit, urdhëron njerëzit e tij të rrethojnë qendrat e numërimit të votave. Fituesi i Tiranës nuk do të dalë nga leximi i votave vetëm të qytetarëve që jetojnë tek ish-blloku, por edhe nga leximi i atyre 180 mijë qytetarëve të tjerë.

PD ka dëshmuar gjatë gjithë këtyre viteve, se nuk i trembet rezultatit të zgjedhjeve dhe se nuk e konsideron fundin e botës një humbje elektorale, sikurse bën Rama. Të njëjtën gjë ka deklaruar edhe zoti Basha, i cili mbrëmë përsëriti se do të njohë çdo rezultat që del nga numërimi i të gjitha votave të qytetarëve të Tiranës. Ai që po përpiqet të mos njohë humbjen në Tiranë është Rama. Në funksion të kësaj skeme ka nisur bllokimi i numërimit të votave në ato zona që konsiderohen si bastione të PD.

Si të menaxhohet humbja e Ramës?

Vëzhguesit ndërkombëtarë, përfshi Drejtroin e OSBE/ODIHR si dhe europarlamentarët kanë pasur rastin dje të shohin një proces zgjedhor të standardeve ndërkombëtare. Komsioni Qëndror i Zgjedhjeve pohoi se ka qenë një ndër fushatat më të qeta të 20 viteve të fundit, ku numri i incidenteve ishte i papërfillshëm dhe shifra ishte në nivelin e 0.1%.

Qytetarët dëshmuan një kulturë demokratike të admirueshme dhe po kështu komsionerët bipartzianë të qendrave të votimit ishin rojtarë jo vetëm të partive, por mbi të gjitha të ligjit dhe votës së qytetarëve. Pjesa e parë e betejës së 8 majit përfundoi me një fitore të standardeve, ndërsa në orët e para të mëngjesit të sotëm ka nisur edhe beteja e dytë, ajo e numërimit.

Arbitrat ndërkombëtarë kanë pasur rastin të shohin dje dy tablo të ndryshme të këtij vendi, ku normalitetit të një procesi zgjedhor, iu kundërvu në orët e mbrëmjes anormaliteti i kryetarit të partisë më të madhe opozitare, i cili në një rast flagrant dhe unikal në historinë jo vetëm të demokracisë tonë e theu heshtjen zgjedhore me një fjalim dogmatik, dhe më vonë i konsideroi zgjedhjet si “më të këqiat që ai kishte parë”, duke paralajmëruar në të njëjtën kohë dhe terrenin për të mos njohur humbjen e pritshme të zgjedhjeve.

Problemi më i madh gjatë ditës së sotme dhe ditëve të ardhshme duket se do të jetë mënyra se si duhet të menaxhohet humbja e Ramës. Njeriu që ende pa u hapur kutitë e votimit konteston rezultatin që gjendet brenda tyre po jep një dëshmi kundër votës. Ajo cfarë Rama po thotë është se nuk do të njohë verdiktin e sovranit, dhe kjo për të dytën herë brenda dy viteve. Nëse standardet e zgjedhjeve ishin prova e qeverisjes, menaxhimi i humbjes së Ramës është tashmë jo vetëm një problem shqiptar. Fatmirësisht arbitrat ndërkombëtarë janë këtu për të monitoruar, për të dhënë receta, por edhe për të nxjerrë me karton të kuq atë që nuk njeh dhe nuk respekton rregullat e lojës.

Bumçi: Basha përmbysi rezultatin

Basha: Premisat janë premtuese, do të respektojmë procesin e numërimit dhe shpalljen zyrtare të rezultatit

(I plotësuar)-Kanë nisur tashmë deklaratat dhe kundër-deklaratat nga dy kampet politikë ndonëse procesi i numërimit të votave ende nuk ka përfunduar.

Deputeti i PD-së Aldo Bumçi deklaroi kandidati i “Aleancës për Qytetarin” për bashkinë e Tiranës, Lulzim Basha ka përmbysur rezultatin.

“Kandidati i “Aleancës për Qytetarin” Basha ka arritur rezultate mjaft të mira duke përfituar terren deri në masën 50 përqind” theksoi Bumçi.

Më tej deputeti Bumçi theksoi se edhe pse PD-ja është optimiste për rezultatin përfundimtar ajo do të presë rezultatin përfundimtar.

* * * * * *

Basha: Premisat janë premtuese, do të respektojmë procesin e numërimit dhe shpalljen zyrtare të rezultatit

Numërimi i votave të 8 Majit për Tiranën është në fillimet e tij. Lulzim Basha deklaroi edhe një natë më parë para mediave se pas një procesi me standarde mjaft të larta të votimit, do të presë deri në fund procesin e numërimit dhe shpalljes zyrtare të rezultatit. Ne ju kërkojmë të bëni durim dhe të mos shqetësoheni nga rezultatet e para që dalin në media. Aktualisht shifrat e mëngjesit po përmbysen dhe kemi një situatë mjaft optimiste. Pjesëmarrja e jashtëzakonshme në zgjedhje dhe shumë premisa të tjera janë shumë premtuese për projektin e ndryshimit të Tiranës. Lulzim Basha është i vendosur të respektojë deri në fund standardet europiane të këtyre zgjedhjeve për të pritur procesin e numërimit dhe shpalljes zyrtare të rezultatit.

* * * * * * *

KZAZ 52 në Tiranë, kryeson Basha

Nga numërimet e deritanishme pranë KZAZ-së nr.52 në Tiranë, rezulton se kandidati demokrat për Bashkinë e Tiranës, Lulzim Basha, kryeson ndaj rivalit të tij socialist, Edi Rama.

Për këtë është prononcuar edhe Jorida Tabaku, kandidate për këshilltare e Partisë Demokratike.

Sipas të dhënave të deritanishme, kandidati Basha ka fituar 1199 vota, ndërsa Rama vetëm 795.

Tabaku ka deklaruar gjithashtu, se janë gati të tjerë persona që do të zëvendësojnë palën e numëruesve që mund të paraqitet e lodhur nga procesi.

Sipas saj, fitorja e kandidatit Basha duket e qartë, kjo edhe për faktin se shifrat e votave pro tij, po përparojnë dukshëm në këtë KZAZ ndaj rivalit të tij socialist Edi Rama.

* * * * * * *

KQZ, publikon rezultatatet paraprake

Komisioni Qendror i Zgjedhjeve (KQZ) ka publikuar rezultatin paraprak të zgjedhjeve deri në orën 16:00, ndërkohë që po vijon ende numërimi në disa qarqe të vendit.

Kështu sipas KQZ-së kandidati i “Aleancës për Qytetarin”, Vangjush Dako kryeson me 1653 vota kundrejt kandidatit të djathtë Ferdinand Xhaferri i cili ka marrë 1533 vota.

Ndërsa në bashkinë e Korçës kryeson kryetari aktual Niko Peleshi me 3723 vota kundrejt kandidatit të “Aleancës për Qytetarin”, Andrea Mano i cili ka marrë 2927 vota.

Kështu sipas raportimeve, në Vlorë kryeson kandidati i “Aleancës për të Ardhmen”, Shpëtim Gjika me 5075 vota kundrejt rivalit të tij Ardian Kollozi i cili ka marrë 4090.

Ndërkohë në Bashkinë e Elbasanit kryetari aktual Qazim Sejdini kryeson me 5732 vota kundrejt rivalit të tij Durim Hushi i cili ka marrë 3782 vota.

Ndërsa në bashkinë e Beratit kandidati i “Aleancës për të Ardhmen”, Nasufi kryeson me 696 vota kundrejt rivalit të tij të djathtë me 682.

Në bashkinë e Fierit kandidati “Aleanca për të Ardhmen”, Baftjar Zeqaj ka marrë 5723 vota kundrejt rivalit të tij Ilir Bele i cili ka marrë 4021 vota.

Ndërsa në bashkinë e Gjirokastrës kryeson kryetari aktual i bashkisë dhe njëkohësisht kandidati i “Aleancës për të Ardhmen”, Flamur Bime me 4168 vota kundrejt kandidatit të “Aleancës për Qytetarin”, Genci Sinoymeri i cili ka marrë 3229 vota.

Në bashkinë e Shkodrës kandidati i djathtë Lorenc Luka kryeson me 723 vota kundrejt rivalit të tij të majtë Geng Uruçi i cili ka marrë 464 vota.

Ndërkohë në bashkinë e Kukës kandidati për koalicionin e djathtë Hasan Halilaj ka marrë 4839 vota ndërsa kandidati i majtë Cengu ka marrë 2862 vota.

Edhe në bashkinë e Kamzës kandidati i “Aleancës për Qytetarin”, Xhelal Mziu kryeson me 4247 vota kundrejt rivalit të tij të majtë Rakip Suli i cili ka marrë 3782 vota.

PD-ja shpalli fitore në disa bashki të Shqipërisë

Ka përfunduar numërimi i votave në disa qytete dhe komuna të Shqipërisë. Komisioni Qendror i Zgjedhjeve (KQZ) ka shpallur rezultatet e para, duke zyrtarizuar fitoren e Partisë Demokratike (PD) në baskitë: Kukës, Bajram Curri, Peqin, Lezhë, Pukë dhe Delvinë. Kandidati i Partisë Demokratike në Peqin, Ilir Rrushi ka fituar me diferencë të thellë votash kundrejt rivalit të tij socialist Naim Teqja me 908 vota.

Numërimi i votave vazhdon në bashkinë Korçë, Elbasan, Tiranë, Durrës, Vlorë dhe Fier. Në Berat kandidati i PD-së, Ilir Deçolli është në avantazh ndaj rivalit të tij të PS, Fadil Nasufi. Po ashtu, KQZ ka nxjerrë fitues kandidatët socialistë në bashkinë Tepelenë, Ersekë dhe Rrëshen, si dhe komunat Otllak dhe Ura Vajgurore në Berat, ku kandidatët socialistë kanë fituar respektivisht me diferencë të ngushtë, prej 12 votash secili.

Në Tepelë është vërejtur një përçarje e votave mes kandidatit të mbështetur nga PD-LSI dhe atij të LZHK-së, pasi ky i fundit ka marrë 1188 vota kundrejt 750 atij të PD dhe 1741 të kandidatit socialist.

Dy kutitë e para në Durrës, Dako 444 vota, Xhaferraj 412

Janë numëruar dy prej 165 kutive të votimit për Bashkinë e Durrësit. Vangjush Dako kryeson me 444 vota ndërsa rivali i tij Ferdinand Xhaferraj ka marrë një numër prej 412 votash. Në qarkun e Durrësit demokratët nga 5 kuti të numëruara prej 20 të tilla në total kanë marrë 1839 vota kundrejt 706 votave të socialistëve. Durrësi ka nisur numërimin e votave me më vonesë se sa të gjitha KZAZ-të në gjitha qendrat e qarqeve. Së fundi ka nisur numërimi edhe në Bashkinë Shkodër ku Partia Demokratike ndodhet në avantazh.

Shkodër, nis procesi i numërimi pas ndërprerjes disa orëshe

Ka nisur procesi i numërimit në qytetin e Shkodrës, pas pushimit disaorësh që kërkuan komisionerët. Nuk priten rezultate surprizë në qytet, por ajo që ra në sy ishte pjesëmarrja e ulët e votuesve për qytetin rreth 30 përqind, ndryshe nga herët e tjera. Sipas rezultateve zyrtare të një dite më parë nga KQZ-ja, morën pjesë në nivel qarku mbi 58 për qind e votuesve. Procesi i votimit dhe i administrimit të materialit zgjedhor ishte shumë i mire, ndërsa ngërçi u pa në nisjen e procesit të numërimit. Shkak u bënë mosmarrëveshjet për disa lista.

Himara “ndëshkon” Bollanon, por fiton homologu i tij me posterat në greqisht, Jorgo Goro

Bashkia e Himarës ka një emër të ri, Jorgo Goro. Jo shumë i ndryshëm nga kryebashkiaku aktual Vasil Bollano, përveç emërtesave partiake. Kandidati i Partisë Socialiste (PS) ka mundur të fitojë kundrejt kundërshtarëve si Vasil Bollano i PBDNJ-së, Savo Prifti i PD-së dhe Dhimitër Llazari, kandidati i MEGA-s.

Diferenca ka qenë rreth 200 vota. Vlen të theksohet se ndryshe nga kandidatët Bollano dhe Goro, ishte kandidati i Partisë Demokratike dhe i “Aleancës për Qytetarin”, ai që zhvilloi një fushatë të denjë elektorale dhe me një platformë konkrete për zhvillimin e qytezës së lënë në harresë nga pushteti vendor. Nuk duhet të harrojmë faktin që kandidati i Partisë Socialiste, Jorgo Goro, përdori postera në greqisht gjatë fushatës elektorale. Po ashtu, dyshime të forta ka patur gjatë fushatës për një bashkëpunim të ngushtë të Bollanos dhe Goros, në dëm të kandidatëve Prifti dhe Llazari. Gjë që e bën rezultatin zgjedhor në Bashkinë e Himarës të diktuar nga interesa të caktuara.

KQZ vendos lejimin e vëzhguesve të partive të vogla gjatë procesit të numërimit

Kreu i Komisionit Qendror të Zgjedhjeve (KQZ), Arben Ristani, u shpreh se partive të vogla nuk duhet t’ju shkeljen të drejtat që ja ua jep ligji. Nisur nga disa ankesa të partive të vogla pranë KQZ-së, për moslejim të vëzhguesve të tyre në procesin e numërimit. Ristani ka kërkuar të lejohen vëzhguesit e partive të vogla në procesin e numërimit, pasi këtë të drejtë atyre ju a jep ligji. Në mbledhjen e sotme, Ristani ka njoftuar se ka shumë sinjalizime dhe ankesa nga partitë e vogla që shprehin shqetësim për moslejimin në procesin e numërimit.

“Të merren masa, të njoftohen urgjent KZAZ-të përkatëse dhe të lejohen vëzhguesit e përcaktuar nga këto subjekte politike”, ka thënë Ristani.

Sipas tij, shqetësimet janë shumë të drejta dhe atyre nuk duhet t’u shkelet asnjë e drejtë që ua përcakton ligji.

* * * * * * *

Zgjedhjet, KQZ publikon rezultatatet e deritanishme

Komisioni Qendror i Zgjedhjeve (KQZ) ka publikuar rezultatat deri në këto moment për disa nga bashkitë më të rëndësishme në vend. Kështu sipas KQZ-së në bashkinë e Beratit kandidati i “Aleancës për të Ardhmen” Nasufi kryeson kundrejt rivalit të tij të djathtë.

Ndërkohë në bashkinë e Fierit kandidati “Aleancës për të Ardhmen” Baftjar Zeqaj ka marrë 5043 vota kundrejt rivalit të tij Ilir Bele i cili ka marrë 3505 vota.

Edhe në bashkinë e Lushnjes kandidati i koalicionit “Aleanca për të Ardhmen”, Fatos Tushe kryeson me 1849 vota kundrejt kandidatit “aleanca për qytetarin” Sanxhaku i cili ka marrë 1344 vota.

Në bashkinë e Pogradecit deri më tani kryeson kandidati i “Aleancës për të Ardhmen”, Artan Shkëmbi i cili ka marrë 2075 kundrejt kandidatit të “Aleancës për Qytetarin”, Luan Topçiu.

Ndërsa në bashkinë e Kuksit kryeson kandidati i “Aleancës për Qytetarin”, Hasan Halilaj me 3299 vota kundrejt kandidatit të majtë Alfred Cengu i cili ka marrë 1949 vota.

Një surprizë është Kruma ku kandidati i “Aleancës për të Ardhmen”, kryeson me 1619 vota kundrejt rivalit të tij Bardhyl Peka i cili ka marrë 1239 vota.

Ndërkohë në bashkinë e 6 më të madhe në vend atë të Kamzës deri më tani kryeson kandidati i “Aleancës për Qytetarin”, Xhelal Mziu me 3228 vota kundrejt rivalit të tij të majtë Rakip Suli i cili ka marrë 3076 vota.

Ndërsa në bashkinë e Gjirokastrës kryeson kryetari aktual i bashkisë dhe njëkohësisht kandidati i “Aleancës për të Ardhmen”, Flamur Bime me 3137 vota kundrejt kandidatit të “Aleancës për Qytetarin”, Genci Sinoymeri i cili ka marrë 2528 vota.

* * * * * * *

Socialistët publikuan rezultate të tjera për disa bashki të Shqipërisë

Partia Socialiste (PS) vijon të publikojë rezultate të cilat sipas saj paraqesin një fitore të kandidatëve të “Aleancës për të Ardhmen” në disa bashki të vendit.

Në konferencën e dytë për ditën e sotme zëdhënësja e PS-së, Mimi Kodheli ka theksuar se deri më këto momente në bashkinë e Kavajës ku në 2 qendra ka përfunduar procesi i numërimit të votave rezulton fitues me 70 për qind kandidati i “Aleancës për të Ardhmen” kundrejt rivalit të tij i cili ka marrë vetëm 30 për qind të votave.

Sipas Kodhelit gjithashtu ka kandidatët e koalicionit “Aleanca për të Ardhmen” kanë përparuar në Përmet, Ballsh, Poliçan, Rrëshen dhe Ura Vajgurore.

“Drejt rrugës së fitores janë kanditatët tanë në Korçë, Pogradec, Patos, Bulqizë dhe Fushë Krujë ku procesi i numërimit ende po vazhdon”, theksoi Kodheli.

Më tej Kodheli në emër të PS-së ka falënderuar të gjtihë qytetarët që votuan Partinë Socialiste (PS) duke dhënë një mbështetje për kandidatët e saj.

* * * * * * *

Tiranë, vijon numërimi i votave

Janë numruar 30 kuti nga 433 që ka gjithsej Tirana ndërsa deri më tani kryeson kandidati i “aleancës për të ardhmen” Edi Rama.

Kreu aktual i bashkisë Rama ka marrë me 10251 vota kundrejt rivalit të tij të djathtë Lulzim Basha i cili ka marrë 8755vota.

Në Tiranë Edi Rama i PS 7766 vota, ndërsa Basha i PD 6422 vota ndërsa Milloshi me 73 vota ndërsa kandidati i Partisë Komuniste ka marrë 44 vota.

Në KZAZ nr 2 që përfshin njësinë nr 9 u numeruan 5 kuti, nga të cilat në 4 kuti kryeson Rama në një kuti Basha

PS jep rezultate, Rama kryeson me 10 përqind të votave

Partia Socialiste shpalli fitore në dia bashki ndërsa paralajmëroi fitore në disa bashkia të tjera ku procesi i numërimit nuk ka përfunduar ende.

Në një konferencë për shtyp deputetja e PS-së Mimi Kodheli theksoi se kreu aktual i bashkisë së Tiranës Edi Rama kryeson me 10 përqind të votave në 7 minibashki të kryeqytetit.

Sipas saj Partia Socialiste është fituese në disa bashki të vendit si në Vlorë, Fier, Lushnje, Himarë, Korçë, Elbasan ndërsa është fituese në shumë komuna të vendit.

Përfundon numërimi në Himarë, fiton kandidati i PS-së

Ka përfunduar procesi i numërimit të votave në bashkinë e Himarës ku rezulton se fitues për këtë bashki është kandidati i PS-së Jorgo Goro. Sipas rezultatit më të fundit Goro ka fituar 30 vota më shumë se kandidati i PBDNJ-it Vasil Bollano.

Ndërkohë pas këtij lajmi përkrahës së PS-së janë mbledhur përpara zyrës së kësaj force politike në Himarë dhe kanë nisur të festojnë.

Ndërkohë në një linjë telefonike për “Ora News” Goro është shprehur i kënaqur nga rezultati duke shtuar se do të kërkojë edhe “ndihmën e kandidatëve të tjerë për t`i ndryshuar faqen Himarës”.

* * * * * * *

Vijon numërimi në Tiranë, Rama në epërsi

Numërimi i votave në njësitë e ndryshme në Tiranë ka shtuar edhe diferencën mes kandidatëve. Sipas të dhënave të fundit të KQZ-së, kryetari i Partisë Socialiste, Edi Rama ka deri në këto momente 7510 vota, ndërsa kandidati i Partisë Demokratike, për Bashkinë e Tiranës Lulzim Basha ka arritur në 6444 vota.

Kandidati i Partisë Komuniste, Hysni Milloshi ka marrë 61 vota. Kështu kandidati i “Aleancës për të Ardhmen” kryeson deri më tani me 1066 vota më shumë se rivali i tij i djathtë Lulzim Basha.

Ndërkohë vijon procesi i numërimit të votave në njësitë bashkiake në kryeqytet duke bërë kështu që të thellohet edhe diferenca mes kandidatëve për bashkinë më të madhe.

* * * * * * *

Rezultatet paraprake të numërimit në Tiranë rendisin kandidatin e PS-së Edi Rama në avantazh ndaj kandidatit të PD, Lulzim Basha. Rama ka 3301 vota kundrejt kandidatit të djathtë Lulzim Basha i cili ka marrë 2984 vota ndërsa kandidati Hysni Milloshi ka 51 vota.

* * * * * * *

Pukë, fiton kandidati i PD

Numërimi i votave në Bashkinë e Pukës ka nxjerrë fitues kandidatin e Partisë Demokratike, Beqir Arfiti.

Raportohet se vetëm pak minua më parë ka përfunduar procesi i numërimit të votave. Fitues është shpallur koalicioni kandidati i koalicionit “Aleanca për Qytetarin” me 955 vota. Pas saj vjen koalicioni “Aleanca për të Ardhmen” me 902 vota, e ndjekur nga Partia Çështja Shqiptare me 704 vota.

* * * * * * *

Në Peqin, fiton kandidati i PD-së, ndërsa në Ersekë, kandidati i PS-së

Raportohet se procesi i numërimit të votave në qytetin e Peqinit ka përfunduar. Sipas të dhënave kandidati i “Aleancës për Qytetarin”, Ilir Rrushi rezulton fitues. Rrushi ka marrë 2760 vota. Ndërsa kandidati i “Aleancës për të Ardhmen” Naim Teqja, ka marrë 908 vota.

Ndërkohë që procesi i numërimit të votave ka përfunduar edhe në bashkinë e Ersekës. Kandidati i “Aleancës për të Ardhmen”, Ali Laho ka marrë 1548 vota ndërsa kandidatja e “Aleancës për Qytetarin” Zhaneta Prifti ka marrë 1232 vota.

* * * * * * *

Gjirokastër dhe Përmet, kryesojnë kandidatët e PS

Në Bashkinë e Gjirokastrës dhe në atë të Përmetit, kandidatët e Partisë Socialiste janë në avantazh përballë kandidatëve të Partisë Demokratike.

Në bashkinë e Gjirokastrës janë numëruar 9 kuti dhe pritet të numërohen edhe 8 kuti të tjera. Kandidati i “Aleancës për të Ardhmen”, Flamur Bime me 1941 vota kundrejt kandidatit të “Aleancës për Qytetarin” Genci Sinoymeri, i cili ka marrë 1477 vota.

Në bashkinë e Përmetit kryeson kandidati i “Aleancës për të Ardhmen” me 1407 vota, kundrejt kandidatit të “Aleancës për Qytetarin” Kujtim Hoxha i cili ka marrë 1260 vota.

* * * * * * *

Rezultatet paraprake në Fier dhe Himarë

Ndërsa në Bashkinë e Fierit kandidati i PS-së, Baftjar Zeqo ka marrë 2611, ndërsa kandidati i PD-së, Ilir Bele ka marrë 1756.

Në Himarë, nga rezultatet paraprake kandidati i PS-së, Jorgo Goro kryeson përballë kandidatit Vasil Bollano.

* * * * * * *

Rezultatet paraprake në Elbasan, Korçë dhe Rrëshen

Në bashkinë e Elbasanit, rezultatet paraprake rendisin në avantazh kandidatin e PS, Qazim Sejdini. Sejdini ka marrë 3346 vota kundrejt Durim Hushit me 2342 vota. Ky rezultat ka dalë nga numërimi i 12 kutive, nga 96.

Po ashtu, edhe në qytetin e Korçës, kandidati i PS, Niko Peleshi është në avantazh me 956 vota.. Ndërsa kandidati i PD-së, Andrea Mano ka marrë 851 vota. Në Korçë janë numëruar gjithsej 5 kuti.

Kandidati i “Aleancës për të Ardhmen” është në avantazh edhe në qytetin e Rrëshenit. Sipas rezultateve paraprake, 2997 janë marrë nga kandidati i PS dhe 2113 vota për PD. Janë numëruar 18 nga 20 kutitë./BotaSot/

Zgjedhjet lokale, KQZ: 50.9 për qind pjesëmarrja në shkallë kombëtare.(Sondazhe – Hap pas hapi)

TIRANE – Lajmifundit – Komisioni Qendror i Zgjedhjeve deklaroi se 50.9 për qind ka qenë pjesëmarrja totale në votimet për zgjedhjet lokale në gjithë vendin deri në ora 19:00, orari zyrtar i mbylljes së qendrave të votimit.
Probleme ka pasur në qarkun e Tiranës, ku shumë votues kanë pritur në radhë edhe pas përfundimit të orarit zyrtar për shkak se procesi ka qenë i avashtë nisur nga fakti se votimi bëhej me katër fletë që duheshin plotësuar nga çdo votues.
Më poshtë pjesëmarrja sipas KQZ:
Qarku BERAT 47.7 52.4
Qarku DIBER 58.8 48.7
Qarku DURRES 48.7 35.1
Qarku ELBASAN 55.2 41.9
Qarku FIER 42.9 43.5
Qarku GJIROKASTER 55.3 44.7
Qarku KORCE 52.0 45.6
Qarku KUKES 66.9 46.1
Qarku LEZHE 44.9 46.7
Qarku SHKODER 58.6 48.8
Qarku TIRANE 38.1 49.1
Qarku VLORE 42.1 42.1
Total rang vendi 50.9 45.4 (treguesi i dyte thote per pjesmarrjen e femrave ne votime)

Sondazhi i NOA: Basha 59%, Rama 38% dhe Milloshi 3%

Tiranë, 8 Maj 2011 NOA – Një sondazh që u zhvillua këto ditët e fundit tek NOA – Agjencia Kombëtare e Lajmeve, nxjerr fitues kandidatin e Aleancës për Qytetarin, Lulzim Basha.

Në këtë sondazh, pati 2353 votues.

Ndër ta, 59 për qind ose 1398 vota janë dhënë për Lulzim Bashën.

Për Edi Ramën, kryebashkiaku aktual dhe kandidat për një mandat të ri nga Aleanca për të Ardhmen, janë dhënë 38 për qind ose 899 vota.

Kurse për kryetarin e Partisë Komuniste Hysni Milloshi, janë dhënë 3 për qind ose 56 vota, sikundër mund të shihni dhe në tabelën e detajuar.

Sondazhi i NOA konsiderohet ndër më të sigurtët e sondazheve online, pasi gjatë gjithë periudhës disaditore, çdo lexues kishte të drejtën e një vote të vetme. Për më tepër, askush s’mund të jepte votë në kompjuter të dytë, pasi sistemi ndalon këtë formë manipulimi duke njohur një IP të vetme për çdo lexues që dëshiron të votojë në sondazh.

e.t/NOA

Qendra Ndërkombëtare për Strategji Fushatash shpall Bashën fitues

Sondazhi i organizuar nga Qendra Ndërkombëtare për Strategji Fushatash në lidhje me procesin zgjedhor të 8 majit për Bashkinë e Tiranës përcakton si fitues kandidatit e “Aleancës për Qytetarin” Lulzim Basha me 54.8% të votave, ndërsa për Edi Ramës del se merr 43.6%. Kandidati i Partisë Komuniste, Hysni Milloshi, fiton 0.4 %, ndërsa 1.2 % nuk pranojnë që të shprehen. Të dhënat e këti sondazhi tregojnë se 54.8% e të anketuarve do të votojnë në zgjedhjet vendore të 8 majit, kandidatin Lulzim Basha dhe 43.6% e tyre do të votonin për kandidatin e “Aleanca për të Ardhmen” Edi Rama. Marzhi i gabimit për këtë sondazh sipas organizatorëve është llogaritur në 8%.

Lidhur me preferencat sa i takon partive del se Partia Socialiste mbështet nga 43.2%, Partia Demokratike 49.6%, Lëvizja Socialiste për Integrim 4%, për partitë e tjera 2.4%, ndërsa 0.8% nuk japin asnjë lloj informacioni. Ndërkohë, si prioritet 39. 8 % e të anketuarve rendisin punësimin si çështje parësore, për të vijuar më tej me 22.35 % për infrastrukturën, 16.2% për mirëqenien, 4.9 për të rinjtë, 4.5 projekte konkrete, 3.3 arsim, 2.4% rritje pensioneve, 2% ulje çmimesh, 1.6 gjelbërim, 0.8% ulje taksash. Personave të përfshirë në këtë sondazh u janë drejtuar pyetje specifike mbi kandidatët, Rama dhe Basha. Opinioni për Ramën: 24% mendojnë se është punëtor, 15% arrogant, 15% mashtrues, 14% i aftë, 7% korrekt, 7% i zgjuar, 6% i konsumuar, 5% i paaftë, 5% i ndershëm, 2% jo familjar. Opinion për Bashën: 26% mendojnë se është i aftë, 19% i kulturuar, 11% i zgjuar, 10% mashtrues, 9% i paaftë, 6% punëtor, 5% sjell ndryshimin, 5% s’bën për kryebashkiak, 5% diplomat, 2% barbar, 2% i besueshëm.

Agjensia e Lajmeve “SOT” sondazh

A do fitojë Lulzim Basha përballë Edi Ramës Bashkinë e Tiranës?

Seleziona sondaggio

A do fitojë Lulzim Basha përballë Edi Ramës Bashkinë e Tiranës?
PO
19296	58.3%
JO
13829	41.7%

Numero di votanti	: 33125
Primo voto	: Martedì 30 Novembre 2010 20:44
Ultimo voto	: Lunedì 09 Maggio 2011 01:10

“TIRANA OBSERVER” Sondazh

Zgjedhjet e 8 majit po afrojnë, si mendoni ju kush do e fitojë bashkinë e Tiranës ?

Select Poll

Zgjedhjet e 8 majit po afrojnë, si mendoni ju kush do e fitojë bashkinë e Tiranës ?
Lulzim Basha
42554	61.5%
Edi Rama
25961	37.5%
Nuk më intereson
664	1%

Number of Voters	: 69180
First Vote	: Wednesday, 16 March 2011 00:45
Last Vote	: Monday, 09 May 2011 01:13

Basha: Do të pres numërimin zyrtar, pala tjetër të pranojë rezultatin

TIRANE – Lajmifundit – Kandidati demokrat për Bashkinë e Tiranës, Lulzim Basha doli para medias në një deklaratë mbrëmjen e sotme.
Ai tha se “sapo qytetari i fundit i Tiranës që kishte ndërmend të votonte ka hedhur votën e tij, nuk ka mbetur më qytetar pa votuar”.
“Unë kisha ruajtur këtë moment për këtë mesazh për qytetarët. Dua ti falënderoj që u përfshinë në fushatë, për vëmendjen që i kushtuan kandidatëve dhe mundësinë që më dhanë mua ti kushtoj vëmendje”, tha Basha.
Ai u shpreh se pjesëmarrja rekord për Tiranën, procesi i ndershëm demokratik dhe ligjor, transparenca e procesit kërkojnë që palet të njohin e të respektojnë rezultatin.
“Të gjithë qytetarët e Tiranës janë fitues, të dhënat si pjesëmarrja, sondazhet e exit-poll janë optimiste, unë jam i vendosur të pres numërimin dhe shpalljen e rezultateve”, tha Basha.
Ai theksoi se transparenca e numërimit, respektimi i rezultatit është shërbimi më i mirë që mund ti bëhet vendit. Basha tha se numëruesit kanë tani në duar procesin zgjedhor.

Rama: Fitorja e PS e sigurt, këto, zgjedhjet më të shëmtuara

TIRANE – Kryetari i PS, Edi Rama deklaroi sot në mbrëmje se fitorja në Tiranës është e sigurt. “Falenderoj ato që votuan sot Aleancën për të Ardhmen, Partinë Socialiste, mua dhe të gjithë kandidatët tanë. Fitorja jonë në Tiranë është e qartë dhe mbetet për tu parë vetëm thellësia e saj. Akoma më e bukur do të jetë fitorja anë e mbanë Shqipërisë.”, tha Rama.
Rama i bëri thirrje komisionerëve dhe numërusve që të bëjnë kujdes për të mos lejuar deformimin e vullnetit të popullit. “Dëshiroj të komunikoj për të gjithë njerëzit e angazhuar nga Vermoshi në Konispol në këtë proces zgjedhor që puna e bërë deri tani nën një presion të shëmtuar e të kudo ndodhur, të vazhdojë me ngulm me vëmendje dhe durim të hekurt.. Populli ka folur qartë. Ne kemi detyrim në çdo cep të Shqipërisë që të nxjerrim nga kutitë shprehjen e popullit sovran pa lejuar që ajo të cenohet apo deformohet.”, theksoi Rama.
Ai u ndal në vlerësimin e tij për procesin zgjedhor të 8 majit duke thene se “këto ishin zgjedhjet më të mira në ekran të paktën qysh se une mbaj mend por ishin edhe zgjedhjet më të shëmtuara në realitetin e njerëzve të zakonshëm. Shqiptarët nuk ja kishin borxh as Saliut dhe as Ilirit të gjithë atë presion dhe trysni të ushtruar ndaj tyre.”.
“Gjithsesi problemin me rezultatin do ta ketë kundërshtari dhe jo ne.”, tha Rama.
Ai i bëri gjithashtu apel drejtorit të përgjithshëm të policisë që të qëndrojë në krye të detyrës dhe të mos e ngatërrojë ngjyrën blu të policisë me ngjyrën e partisë së atyre që kanë humbur zgjedhjet.

Exit poll “Gani Bobi”: Lulzim Basha 58.4%, Edi Rama 39.8%

TIRANE – Lajmifundit – Institui Gani Bobi bëri publike pak çaste më parë në emisionin Opinion rezultatet e exit pollit të realizuar në Tiranë për zgjedhjet lokale.
Në lidhje me votimin për kryetar bashkie, sipas Gani Bobit, 58.4 për qind e qytetarëve kanë votuar Lulzim Bashën ndërsa 39.8 për qind kanë votuar Edi Ramën.
Po kështu 0.4 për qind kanë votuar kandidatin e tretë për kryebashkiak, Hysni Milloshi. Per asnjerin jane pergjigjur 2.3 per qind.
Sipas Gani Bobit, votimi për njësitë bashkiakë është si më poshtë:

Minibashkia 1
Adron Seseri PD 57%
Lindita Nikolla PS 43%

Minibashkia 2
Elez Gjonçaj 62.8%
Artemon Cukalla 37.2%

Minibashkia 3
Ilir Kokona 67.5%
Enver Sulollari 32.5

Minibashkia 4
Hysen Gjura 57%
Vaid Kalaja 43 %

Minibashkia 5
Erisa Xhixho 46.5%
Jeta Seitaj 53.5%

Minibashkia 6
Luzhiana Abazaj 53.5%
Krenar Cenollari 46.5%

Minibashkia 7
Krenar Alimehmketi 60%
Erion Koka 40%

Minibashkia 8
Arben Tafaj 62%
Sead Vorbsi 38 %

Minibashkia 9
Indrit Fortuzi 62.5%
Armond Halemi 37.5 %

Minibashkia 10
Blendi Fuga 65%
Enada Alikaj 35%

Minibashkia 11
Haki Mustafa 66.5%
Naim Asllani 33.5%

Votat per Keshillin Bashkiak, sipas Partive
PD 52 %
PS 40 %
LSI 6.1%
PSD 0.3%
PDIU 1 %
PBDNJ 0.1%
PR 0.2%
LZHK 0.2 %

Zgjedhjet, exit-polli i PS: Edi Rama 53%, Lulzim Basha, 42%

TIRANE – Lajmifundit – Partia Socialiste shpalli pak çaste më parë exit-pollin e saj me anë të Besnik Dervishit.
PS është forca e parë politike në Shqipëri e cila deklaron publikisht rezultate të një exit-polli për këto zgjedhje. Sipas Besnik Dervishit, nga intervistimi i 15 mijë votuesve del se preferenca në Tiranë për kryetar bashkie është 53 për qind për Edi Ramën dhe 42 për qind për Lulzim Bashën.
Besnik Dervishi tha se koalicioni i PS ka marrë 48 për qind të votave kurse koalicioni i PD ka marrë 41 për qind të votave.
Sipas përfaqësuesit të PS, Besnik Dervishi, Edi Rama ka mbi 17 mijë vota avantazh në Tiranë krahasuar me rivalin Lulzim Basha. Kjo shifër është dhënë ndonëse PS e ka bazuar exit-pollin e saj tek intervistomi i 15 mijë qytetarëve!

Berisha: Exit-poll i PS? Më shumë i besoj Facebookut

TIRANE – Lajmifundit – Kryeministri Sali Berisha doli para medias pak çaste më parë në lidhje me votimet e sotme për zgjedhjet lokale.
“Në karrierën time nuk kam dëgjuar kurrë që exit-pool e partive të nxjerrin humbëse partinë. Po ja lë kundërshtarit tim ta besojë sondazhin e tij. Një tjetër sondazh i pavarur i një instituti të paanshëm Gani Bobi nxjerr një diferencë të madhe, diferencë jo vetëm dy shifrore por edhe pothuajse me dy dhjetëshe mes zotit Basha dhe zotit Rama. Ashtu sikundër ka një kontingjent intervistuesish që nuk kanë pranuar të përgjigjen në pool. Sidoqoftë ajo që mund të konfirmoj është se unë jam njeri që u besoj vetëm pool-eve të syve dhe të zemrës së zgjedhësve. Çfarë del prej tyre në mënyrë direkte dhe telepatike më bind mua dhe atë vlerësoj. Të gjitha këto histori pool-esh, unë një besoj dhe i besoj Facebook-ut”, tha Berisha.
Ai garantoi se Partia Demokratike është e hapur dhe do të pranojë çfarëdo rezultati.

Rama: Fitorja ne Tirane është e qartë

Zeri i Popullit
Lideri i Partisë Socialiste, Edi Rama, ka deklaruar fitoren e sigurte te opozitës jo vetëm ne Tirane, por edhe ne bashkite e komunat e tjera te vendit.

Megjithe problemet e renda për zgjedhjet qe duhet te shënonin fitoren e demokracisë ne Shqipëri, sipas Rames, fitorja e PS-se, jo vetem ne Tirane, por ne te gjithe vendin është e padiskutueshme. “Fitorja në Tiranë është e qartë, por tani ne presim që të dëgjojmë fitoren edhe në gjithë vendin”, tha Rama. Ndërkohë, kreu socialist ne deklaratën e tij te pare për shtyp pas procesit te votimit u shpreh se zgjedhjet lokale të vitit 2011 ishin më të shëmtuarat ne historinë e votimeve, por sipas tij vlerësimin përfundimtar do ta marrin kur të vuloset rezultati. “Këto ishin zgjedhjet më të mira në ekran, por ishin më të shëmtuarat në realitetin e njerëzve të zakonshëm. Presionet, kërcënime dhe përpjekje të gjithanshme për të ushtruar trysninë e shtetit mbi shqiptarët që nuk ia kishin borxh kryeministrit “, tha Rama. Por megjithe këto probleme e presione nga ana e pushtetit, Rama u shpreh i bindur ne mbrojtjen deri ne fund te votës. “Ne jemi në këmbë, 24 në 24 në të gjithë Shqipërinë, për të mbrojtur çdo votë, duke e numëruar sikurse e ka përcaktuar vullneti i çdokujt qytetari” tha më tej Rama.

Bumci: Si me futen ne burg sigurimi dhe letrat per Enver Hoxhen

Shkelqim Bumci, inxhinier, nje nga ata njerez qe punuan pothuajse ne te gjithe veprat e 5-vjecareve deri diten e arrestimit ne vitin 1976. Si beri 10 vjet burg per te dale me pas dhe per te qene ne ndermarrjen e pishinave. Drejtimi i Shoqates se Ndertuesve pas vitit 1999 dhe tashme ne nje studio private konsulence ndertimi.

Ky eshte nje moment kur ju ishit kryeinxhinier ne Ndermarrjen Industriale te Lacit, nje periudhe qe ju lidh me 4 vepra te medha, Uzinen e Rafinimit te Bakrit ne Rubik, Uzinen e Fosfatit ne Lac, Kombinatin e Drurit ne Lac dhe Fabriken e Cimentos ne Fushe-Kruje?

Pas diplomimit si inxhinier, kam punuar tek 21 dhjetori si inxhinier zbatimi, pergjegjes sektori dhe me vone si kryeinxhinier kantieri ne ndertimet ne Tirane ku me kryesori eshte kompleksi i presidences, ku eshte selia e presidences sot. Ajo eshte puna e pare qe kam bere si inxhinier ndertimi. Ndertimet ne rrugen e Durresit qe jane dhe sot, vila qeveritare e Dajtit qe eshte edhe sot dhe shume objekte te tjera. Ne mars te vitit 1963 vajta ne Lac, ku u emerova kryeinxhinier ne Ndermarrjen e Ndertimeve Industriale ne Lac. Ne ato vite, Ndermarrja e Ndertimit ne Lac ishte ndermarrja me e madhe e ndertimit ne Republike. Sic e thate dhe ju, ndertoheshin 4 vepra ne te njejten kohe, paralel, dhe te katerta jane ndertuar ne periudhen e viteve 1963-1966. Ka qene nje pune me te vertete e veshtire, ku ka spikatur ajo deshira e madhe dhe pasioni i tere personelit te inxhiniereve te ndertimit per t'i realizuar ato vepra, dhe me kete rast une desha te permend disa nga drejtuesit kryesore te ndermarrjes, si Pirro Kono, Xhavit Fejzo, Bujar Basha, Bajram Muca, Ilia Prifti, Ernest Sokoli, Ejup Maliqati, Hysen Bardhi, e shume te tjere. Nuk mund te le pa permendur edhe kontributin e shquar qe kane dhene dhe dy repartet e te burgosurve politike. Si Bardhyl Berishovi qe nuk eshte me, qe fati e deshi qe me vone ti takoj ne Spac kur vajta si i burgosur. Nga kryeinxhinier i ndermarrjes qe isha ketu, kur vajta ne Spac, i gjeta aty dhe kjo qe nje faktor pozitiv sepse me krijuan nje ambient jashtezakonisht te ngrohte, pasi faza e pare eshte shume e veshtire. Sigurisht, perfundimi i ketyre 4 veprave, eshte nje arritje e madhe qe kaloi me veshtiresi te medha. Vitin 1963, ishte nje vit i zi, nuk ishim askund me realizimin e detyrave te planit, kishim mungesa te medha ne transport, ne makineri, ne specialiste, megjithate e morem veten dhe pothuajse te 4 veprat arriten te perfundonin ne afatin e caktuar. Nder to, ka pasur inxhiniere dhe teknike, mund te permend Yzer Xhenepi, Aziz Lleshi, Medin Shtina, Halil Zoto, Bardhyl Koto, Petrit Bekolli, Xhelal Beqiri, Mihal Koroshi, Pjeter Nikolla, Gjetan Demiri e shume te tjere, te cilet kane punuar me vendosmerine per perfundimin e atyre veprave. Pa arritur inaugurimin e ketyre veprave, u transferova kryeinxhinier ne ndertimin e hekurudhes se rinise Rrogozhine -Fier. Ishte nje pune krejtesisht tjeter, gjeja me kryesore ishte ana organizative qe te behej me mijera njerez, ku cdo turn kishte 8 -10 mije vullnetare ne gjithe sektoret e hekurudhes dhe atje pergjithesisht ishte pune e thjeshte, u bene vepra kryesisht ne bujqesi sic ishte ura e Rrogozhines, kryqezimet ne disnivel etj. Dhe ketu desha te permend disa nga koleget e mi qe kane dhene nje kontribut te shquar ne ndertimin e kesaj hekurudhe, si drejtori Pirro Stefa, Andrea Papastefani, profesor i nderuar qe ishte kryetar i deges se rinise, Thanas Braho, Mergim Korca, Kristo Haxhia, Ismet Pengu etj. Sigurisht, nje pune shume te madhe beri dhe rinia e vendit tone e une edhe sot ne distancen e pothuaj gjysme shekulli, mund te them se kane ndihmuar shume opsionet e rinise ne emancipimin e rinise ne menyre te vecante te zonave te thella. Kjo sepse shihej diferenca, si vinin dhe si iknin. Pas perfundimit te kesaj hekurudhe, shkova drejtor hekurudhe Elbasan- Perrenjas. Kjo ishte krejt nje natyre tjeter, ishte nje veper shume e veshtire inxhinierie, dhe mund te them prape sot ne distancen e viteve se eshte nje nga veprat me te veshtira te inxhinierise qe eshte projektuar dhe eshte ndertuar nga njerezit tane. Dhe ketu dua te permend ne radhe projektuesit tone te nderuar si Shaban Trojzi, Mitat Demiri dhe inxhinieret qe punuan ne zbatim, Bardhyl Ceku, kryeinxhinieri, Demir Hoxha, Hysni Korca, Thoma Braho, Xhafer Vila, Arifjo Obelli, Sadik Elezi, Pajtim Mushobani, Kristaq Nase, Jashar Koshkollari etj. Edhe ketu, sigurisht, spikat puna e madhe e rinise por ne ndryshim nga hekurudha Rrogozhine-Fier, ketu kishte shume vepra arti. Shume tunele, shume viadukte, shume ujembajtes, keshtu qe paralel me 8-10 mije vullnetare qe kishte cdo turn ne kishim nje force stabel prej 2400-2600 vetash specialiste dhe punetore. Hekurudha spikat dhe per nje gje tjeter, se per here te pare u blene dhe u vune ne pune pajisjet e shpimit te tuneleve, te cilat me vone i moren ushtria dhe hidrocentralet si dhe u pergatiten specialistet e pare per shpimin dhe betonimin e tuneleve.

Me lejo t'ju pyes lidhur me kete hekurudhe. Nje nga veprat me te rendesishme eshte dhe ura e Bushtrices se ciles i jane thurur dhe poezi dhe kenge. Ne ate kohe thuhej se eshte nje nga urat me te medha ne Ballkan....?

Per ne ka qene ure e madhe edhe sot mbetet ure e madhe, gati 400 e sa meter, 50 meter e larte. Ura te tilla ne bote ndertohen me qindra dhe me mijera nuk ka diskutim, por per ne ishte e madhe se eshte bere me krahe, dhe sot po ti shohesh pilat e ures se Bushtrices, e kane biografine ne vargje aty, ato nderprerjet e dites, e turnit, e muajit e te tjere me radhe. Aty eshte bere 100% me krahe, sot as nuk imagjinohet nje pune e tille. Por per ne ka qene nje veper e madhe.

Megjithate ju nuk qendruat ne hekurudhe derisa perfundoi ajo sepse ju emeruan ne nje detyre akoma me te rendesishme?

Eshte e vertete. Une qendrova ne hekurudhe deri ne vitin 1971, mbaruam periudhen e pare ne nentor te vitit 1971 dhe inauguruam dergimin e trenit deri ne Librazhd. Mbaruan tunelet e Murashit dhe ishin nje sukses i madh sidomos Murashi 1, ishte 1km, e kemi care ne 4 drejtime, hyrja, dalja dhe me steke ne mes. Fale punes se talentuar te topografeve, Sekrezem Laku, Isuf Mehmeti te asaj kohe qe aksi i tunelit levizi me dy-tre centimetra megjithese ishte punuar ne 4 drejtime. Ne ate kohe, mua me thirren dhe me emeruan kryeinxhinier ne drejtorine e pergjithshme te ndertim-montimit te kombinatit metalurgjik. Sigurisht, ishte koha atehere qe nuk mund te beja as ankesa dhe as kerkesa, perkundrazi duhet te falenderoje per besimin dhe te shkoje atje ku te kane caktuar. Me thene te drejten, une kam ikur me zemer te vrare nga hekurudha sepse e kisha me shume qejf, me shume pasion dhe isha shume i lidhur me kolektivin e hekurudhes, sepse e kishim krijuar bashke dhe ishim rritur bashke qe nga Rrogozhine-Fieri e deri tek Elbasan-Perrenjas. Megjithate, detyra eshte detyre dhe une fillova ne kombinat metalurgjik dhe ajo mbetet nje nga kantieret me te medha te ndertimit te vendit tone dhe sic e kam thene atehere kur i shkrova ish-diktatorit tone, qe veper aq e madhe, as nuk eshte bere dhe as nuk ka per tu bere ne 20-30 vitet e ardhshme ne vendin tone. Dhe koha e vertetoi, mbase do arrije te beje gjera me te medha. Ekonomia e tregut do na nxjerre ndonje gje tjeter, por ajo ka qene nder kantieret me te medha. Brenda fushes punonin 90 kantier ndermarrjeje dhe ndertimi, kishte rreth 10 mije e 500 punetore e specialiste, kishim 2000 vullnetare dhe ne vitin 75 sollen dhe nga industria 3500 vete per t'u pergatitur per shfrytezimin. Pra ne nje fushe ishin 16 mije veta, punohej me tre turne. Per ne kombinat desha te permend drejtoret, kane qene tre drejtore, Beish Xhiberja ka qene drejtori i pare, inxhinier Eqerim Shijaku ka qene bashke me mua, inxhinier Feriz Mataj ka qene pas nesh, eshte njeriu qe ka mbajtur peshen kryesore pas asaj periudhe te veshtire qe u kalua. Dua te kujtoj inxhinieret qe nuk jane, qe kane dhene nje kontribut te shquar ne ndertimin e kombinatit, si inxhinier Demir Hoxha, Kujtim Dakli, Robert Semini, Petraq Treska, Sali Vincani, Skender Cema, Nuri Rusi, si dhe inxhinieret dhe bashkepunetoret e mi si ne drejtori te pergjithshme ashtu dhe ne ndermarrjet e kantierit kryesor, Yllka Zaloshja, Rasim Qerma, Fitim Gjebrea, Robert Floqi, Luiz Aleksi, Petrit Sina, Vladimir Meksi, Sakip Zebi, Jashar Koshkollari etj. Viti 1975, e kam thene dhe ne nje shkrim me pare, ka qene nje lemsh i zjarrte ne metalurgji dhe gjithe synimi jone ishte qe gjithe ky lemsh i zjarrte te mos pengonte njeri-tjetrin dhe te shkonte ne drejtimin qe donim dhe te perfundonte fazen e pare. Qeveria luante shume, kishim nje presion te jashtezakonshem, ne nuk dinim asgje, ata pergatiteshin per prishjen me Kinen dhe donin medoemos qe te perfundonte faza e pare, megjithese kishim mungese pajisjesh dhe makinerish, presioni ishte i jashtezakonshem qe te mbaronim ne kohe.

Faza e pare ka lidhje dhe me venien e eficences se furrnaltes se pare?

Po. E arritem ate, ne tetor ose nentor nuk e mbaj mend mire u inaugurua furrnalta e pare. Dhe ketu ka nje gje shume interesante, ne nentor te vitit 1975 mbaj mend u bene listat per dekorim dhe Komiteti i Partise kishte propozuar per mua flamurin e kuq te klasit te pare. Dhe keto dekorime, sic ishin zakon, beheshin nga aparati dhe kalonin ne organizate, pastaj ne Komitet te Partise, kalonin ne byrone e rrethit dhe shkonin ne ministri, pra te tere keto instanca qe i kishte kaluar ne nentor. Dhe me 3 dhjetor, une shkarkohem brenda dites, madje ishte urdhri qe duhej te paraqitesha ne Berat si inxhinier i thjeshte. Sigurisht qe u revoltova pa mase.

Ishte dicka e papritur per ju?

Ishte e papritur. Kisha nje besim te jashtezakonshem ne veten time dhe duke qene i paster dhe i ndergjegjshem qe nuk i kisha bere keq njeriut te gjalle, aq me pak punes dhe vendit tim. Nuk e prisja dhe ajo qe me revoltoi me shume ishte ajo brenda dites, jo ajo e shkarkimit se per te me shkarkuar ata me shkarkonin kur te donin ata, e kupton? I bera telegram Enver Hoxhes dhe Mehmet Shehut dhe si duket beri efekt, nuk mund ta them tani se ne cilen dere ne te djathten apo te majten dhe me 6 dhjetor me therriten ne metalurgji ne darke. Kishte ardhur Adil Carcani dhe Pali Miska, ishte Minister i Bujqesise. Adili ishte zevendeskryeminister dhe me thote, Cfare ka? Kush ka dhene urdher qe te shkarkohem une brenda dites, i thashe. Une, me tha. Shume gabim, i thashe, po pse brenda dites? Te kemi kritikuar dhe here te tjera per te meta dhe dobesi ne pune, do te shkarkojme dhe do te shkosh si inxhinier i thjeshte ne Berat, nuk ka ndonje gje te keqe ketu, por brenda dites eshte gabim se nuk kam thene brenda dites une, me tha. Ketu ka organizate partie, i thashe, ka komitet partie, gjithe kjo pune si do te ike brenda dites, cfare ka ndodhur? Dhe faktikisht ana formale u ruajt pas kesaj, me therriten dhe kjo eshte shume interesante kjo puna e perjashtimit nga partia. U be mbledhja e organizates, ne ate kohe ishte derguar nje ekip prej 60 vetash nga kontrolli i shtetit, beri ne raport atje dhe ne organizate te partise shtrohet puna per perjashtim. Absolutisht asnje nuk ishte dakord, nje shoku im madje eshte edhe sot perfitoj nga rasti ta falenderoj, Asim Qerma, nuk pranohet tha, ky ka punuar mire ketu dhe atje dhe te gjithe ato atje keshtu thane dhe ky mbeti ne minorance. Organizata e pare nuk ishte dakord, ne komitet te partise se kombinatit. Ne komitet te partise se kombinatit, ishin dhe dy-tre punetore specialiste, ata u ngriten se keta qe ishin punetore nuk mundeshin kurre, ata u ngriten dhe thane, c'eshte kjo? Nga erdhi? Ne para nje muaji e propozuam kete, cfare thoni, etj? Komiteti i Partise se kombinatit nuk mori vendim, ne nuk kemi te dhena, nuk na kane dhene gje partia, te vendose byroja e rrethit. Vajta ne byrone e rrethit. Absolutisht asnje nuk dilte kundra per te thene asgje. Perfundimisht, Sekretari i Pare i Partise, me tha dorezo teserin dhe po te kesh ankesa drejtohu atje dhe me beri me dore me lart ku ishte fotografia e Enver Hoxhes. Dhe ne letren qe i bera Enver Hoxhes i thashe, per te meta dhe dobesi e kam thene dhe here te tjera, por karshi kesaj vepre, ketij kolosi jane gjera te vogla, dhe perfundimisht une jam i ndergjegjshem qe ky eshte maksimumi i aftesive tona fizike dhe mendore, dhe aty kam than se kantier si ky nuk ka per tu bere me per 20-30 vjet.

Me pas ju cuan ne Berat?

Pas shkarkimit dihej se tashme gjendja politike e vendit ishte e acaruar ne maksimum, lufta e klasave ishte ne rend te dites, kerkoheshin gjithandej armiq dhe sabotatore, ishte denuar grupi per ideologji, ishte denuar grupi per ushtarak, grupi i ekonomise, i naftes dhe tani po denohej ndertimi. I thone gjithe ato vepra. E leshoi xhaxhai, se keshtu i them une, gjithe keto vepra te medha me thote ai mua, tashme me vine raporte se ne keto vepra, ne hekurudhe, ne metalurgji ne Ballsh, permendte disa ai, shohim shume dobesi, te meta dhe gabime, madje dhe sabotime. Kaq tha dhe u dha orientimi. Ne te njejten kohe ika une nga metalurgjia, iku Xhavit Sallaku nga Ballshi, qe u befte per rahmet se e pushkatuan, iku Kico Reshi, ish drejtor i pergjithshem i bonifikimit ne vendin tone, nje njeri qe ka dhene nje kontribut te shquar ne bonifikim dhe veprat e ujesjellesit qe jane bere ne Shqiperi dhe do te vazhdonte kjo pune por cdo e keqe sado e madhe thote populli, e ka nje te mire mbrapa. Gjyqi im i Elbasanit beri qe te frenohet, mos te ece me perpara se u leshuan edhe tek hidrocentralet 60 vete ekip kontrolli qe te gjenden sabotime.

Atehere qendrojme ne gjyqin qe u be ne Elbasan...?

Gjyqi i Elbasanit eshte nje epope ne vete, eshte tete dite, ne ate kohe nuk mendoheshin keto pune, nese je per veprimtari armiqesore brenda dites te leshoheshin, fol nese e mundesh apo kishte raste qe nuk i thoshe dot dhe merr denimin. Problemi ishte qe qendrova, e lidh me ate te paren, i thashe ne asnje menyre nuk e pranoj por e hedh poshte resht per rresht, germe per germe, aty ishte dhe perplasja e pare me prokurorin. Si prokuror me kishin dhene prokurorin ushtarak te qarkut.

Hetuesi patet?

Vetem 18 muaj, faza e pare dhe 12 muaj faza e dyte dhe 30 muaj e 15 dite kam qendruar ne izolim. U leshua ai, ti je armik dhe ketu po mban qendrim etj. Kujt i thua armik?- i them une. Por ja kam thene me sa fuqi qe kisha. Me fuqine e shpirtit dhe dukej ajo britma ime imponuese, gjej rastin te falenderoj shume dhe Kryetarin e Gjykates Sabri Rrapin, per qendrimin korrekt qe mbajti, i dha nje mundesi gjykimit, mbajti njefare kandari se zakonisht nuk mbahej kandar, e merrte prokurori zvarre gjykaten. Une i thashe jam i pandehur derisa nje gjykim i prere nga gjykata te me denoje, dhe te me tregoje se per cfare aktiviteti do te me denoje? Kjo beri nje jehone te jashtezakonshme, gje e rralle qe nuk bente vaki ndonjehere. Megjithate ata friken e kishin. Thane do te gjykojme ne metalurgji. Ku ta gjej une i thashe? Jam ne mes te punetoreve te mi, te gjithe me njohin. Ne metalurgji jo e jo por as ne sallen e gjykates se dhe aty paten frike dhe me cuan ne zyre te kryetarit, perplasja e pare pati efektin e vet dhe kur u ngritem ne pushimin e pare 10 minuta pushim, prokuroria erdhi aty afer dhe ngriti zerin qe te degjoja une, une ne ate moment po ndizja nje cigare. Shkelqim Bumci e ka marre shume lehte aktakuzen, tha ai, por me kete nen qe te kemi vene, ne te kerkojme koken. Eshte e drejta juaj zoti prokuror, i thashe une, kurse une po te them se per keto dite qe po me mban ne burg une do te kerkoj rrogen. Eshte e shenuar kjo dhe me te vertete erdhi dita pavaresisht se po e marrim pak me vonese, erdhi dita qe ne te marrim rrogen per ato ditet e burgut. Pas nje perplasjeje 5 ditore, rane te gjitha akuzat nje e nga nje. Perfundimisht, diten e peste per here te pare ne historine e asaj diktature, prokurori e hoqi akuzen per veprimtari armiqesore dhe kerkoi te denohem per shfrytezim te detyres zyrtare dhe ate nuk e pranova sigurisht. Dhe cfare mbeti? Me 2 gusht ka qene festa e ndertuesit dhe une kisha thirrur nga te gjithe kantieret e hekurudhes punetoret me te dalluar per nje darke, ne mense, me nga tre qofte, nga nje birre dhe nje cope buke, kaq ishte. Mirepo pa filluar akoma pa bere pershendetjen ata i mbaruan ato dhe me thote ai i kuadrit shoku drejtor keto mbaruan si t'ia bejme? Edhe njehere i them une dhe te gjitha ato benin 17 mije e 600 leke. Ne kishim nje ndermarrje te furnizimit te punetoreve qe na ushqente. Drejtori i saj, nje njeri i nderuar, i vinte zor se ne kishim pa paguar dhe ato qe kishim mbaruar dhe i vinte zor te thoshte, kishte kaluar nje vit dhe ai do te mbyllte bilancin, therras shefin e balances, pse nuk paguan i them une? Eshte ne kundershtim me thote ai. Paguaje i them une? Me fal, tha, por e dua me shkrim. Beje me shkrim, i thashe une dhe ta firmos une. E beri ai dhe une e firmosa, me fal tha por une do ta bej dhe do te raportohet ne ministri. Raportoje i them une.

Ky ishte abuzimi i madh?

Po. 17 mije e 600 leke.

Pra nje rroge e gjysme?

Po, ke te drejte, tamam nje rroge e gjysme. Dhe me e bukura eshte, se kjo u vertetua dhe ne gjyq. Ne gjyq u thirr shefi i balances dhe ai tha tekstualisht ato qe kisha thene dhe une. Me tha mua, po sikur te mos e pranoje ministria? I thashe, une kam ne libreze 36 mije leke, do ti paguaj nga xhepi, para punetoreve nuk u marr me. Ishte turp t'u them pas nje viti, se keni per te paguar nga dy qofte dhe nje shishe birre. Megjithate, ky nuk ishte i vetmi, ne rang ministrie kishte shume shkelje dhe na therriten ne ministri dhe na kritikuan. Ministri na tha t'iu vleje kjo verejtje se kush do ta perserise do te paguaje nga xhepi, me kete u mbyll. 5 vjet me vone, kjo u fut si sabotim ne te paren duke qene ne pozita armiqesore i kundervihet me dashje, ishte shperdorim i detyres zyrtare neni 199, paragrafi i pare, 5 vjet. Kjo ishte nje fashe kryemadhe per sigurimin, nje renie prestigji per ate qe e insistoi, pas kesaj sigurimi u perpoq ta ktheje ne anen familjare, ta largoje sa me larg nga pergjegjesia, dhe nderkohe punonin intensivisht per ta marre per se dyti. Me sjell im ate lutjen per rishikim, e kam akoma ate letren. I them, i dashur baba nuk ta firmos mos te te ngelet hatri se nuk ka njeri ndermend te me liroje, perkundrazi duan te me denojne me rende, e di teknologjine se une jam brenda dhe e di kete pune. Mirepo prinderit si prinderit dhe dikush i shtyu ata dhe e bene ata kerkesen, kaq mjaftoi dhe me moren dhe njehere nga e para ne Tirane. Ne Tirane pazari ishte i shkurter, ishte i prere, me therriti zevendes drejtoi i sigurimit te shtetit dhe zevendes drejtori i hetuesise, me nje kapadaillek, me kembe permbi kembe ata dhe me thane: He Shkelqim Bumci me tha, nuk te pelqeu akt akuza me 7 faqe, se kaq ishte atehere, na e hodhe poshte rresht per rresht, do te ta bejme me 17 faqe kete radhe, nuk te pelqejne 5 vjet tha? Deshe pafajesi, do te ta bejme 20 vjet. Dhe me te vertete pas nje viti, u be nje vit ne hetuesi, nje kolegj penal i Gjykates se Larte brenda ne burgun e Tiranes me denoi me 20 vjet dhe me nje akt akuze 17 faqe qe e kishte bere karagjozi hetues per t'u bere qejfin shefave, kishte budallalleqe brenda, por vetem ne faqen e 17-te e kishte firmosur. Mbaroi ai gjyq farse. Ishte caktuar qe ne fillim, qe ne korrik me thane ata mua, nje vit me vone ma dha gjykata e larte.

Me thate qe hetuesia juaj zgjati 30 muaj?

Te dy hetuesite zgjaten 30 muaj dhe kur dola nga izolimi, per 30 muaj isha ne izolim dhe nuk kisha fare kontakt, e para gje qe mora vesh ishte se im vella i vogli, Ibrahim Bumci s'ishte me. Nje djale i shkelqyer, nje inxhinier metalurg gjithashtu i shkelqyer, nga presioni i madh, ishte kryeinxhinier ne uzinen e bakrit ne ate kohe, ai vrau veten. Dhe kjo e beri burgun tim, pra la nje gjurme jashtezakonisht te madhe, te hidhur, te pazevendesueshme ne familjen time. Dhe ajo gje qe me vjen shume keq, eshte se une isha vetem 500 metra larg shtepise se isha ne burgun e Tiranes, dhe le qe nuk mora pjese ne varrimin e tij por as nuk e mora vesh per vdekjen e tij, e kam marre vesh pas nje viti. Me kujtohet nga nje shkrim, ne kohen e fashizmit kur Qemal Stafa ishte ne burg i vdiq i vellai dhe i dhane nje dite leje per te marre pjese ne varrim, kurse une as nuk e mora vesh. Gjate kohes qe isha ne burg, me humbi dhe ime me dhe nuk munda as ti hedh nje grusht dhe. Keto jane dy gjera shume te dhimbshme, te pazevendesueshme qe lene vrage ne jeten e njeriut.

Si ishte burgu juaj?

Burgu i asaj kohe nuk ka krahasim, nuk mund te imagjinohet sot. Edhe po ta thuash shume kush e beson, te rinjte nuk e besojne fare njehere. Megjithate burgu i Spacit qe ishte burg me emer te keq dhe ishte me te vertete i keq, pas gjithe ketij izolimi te gjate mu duk si nje shkalle lirie, takohesh me njerez, sheh, degjon nje radio, kishim nje megafon te prishur, degjon, merr vesh, lexon nje gazete te vetme qe ishte.

Megjithate ju vazhduat te punonit edhe gjate periudhes se burgut?

Sigurisht, 6 muajt e pare kam punuar ne galeri, pastaj komandanti i kampit, ishte nje njeri i mire pavaresisht pozicionit qe ai kishte, ai me mori dhe me kaloi ne ndertim. Ka mundesi te behet tha, fonde nuk kemi, para nuk kemi, megjithate krijuam nje brigade ndertimi dhe une u mora me ndertimin, dhe meqe u mora me ndertimin ne Spac, beme disa gjera te mira atje. Nga aty kalova ne Zejmen dhe aty ndertova nje kamp te ri, nga aty vazhdova deri ne fund inxhinier dhe ne fund jam liruar ne rikonstruksionin e shtepise se pushimit te Ministrise se Brendshme ne Durres, u shtuam te gjithave nga nje kat.

Bete 10 vjet?

Dhjete vjet, dy muaj e 22 dite. Pasi dola nga burgu, fillova perseri pune tek 21 dhjetori, shoket me ndihmuan, pa letra, pa dokumente, pa gje prej gjeje fillova pune dhe njehere atje ku kisha punuar ne fillim. Megjithate, edhe aty erdhi letra te shkarkohet me porosi te organit te larte, te shkarkohet dhe te cohet ne Berat. Aty e ndava mendjen qe nuk shkoj ne Berat, vetem po me cuan me hekura, po erdhi kapteri me hekura, atehere shkoj. Dhe i bera nje urim per vitin e ri Hekuran Isait, se e njihja qe me perpara, e falenderova se me kishte ndihmuar ne lirimin tim, per pune dhe sjellje te mire, se une kerkova pafajesine por ata i vune kete per pune dhe sjellje te mire dhe u lirova para kohe. E urova dhe i thashe per punen mos pyet, tani jam qytetar i lire, jam i zoti i vetes dhe do ti bej derman, e kuptoi ai. Pyeti, u interesua, e mori vesh se kush ka influencuar e qysh e tek, dhe kishte gjetur nje rast dhe i kishte thene Ramiz Alise, ne nje pushim ne nje mbledhje atje, kishte rene puna per pishinat dhe i kishte thene dergojme Shkelqimin, por e kane shkarkuar prape, akoma keshtu me ate djale?, kishte thene Ramizi. Aty te qendroje dhe kaq u desh dhe une pata fatin te punoj ne te vetmen veper qe punohej ne Tirane, kompleksi i pishinave. Ekonomia ishte ne fund, vetem ato u bene, punova atje dhe e mbylla me fabriken e re te miellit dhe me nuk kam punuar pastaj.

Por sigurisht keni vazhduar detyren e specialistit te ndertimit edhe pas ndryshimeve demokratike?

Po, pata fat dhe u jam shume mirenjohes. Menjehere pas ndryshimeve me moren dhe isha drejtor investimesh ne drejtorine e pergjithshme te turizmit. Kur u krijua ministria, drejtor investimesh ne ministri dhe pastaj kur u shua ministria mbeta kryetar i deges teknike te turizmit deri ne vitin 1999. Qe nje periudhe me te vertete e bukur, hartuam shume plane, shume ide, saqe kur e pashe qe nuk behej me gje ne 99-ten, ika se nuk me larguan ata dhe dola ne pune te lire. Ne vitin 2001, u krijua Shoqata e Ndertuesve dhe me kerkese te tyre, vajta drejtor ekzekutiv i shoqates, qendrova 7 vjet e gjysme dhe sigurisht kam qene dhe jam per kete qe ndryshimi eshte i domosdoshem dhe i nevojshem, sado mire qe te punoje njeriu, duhet me kohe ti lere vendin te tjereve qe ta cojne me perpara dhe u terhoqa. Tani kam dy vjet qe punoj. Kam nje studio timen te vogel, Instituti i Konsulences se Ndertimit quhet, merrem kryesisht me supervizion dhe kolaudim punesh.

Ne vitin 2009 Presidenti i Republikes ju dekoroi me titullin "Mjeshter i Madh"...?

Po, per kete u jam mirenjohes shoqates dhe gjithe ndertuesve te Shqiperise, anetareve te shoqates, bordit drejtues, Ministrise se Puneve Publike dhe Presidenti me rastin e largimit tim nga shoqata me dekoroi me titullin "Mjeshter i Madh". Kam ndjere shume kenaqesi per ate dhe ne menyre te vecante per motivacionin, sepse merret gjithe periudha 50 vjecare qe kam punuar ne ndertim, per kontributin e madh ne ndertimin e veprave kryesore ne Shqiperi.