Të martën KS i OKB-së seancë për Kosovën?

Edhe pse ende nuk është e sigurt, Rusia do të insistojë që më 3 gusht (të martën), Këshilli i Sigurimit të KB të mbajë një seancë për Kosovën.

Sipas raportimeve të medieve, përfaqësuesi i Rusisë në OKB, që merr kryesimin të dielën, do të vazhdojë konsultimet me anëtarët e Këshillit të Sigurimit për orarin e seancës. Rusia është e interesuar që ta mbajë sa më shpejt seancën.

Një zyrtar i Ministrisë së Jashtme ruse, citohet të ketë thënë se "Moska do të insistojë që seanca të mbahet më 3 gusht". Në të pritet të marrin pjesë ministrat e jashtëm nga Kosova e Serbia.